Hibru 2:3 - Label

³ Manglarning, ir mangmangasa tetek dala, ning onone dala gilam ris ana tnan titol ane God ning i alaun a tarai? Bel dalar tol sot sur dalar liu kumna kusun a warkurai na arkeles. A titol na alaun a tarai, a Leklek ot ka warwara nigo tar ono. Pa la ning la longor a elngena, la apuasa i tetek dala mang i momol kol.

Hibru 2:3 Referans Kwoze

Hibru 12:25

Mulor tai alar mulo, sur gong mulo gilam ris kusun e God ning i warwara. Nating a tarai ning bel la longor teteki ning i atumarang la saot na mangir Sinai, bel la dun kumna lar pas kusun a warkurai a arkeles. Pa i momol kol, dala otleng, bel dalar dun kumna lar pas, ning dala gilam ris ka kusun esaning i atumarang dala misaot na langit.

A Pas ane Pol tetek a tarai Rom 2:3

Pa mulo a tarai oros ka, mulo tiu la ning la tol a toltol laulau, ika mulo otleng, mulo sira toli ka. Mangasa, mulo nuki mang mulor liu kumna kusun a warkurai ane God? Ir warkurai mulo ot.

Hibru 5:9

Ning e God ka tol sot pas a titol ning o e Natnalik, e Natnalik i hanot a kama titol na alaun tikin tetek la rop ning la mur anuna warwara.

Aposel 4:12

Bel tik masik ir alaun dala, pa bel ta risana tik otleng te na rakrakan hanua, ning e God i saran tari tetek a taraila sur dir alaun dala onoi.”

Hibru 4:11

I maining dalar rakrakai sur dalar kas uting na hanua na manah ning, sur gong tik ondala ir punga arlar ana tarai ning bel la mur anuna warwara pa bel la kas.

Hibru 1:2

Ika ana ararop a pukakiarla ne, i warwara ana elgena e Natnalik tetek dala. E Natnalik ning i aslang pasi sur ir kibas a ututnala rop. Pa ana kuna e Natnalik, e God i akes a rakrakan hanua rop.

Luk 1:2

La ning la ka oroi nigon tar a ututnala ne, pa la asaer a tarai ana Wakak a Warwara, la atai mila ana ututnala ne.

Tatatai 7:10

La woiwoi ona tnan elngenla larne, “E God anundalai, esaning i kes ting na keskes a king pa Nat a Sipsip, dia alaun pas dala.”

Taitus 2:11

Anasa a marmaris ane God, ning ir alaun a tarai rop, ka hanot puasa.

1 Timoti 1:15

Karisito Iesu i han purum ute na rakrakan hanua sur ir alaun a tena laulaula. A warwara ne i momol kol, pa dalar tortorot onoi. Pa iau, a laulau kol tana tena laulaula rop.

Matiu 23:33

“Mulo na soila! Mulo na natnat a laulau a soila! Mulor liu kumna mangmangasa kusun a warkurai a arkeles ana tnan iah?

Hibru 4:1

E God ka lele tar tetek dala mang dalar kas ting na nuna hanua na manah. Anuna lele ning kanet. I maining dalar atumarang dala, sakana al tarai o mulo bel lar tolsot pasi sur lar kas.

Aposel 2:22

“A tarai Israel, mulor longor iau. Ar atai mulo o e Iesu, a te Nasaret. Mulo ot mulo tasmani mang ana rakrakai e God, i tol a ututnala na kulkulan, pa rakrakai a titolla pa akinalangla. I toli na arpotor ta mulo, sur e God ir asangani tetek mulo mang i ot i sune seni.

Jon 15:27

Pa mulo otleng mulor warwara talapor hok, anasa mulo kes taum hok ana nuk a kamkama titol tuk onone.

Luk 24:19

Pa i deken diau, “A ututnala na sa?” Pa dia kelesi mang, “A ututnala o e Iesu a te Nasaret, a propet, ning i asangani mang i rakrakai ana nuna titolla pa anuna warwarala otleng, ana matana e God pa a taraila rop.

A Wakak a Warwara o e Iesu Karisito i tumusi 1:14

Ning di ka akas tar e Jon uting na rumai a dodot, e Iesu i hanot utumo na papar Galili, pa i warwara talapor ana Wakak a Warwara ane God,

1 Tesalonika 5:3

Ning a tarai lar warwara larne, “Dala kes ana bal molmol pa ana wakak a lalaun,” a hinirua ir hanot kulkulan tetek la, arlar ana kankan ning a hane i kilangi ning milau ir agon. Bel lar bolos lar pas kusuni.

Luk 1:69

Ka saran tar a rakrakai na Tena Alaun tetek dala, tagun a mangis a tarai ane Dewit, anuna tena titol,

Matiu 4:17

Turpasi ana rau ning, e Iesu i warawai mang, “Mulor lingir a nuknukimulo, anasa a matanitu misaot na langit ka milau.”

A Pas ane Pol tetek a tarai Rom 11:14

Ana nuka titol ne, a mang sur ar akamtur a nuknuk ana nuka kaba tarai, sur lar ram omulo pa e God ir alaun pas hal onla.

1 Korin 1:21

Anasa, ana tastasim ane God, i toli sur a tarai te na rakrakan hanua bel lar tol soti sur lar tasman e God ting na tastasim anunlai ot. A warwara ning mila warawai onoi, a tarai la nuki mang a longlong a warwara, ika, ana warwara ning, e God i gas sur ir alaun la ning la tortorot.

Hibru 1:1

Nating ot e God i warwara ana elgen a propetla tetek na tumtubundala. I warwara larning ana galis a taem ana urmatana ngas.

Hibru 1:14

A angelola rop la na ingun, ning la titol tetek e God. I sune sen la sur lar nangan a tarai, la ning ir alaun la.

Hibru 9:28

Mang otleng larning e Karisito i saran tar i ot sur a artabar tetek e God muntakai ka, sur ir kibas maskan sen a toltol laulaula anuna galis a taraila. Pa ir hanot munaur ulak. Bel sur ir kibas maskan sen a toltol laulaula. Ir hanot sur ir alaun pas la ning la harnanai suri.

1 Jon 1:1

Mila warwara talapor o esaning a Warwara na Lalaun. Natnating ot ning belot di akes a rakrakan hanua, i laun. Mila ka longor tari, mila ka oroi tari ana matamila, mila oroi momol tari ot, pa mila tong ot a palaona.

A Pas ane Jut 1:17

Ika mulo, na halalik, mulor nuk pas a warwarala anuna aposella ane Iesu Karisito anundala a Leklek, ning la ka atai nigon tar mulo ono.