Jems 2:7 - Label

⁷ Mulor tasmani ot mang la sira atong laulau a wakak a risana e Iesu esaning mulo anunai.

Jems 2:7 Referans Kwoze

1 Timoti 1:13

Nating a sira atong laulau e Iesu, a alaulau a taraila ning la tortorot pa a akadik la. Ika e God i maris iau, anasa bel a tasman a utna ning a toli, pa belot a tortorot.

Aposel 11:26

Ning i seren pasi, i beni utumo e Antiok. Ning a kidol a rau dia kes taum ana tarai a lotu tumo, pa dia asaer a galis a tarai. Bot ning di atong a tarai a asasaer tumo e Antiok mang a te Karisitola.

Tatatai 19:16

Ting na nuna kaen pa ting na kinwar a hana, di ka tumus tar a risana larne, A King anuna kingla pa Leklek anuna leklekla.

Tatatai 19:13

I mermer ana kaen ning di amurungi ting na suluk. Pa a risana, “A Warwara ane God.”

Epeses 3:15

esaning a Tamana mangis a taraila saot na langit pa te lapiu otleng, pa i saran tar a lalaun tetek la rop.

Aposel 26:11

A galis a taem a kas ting na rumai lotula sur ar alaulau la, pa a ngongos la sur lar warwara laulau o e Iesu. A sira balakut rakrakai tetek la, pa a han otleng ana dingla na hananuala masik, sur ar tai pas la pa ar alaulau la.

Aposel 4:12

Bel tik masik ir alaun dala, pa bel ta risana tik otleng te na rakrakan hanua, ning e God i saran tari tetek a taraila sur dir alaun dala onoi.”

Matiu 12:24

Ika a Parisaiola la longori pa la atongi mang, “A barsan ne, i sira kepsen a motla ana rakrakai e Belsebul, a leklek anuna motla.”

Matiu 1:23

“Oroi i, a basbas a hane ir tianan pa ir agon pas a kaklik barsan pa dir atongi o e Emanuel,” Ais 7:14 a kamkamna mang, “E God i kes taum ondala.”

Matiu 27:63

La atai i mang, “Leklek, mila nuk pas a warwara anuna tena asasongo ne. Ning kaning ot i laun, i atongi mang, ning natol a pukakiar ir rop, ir kamtur ulak.

Aposel 15:17

Pa a taraila masik otleng, a taraila ning bel a tarai Juda, lar talingir tetek a Leklek, la ning ia ka kabah pas la sur anuki. A Leklek ka atong tari larne, ka warwara talapor ana ututnala ne’ Amos 9:11-12 natnating ot.

1 Pita 4:16

Ika, ning di akadik u ka anasa u a te Karisito, gong u meme. Ur atong aleklek pas e God, anasa u kibas a risana e Karisito.