Galesia 1:8 - Label

⁸ Ning mila ot, o ta angelo otleng misaot na langit ir warawai ana maskana asasaer, ning bel i arlar ana Wakak a Warwara mila warawai tetek mulo onoi, i wakak ning ir hirua tikin ana warkurai ane God.

Galesia 1:8 Referans Kwoze

Galesia 1:9

Ia ka atai nigon tar mulo, pa onone ar atong ulaki mang, ning tik ir warawai tetek mulo anal asasaer ning bel i arlar ana Wakak a Warwara ning mulo ka kibas pasi, i wakak sur ir hirua tikin ana warkurai ane God!

1 Korin 16:22

Ning tik bel i mang sur a Leklek, ir hirua tikin. A Leklek, han ute!

A Pas ane Pol tetek a tarai Rom 9:3

Ngandek ning ar tolsot pasi, a mang sur ar tur keles anuka tarai, a tarai Israel, pa dir suah tar anunla warkurai na arkeles hok, pa dir kepsen iau kusun e Karisito, sur dir alaun pas la.

Matiu 25:41

“Lamur ir atai la otleng ning na kair a kuna mang, ‘Mulor han masik kusun iau. A rakrakai a warkurai a arkeles ka kes o mulo. Mulor han uting na tnan iah ning bel i sira mat, ning di ka sang tari sur e Satan pa nuna angelola.

2 Pita 2:14

A matanla i tai ka sur na tintaulai a gurara, sur lar tol a toltol laulau taum onla. Anunla na laulau a toltol bel ir rop lar pas. La alam rongon la ning bel la tur rakrakai. La lasan kol ana toltol ning la mang kol sur a galis a gongon. Ika, anunla hinirua ka sang.

Aposel 23:14

La han tetek a leklek a tena artabarla tetek e God, pa a ningnigola tagun a lotu, pa la atongi mange, “Mila ka lele tar mang bel milar ien ta utna tuk ot ning milar umkol tar e Pol.

Taitus 3:10

Ning tik ir sira pangpagal a tarai a tortorot, ur atumarangi. Ning bel ir longor, ur atumarang ulaki. Ning bel ir longor, ur han masik kusuni.

Galesia 3:13

A Warkuraila i suah tar dala ana rakrakai a balakut ane God. Ika e Karisito i lou langolango pas dala kusun a rakrakai a balakut ane God. Pa i tur keles dala, ning i los pas a rakrakai a balakut ning sur dala. Anasa di ka tumus tari ting na Buk Tabu mang, “Esining di akulami saot ana rakai, a rakrakai a balakut ane God i kes onoi.” Lo 21:23

1 Korin 12:3

I maining ar atongi tamulo larne, bel tik ning a Inguna e God ir nigoni, ir atong lar pasi mang, “E Iesu ir hirua tikin.” Pa bel tik ir atong lar pasi mang, “E Iesu a Leklek,” ning a Talngan Tabu bel i nigoni.

A Wakak a Warwara o e Iesu Karisito i tumusi 14:71

Pa i lele tetek la, i atongi mange, “E God ir warkurai laulau iau ning ar asongo. Bel a tasman a barsan ning mulo warwara ono.”

Galesia 3:10

La ning la nuki mang lar mur a warkurai sur e God ir atong la mang a tena tostos, a rakrakai a balakut ane God ka kes onla. Anasa di ka tumus tari ting na Buk Tabu mang, “A rakrakai a balakut ane God ka kes o esining bel i mur sot pas asa rop ning di ka tumus tari ana Buk na warkurai.” Lo 27:26

A Pas ane Pol tetek a tarai Rom 16:17

Na tastasikla, a nunung mulo sur mulor atumarang mulo kusun a tarai ning la sira pagal asauran a tarai a lotu, pa la atong a warwarala ning i sairas a asasaerla ning mulo ka kibas pasi. Mulor han masik kusun la.