Hibru 9:24 - Label

²⁴ Anasa e Karisito bel i kas ting na pukna ning i Tabu Kol, ning a tarai la toli. A pukna ning, a manar ka ana momol a pukna ning i Tabu Kol. I kas usaot na langit pa onone i tur salanigo namatana e God sur dala.

Hibru 9:24 Referans Kwoze

Hibru 12:2

Dalar tai tostos sur e Iesu, esaning i nigon dala ana toltol na tortorot, pa esaning ir agomo pas anundala tortorot tuk ir kidol. E Iesu i mat saot na rakai kutus, a utna na meme momol. Ika bel i nuk pas a meme ning, i saran tar i ot sur ir kilang kankan pa ir mat saot na rakai kutus, anasa i tasmani mang lamur ir kibas a tnan gasgas. Pa onone ka kes ting na ris a sot na keskes a king ane God.

Hibru 9:23

Dir atotoh a rumai sel pa a ututnala tingui na rumai, ana suluk a inagoila. La ning a manar a ututnala saot na langit. Ika a ututnala saot na langit, di atotoh la ana artabar ning i wakak kol tana artabarla te lapiu.

Hibru 8:2

I titol tetek e God saot na langit uting na pukna ning i Tabu Kol ting na rumai a sel ane God. I ne a rumai a sel momol, ning a Leklek ot i toli, bel a tarai la toli.

Jon 16:28

Ia ka han pas miting ta e Tata, pa a han ute na rakrakan hanua. Pa ne, ar han ma kusun a rakrakan hanua, ar ulak tetek e Tata.”

Kolosi 3:2

I wakak ning a nuknukimulo ir kes ana ututnala saot na langit, pa gong i kes ana ututnala mite lapiu.

A Pas ane Pol tetek a tarai Rom 8:33

Esining ir arup dala a tarai na aslang ane God? Bel tik ir tolsot pasi, anasa e God ot ka atong tar dala mang dala tostos namatana.

Aposel 3:21

Ir kes saot na langit, tuk ana pukakiar ning e God ir atona ulak a ututnala rop, ning ka lele nigo tar onoi ana warwara ana nuna tostos a propetla.

Luk 24:51

Ning kaning ot i atong angis la, i han kusun la, pa e God i los kas pasi usaot na langit.

A Wakak a Warwara o e Iesu Karisito i tumusi 16:19

Ning a Leklek e Iesu ka warwara tar tanla, e God i rakan pasi usaot na langit, pa i kes ana sot a kuna.

A Wakak a Warwara o e Iesu Karisito i tumusi 14:58

“Mila longori i atongi mange, ‘Ar regen sen a rumai a artabar ne ning a tarai la toli, pa ana natol a pukakiar ka ar tol pas tik ning bel a tarai la toli.’”

Tatatai 8:3

Ning a angelo kaleng i hanot i tur tar napir a logo na tun artabar. I tong pas a besen na gol, ning di sira tuntun a bulit ning a sasawana i toboh wakak onoi. Di saran tar a tnan bulit ning tana sur ir tuni sur a artabar. I suah taumi ana nunungla ana tarai rop ane God ting na logo na tun artabar ning di toli ana gol, salanigo na keskes a king.

1 Pita 3:22

Esaning i han kas usaot na langit, pa onone i kes ting na sot a kuna e God. Pa na angelo, pa ingunla ning la tong akes a rakrakai sur lar warkurai, pa ingunla ning la tong akes a rakrakai, la kes nahaina.

Hibru 9:9

Ine a manar sur a raula ne. A kamkamna mang a artabarla ning bel di tuni pa a artabarla otleng ning di tuni, ning di tabar e God onoi, bel ir atotoh sot pas a nunukin a tena lotu ning i artabar onoi.

Hibru 8:5

A titol na artabar la sira toli ting na rumai a artabar. A rumai ning i arlar ka ana manar a rumai saot na langit. Ine kamkamna ning e God i atumarang e Moses, ning i sang sur ir tol a rumai a sel ning lar tun artabar ono. I atongi tana mange, “Tumarang tar! Ur tol a ututnala rop, arlar ot ana manar a rumai ning ia ka asangan tari tam saot na mangir.” Kisim Bek 25:40

Hibru 6:20

E Iesu ka kas nigo usaot sur ir nangan dala. I anundala ningnigo na tena artabar tetek e God, a ngas a tena artabar arlar o e Melkisedek, pa anuna titol ning ir tur tikin.

Hibru 1:3

E Natnalik i talapor kol ana matatar ane God, pa i arlar momol ot o e God. Ana nuna warwara ning i rakrakai kol, i tong akes a rakrakan hanua rop sur ir titol taum wakak. I saran tar anuna lalaun, sur ir atotoh dala kusun a toltol laulaula rop. Pa ning ka tol arop tar a titol ne, i kes ting na ris a sot a kuna e God, a tnan king kol, saot na langit.

Jon 6:62

Ir mangmangasa tetek mulo ning mulor oroi a Nat a Barsan ir ulak usaot sur a hanua ning nating ka kes pas ano?

Matiu 18:10

“Gong mulo oroi purpurum pas ta halin kakakla ne. A atai mulo, anunla na angelola saot na langit la sira oroi a patar e Tata ning i kes saot na langit.

2 Korin 5:1

A palaondala i arlar ana rumai sel ning dala laun ono te na rakrakan hanua. Pa dala tasmani mang ning ir laulau, e God ir saran a tona rumai tetek dala saot na langit. A rumai ning ir kes tikin. Bel a tarai la toli ana kunla. E God ot ka tol tari.

Hibru 4:14

E Iesu, a Nat e God, i a tnan ningnigo na tena artabar tetek e God, ning i han usaot na langit. I maining dalar tur rakrakai ana asasaerla ning dala tortorot ono pa dala sira warwara talapor ono.

Hibru 9:1

Ana ningnigo na kunubus, a warkuraila na lotu, pa rumai sel ning di lotu ono te lapiu.