Hibru 11:6 - Label

⁶ Ning tik bel i tortorot, e God bel ir gas lar pas onoi. Anasa esining i mang sur ir han tetek e God, ir tortorot mang e God i kes, pa ir tortorot otleng mang e God ir saran a arlou tanla ning la tai momol suri.

Hibru 11:6 Referans Kwoze

Matiu 6:33

Mulor tai nigo sur anuna matanitu pa anuna tostos a toltol, pa ir tabar mulo otleng ana ututnala rop ne.

Luk 12:31

Mulor tai sur anuna matanitu, pa ir tabar mulo ana ututnala ne.

Hibru 7:25

I maining e Iesu i tolsot pasi sur ir alaun a tarai ning la han tetek e God ana risana e Iesu. Ir alaun la pa lar laun tikin, anasa i laun tikin sur ir nunung onla.

A Pas ane Pol tetek a tarai Rom 10:14

Ika, ning bel la tortorot ana Leklek, lar nunung mangmangasa teteki? Ning bel la longor tar ta warwara onoi, lar tortorot mangmangasa onoi? Ning bel tik i atai la onoi, lar longor mangmangasa?

Hibru 3:12

Na tastasikla, mulor tai alar mulo, sur gong tik o mulo a nuknukna ir mur a toltol laulau pa bel ir tortorot, pa ir han masik kusun e God, ning i laun.

Jon 14:6

E Iesu i kelesi mange, “Iau a ngas, pa iau a momolna, pa iau a lalaun. Bel tik ir han tetek e Tata ana ta ngas masik, hok ka.

2 Pita 1:5

I maining mulor rakrakai sur mulor palataum anumulo a tortorot taum ana wakak a toltol. Pa mulor palataum a wakak a toltol taum ana tastasmai o e God.

Hibru 4:6

La ning la longor a Wakak a Warwara nating, bel la kas ting na nuna hanua na manah, anasa bel la mur anuna warwara. Ika a ngas i sapang ot, sur al tarai masik lar kas ting na nuna hanua na manah.

Galesia 5:6

Ning dala kes o e Karisito Iesu, ning di kot talilis tik, o bel di kot talilisi, i utna oros ka namatana e God. Ika, a utna ning i itna namatana e God, ning tik i tortorot, pa anuna tortorot i tol otnan a marmaris.

2 Pita 3:14

Na halalik, ning mulo keskes harnanai sur a pukakiar ning, mulor rakrakai sur a magiramulo bel ta dur ono, pa bel dir arup sot pas mulo on ta rongo, pa mulor kes na molmol taum o e God.

Jon 8:24

Ine a kamkamna ning a atai mulo mang mulor mat ana numulo na toltol laulaula. Ning bel mulo tortorot hok mang iau ot ne, mulor mat taum ana numulo na toltol laulaula.”

2 Pita 1:10

I maining na tastasik, mulor rakrakai sur mulor asangani ting na numulo a lalaun mang e God ka kabah pas mulo pa ka aslang pas mulo. Ning mulor toli larning, bel mulor punga,

Hibru 7:19

Anasa a warkurai ning bel i atostos pas a tarai sur lar han milau tetek e God. Ika e God ka tol tar a ngas sur dalar han milau teteki. A ngas ning i wakak kol tana Warkuraila. Pa onone dala tolsot sur dalar harnanai ana tortorot suri.

Hibru 4:2

Anasa dala otleng dala ka longor tar a Wakak a Warwara arlar ana tumtubundala tagun nating. La longor tari ot, ika bel i nangan la, anasa bel la tortorot ono.

Tatatai 21:8

“Na tena matmataut, pa la ning bel la tortorot, pa la ning anunla na toltol i dur, pa na tena um kol a tarai, pa la ning la tol na pamuk a toltol, na tena wah, la ning la lotu tetek a asasongo na godla, taum ana tena asasongo rop, anunla pukna kaning na tnan tung ning i irnga ana iah pa salfa. Ine a munaur a minat.”

Hibru 11:26

I nuki mang a meme ning ir kilangi ana risana e Karisito i wakak kol tana gongonla tumo e Ijip, pa a matana i abit kol, anasa i nuknuk sur anuna arlou lamur.

A Wakak a Warwara o e Iesu Karisito i tumusi 16:17

A tena tortorotla lar tol a ututnala na kulkulan larne: Lar kepsen a motla ana risak, lar warwara ana urmatana tona warwara,

Luk 6:35

Ika mulor mang sur anumulo na hirua, pa mulor tol a wakakna tetek la. Pa ning a tarai lar mang sur lar kibas pas ta utna kaba ta mulo, mulor sarani ka tanla, pa gong mulo mang sur lar kelesi. Ning mulor toli larning, anumulo a arlou ir itna kol, pa mulo a natnat e God i Leklek Kol, anasa i mang sur la ning bel la sira atong wakak teteki, pa a tena laulaula otleng.

Matiu 6:16

“Ning mulor tamai sur mulor nunung, gong mulo tai arlar ana tena asasongola, anasa la tai na bal maris sur a tarai lar oroi i mang la tamai. A atong momoli ta mulo, ning a tarai la aitna pas la, i ot ning anunla a kidol a arlou.

Matiu 6:5

“Ning mulor nunung, gong mulo arlar ana tena asasongola. La mang kol sur lar tur pa lar nunung ting na rumai lotu, pa ting na pukpuknala ning a tarai la hanan taum tingia, sur a tarai lar oroi la pa lar atong aitna pas la. A atong momoli ta mulo, ning a tarai la aitna pas la, i ot ning anunla a kidol a arlou.

Matiu 5:12

Mulor gas, anasa i itna kol anumulo a arlou saot na langit. Anasa mangotleng larning di ka alaulau nigon a propetla ning la laun nigo ta mulo.

Matiu 11:26

A momolna, Tata, anasa u mang ot sur ir manglarning.