Galesia 1:1 - Label

¹ Iau e Pol, a aposel, a tumus a pas ne tetek mulo. Bel ta barsan mite lapiu i aslang pas iau, pa bel otleng a tarai la sune iau sur ar aposel. E Iesu Karisito ot pa e God e Tamana, dia aslang pas iau. E God, esaning i akamtur ulak pas e Iesu kusun a minat.

Galesia 1:1 Referans Kwoze

1 Korin 1:1

Iau e Pol, ning e God i kabah pas iau, arlar ot ana nuknukna sur ar aposel anuna Karisito Iesu. Miau ma e Sostenes a tasindala, mia tumtumus

Tatatai 1:5

pa ta e Iesu Karisito, i a momol a tena warwara talapor o e God, a ningnigo tanla ning lar laun ulak kusun a minat, pa a ningnigo anuna kingla te na rakrakan hanua. I maris dala, pa i alangolango pas dala kusun anundala na toltol laulau ana sulukna,

A Pas ane Pol tetek a tarai Rom 1:1

Iau e Pol, a tena titol oros ane Iesu Karisito, a tumus a pas ne tetek mulo. E God i kabah pas iau, sur ar aposel, pa i aslang pas iau sur ar warawai ana nuna Wakak a Warwara tetek a taraila.

Epeses 3:8

Pa iau, a natarna kol tanla rop a tarai ane God. Ika i maris iau pa i saran tar a titol ne tak, sur ar warawai tetek a taraila ning bel a tarai Juda ana wakak a gongon ane Karisito, ning bel dir nuk lar pas a araropna anasa i itna kol.

Taitus 1:3

Ning a pukakiar i sot i apuasa anuna lele ning mila warawai onoi. E God anundala a Tena Alaun ning i saran tar a titol na warawai tak arlar ot ana nuna arsune.

2 Korin 1:1

Iau e Pol, a aposel anun e Karisito Iesu ana nuknuk e God, miau ma e Timoti a tasindala, mia tumus a pas ne tetek mulo a tarai a lotu ane God tingia e Korin, pa a tarai rop ane God ting na papar Akaia.

2 Timoti 1:1

Iau e Pol, a aposel ane Karisito Iesu ana nuknuk ane God, sur ar atatai ana lalaun ning ka lele tari tetek dala ning dala ane Karisito Iesu.

A Pas ane Pol tetek a tarai Rom 10:9

Ning u apuasa i ana numa warwara mang e Iesu a Leklek, pa u tortorot ting na balam mang e God ka akamtur ulak pasi kusun a minat, e God ir alaun u.

Aposel 22:10

Pa a dekeni, ‘Leklek, asaning ar toli?’ Pa a Leklek i keles iau mange, ‘Ur tur pa ur han utumo e Damaskus, pa dir atai u ana ututnala ning di ka aslang tari sur ur toli.’

Aposel 9:6

Onone ur tur pa ur hanot tumo e Damaskus, pa dir atai u ana sa ning ur toli.”

Tatatai 2:8

“Ur tumtumus tetek a angelo anun na tarai a lotu tumo e Smerna mang: Na warwara ne anun esaning a ningnigona pa a araropna, ning i mat pas, pa i laun ulak.

Tatatai 1:18

Iau a lalauna. Ia ka mat pas, oroi i, ia ka laun tikin pa a tong akes a kila ana minat pa ana hanua Hedes, a hanua anunla ning la mat.

1 Pita 1:21

O e Karisito, mulo tortorot o e God, ning i akamtur ulak pasi kusun a minat, pa i saran tar a matatar teteki. Larning mulo tortorot o e God pa mulo harnanai ana tortorot sur a utna ning ir toli lamur.

Hibru 13:20

A nunung e God ning i sira saran a molmol. Esaning i akamtur ulak pas anundala Leklek e Iesu kusun a minat. E Iesu, i a tnan tena tai alar a sipsip ning i mat pa i saran tar a sulukna ot sur ir tol a kunubus ning ir kes tikin.

Galesia 1:17

Pa bel a han usaot e Jerusalem tetek la ning la ka aposel nigo tak sur lar asaer iau. Ika a han kakat uto e Arebia, pa lamur a ulak utumo e Damaskus.

A Pas ane Pol tetek a tarai Rom 14:9

E Karisito i mat pa i laun ulak, sur ir Leklek anunla ning la ka mat, pa anunla otleng ning la laun.

Jon 20:21

E Iesu i atong ulaki tanla mange, “A bal molmol tetek mulo. E Tata i sune iau, mang otleng larning ar sune mulo.”

Jon 10:30

Miau ma e Tata, miau takai ka.”

Jon 5:19

E Iesu i keles la mange, “A atong momoli ta mulo, a Nat e God bel ir tol ta utna ana nuna nemnem ot, i tol ka asaning i oroi e Tamana i toli. Anasa asaning e Tamana i toli, e Natnalik otleng ir toli.

Aposel 3:15

Pa mulo umkol e Iesu, ning a kama lalaun, ika e God i akamtur ulak pasi kusun a minat. Pa mila oroi i, pa mila warwara talapor onoi.

Galesia 1:15

Ika, ning belot di agon iau, e God ka aslang pas iau, pa ana nuna marmaris, i kabah pas iau. Pa i gas sur ir asangan e Iesu e Natnalik tetek iau, sur ar warawai onoi tetek a taraila ning bel a tarai Juda. Bel ta barsan i asaer iau onoi.