Hibru 13:22 - Label

²² Na tastasikla, a nunung mulo sur mulor longor wakak a warwara na harnangai ne, anasa a pas ne a tumusi tetek mulo bel i barah.

Hibru 13:22 Referans Kwoze

1 Pita 5:12

E Sailas i nangan iau ning a tumus a natar a pas ne tetek mulo. E Sailas a tasik ana tortorot, ning a tortorot kol onoi. Ana pas ne, a mang sur ar arakrakai mulo pa ar atai talapor mulo ana marmaris momol ane God. Mulor tur rakrakai onoi.

Hibru 3:1

I maining na tastasikla ning e God i kabah pas mulo sur mulo anuna tarai, mulor nuk akes e Iesu. Esaning Aposel pa a ningnigo na tena artabar tetek e God ning dala tortorot onoi pa dala warwara talapor ono.

Galesia 6:11

Mulo oroi a tnan tumtumus ne, iau ot a tumusi ana kuk tetek mulo.

2 Korin 6:1

Mila titol taum o e God, pa mila nunung mulo, sur gong mulo kibas oros a marmaris ning e God ka saran tari tetek mulo.

2 Korin 5:20

I maining mila na tena warwara ane Karisito, pa ning mila warwara i arlar o e God ot i nunung mulo sur mulor armoro taum onoi, pa mila otleng mila nunung mulo ana risana e Karisito sur mulor armoro taum o e God.

Hibru 4:11

I maining dalar rakrakai sur dalar kas uting na hanua na manah ning, sur gong tik ondala ir punga arlar ana tarai ning bel la mur anuna warwara pa bel la kas.

Hibru 4:1

E God ka lele tar tetek dala mang dalar kas ting na nuna hanua na manah. Anuna lele ning kanet. I maining dalar atumarang dala, sakana al tarai o mulo bel lar tolsot pasi sur lar kas.

Hibru 2:1

I maining i wakak sur dalar mur a asasaerla ning dala ka longor tari. Dalar muri sur gong dala han masik.

2 Korin 10:1

Iau, e Pol, ning dingla na tarai la atongi hok mang, a sira anatarna pas iau ning a tai taum o mulo, ika ning a kes masik anuka warwara tetek mulo i rakrakai kol. A nunung mulo sur mulor longor iau, anasa e Karisito i anatarna pasi, pa i titol ana wowon na magirana tetek a taraila.

Aposel 13:15

Ning di ka was tar a warwarala ana Buk a warkurai ane Moses pa ana tumtumus ana propetla, a ningnigola ana rumai lotu la arsune tetek diau mang, “Naur a tastasimila, ning ta warwara na arakrakai kaning sur mur atai a taraila ono, mur warwara ka ono.”

Epeses 3:3

Pa e God i apuasa iau ana utna ning i mumun tar. Pa te na pas ne, ia ka tumtumus siklik pas onoi.

Hibru 12:5

Mulo ka duman sen a warwarala na arakrakai ning e God i atongi tetek mulo a natnatnala larne, “Natuklik, ning a Leklek i atostos u, gong u nuki mang a utna oros ka, pa gong u bulnga ning i atong puasa anuma toltol laulaula tetek u.

Hibru 13:19

Pa a nunung rakrakai mulo, sur mulor nunung, sur e God milau ir sune ulak iau tetek mulo.