Hibru 5:8 - Label

⁸ I momol kol e Iesu a Nat e God, ika ning i kibas a kankan, i asaer ana toltol na mur a warwara ane God.

Hibru 5:8 Referans Kwoze

Pilipai 2:8

Pa na tarai la oroi mang, i a barsan momol. I anatarna pasi, pa i longor pa i saran tari ot sur ir mat. Momol ot, i mat saot na rakai kutus.

Jon 4:34

E Iesu i atai la mange, “Aka utna na hangan ine, ar mur a nemnem ane si ning i sune iau ute, pa ar tol arop anuna titol.

Jon 15:10

Ning mulo longor ana nuk na warkuraila, mulor laun ana nuk a marmaris, larning a longor ana warkuraila ane Tata, pa a laun ana nuna marmaris.

Jon 6:38

Anasa a han purum misaot na langit, bel sur ar mur a nuknukik, ika sur ar mur ot a nuknukna esaning i sune iau ute.

Hibru 3:6

Ika e Karisito, i a Nat e God pa i momol ana nuna titol ning i tai alar a rumai ane God. Ning dala tur rakrakai ana tortorot, pa bel dala matmataut, pa dala harnanai sur a ututnala ning e God ir toli, dala a rumai ane God.

Hibru 1:8

Ika i atongi o e Natnalik larne, “God, anuma keskes a king ir kes tikin pa bel ir rop. U sira warkurai anuma matanitu ana tostos a toltol.

Hibru 1:5

Anasa e God bel i atongi tetek ta angelo larne, “U a Natuklik, pa onone ia ka hanot e Tamam.” Buk Song 2:7 pa bel i atongi otleng on ta angelo mang, “Iau e Tamana, pa i a Natuklik.” 2 Sam 7:14

Matiu 3:15

Pa e Iesu i kelesi mang, “Ur baptais iau ka. I wakak ning ur toli, sur dar tolsot pas asa rop ning i tostos namatana e God.” Pa e Jon i longor tana.

Hibru 1:2

Ika ana ararop a pukakiarla ne, i warwara ana elgena e Natnalik tetek dala. E Natnalik ning i aslang pasi sur ir kibas a ututnala rop. Pa ana kuna e Natnalik, e God i akes a rakrakan hanua rop.

Jon 10:18

Bel tik ir kepsen anuka lalaun, iau ot ar saran tari. Iau ot a warkurai sur ar saran tari, pa ar los ulak pasi. A titol ne ning e Tata i sune iau sur ar toli.”