Epeses 4:12 - Label

¹² sur lar sang a taraila ane God, sur lar titol teteki, sur a tarai a lotu lar agomo anunla lalaun ting o e Karisito. A tarai a lotu, la a palaona e Karisito.

Epeses 4:12 Referans Kwoze

Epeses 4:16

Pa dala a palaona, pa o e Karisito, a kidol a palaona i tugus taum wakak. Pa ning taktakai diah palaona i tol ot anuna titol, a kidol a palaona ir gomo pa ir rakrakai, pa ir bukus ana marmaris.

1 Korin 12:27

Mulo ot a palaona e Karisito, pa mulo rop taktakai a didiah palaona.

A Pas ane Pol tetek a tarai Rom 15:14

Na tastasikla, a tasmani ot mang mulo bukus ana wakak a toltol pa a tastasim, pa mulo tolsot pasi sur mulor asaer artalai mulo.

1 Korin 14:26

Na tastasik, asa ar atongi? Ning mulo kes taum ana lotu, dingla na tarai lar saksak, dingla lar asaer a tarai, dingla lar warwara puasa on ta utna ning e God ka asangan tari tanla, dingla lar warwara ana urmatana ngas a warwara, pa dingla otleng lar pak a kamkamna. A ututnala rop ne dir toli sur ir arakrakai a tarai a lotu.

A Pas ane Pol tetek a tarai Rom 14:19

I maining dalar rakrakai kol sur dalar tol otnan a bal molmol, pa dalar arakrakai a tortorot anundala artalai.

1 Timoti 1:12

A atong wakak tetek e Karisito Iesu anundala Leklek, esaning i tortorot hok pa i saran tar a rakrakai tak, pa i aslang pas iau sur ar titol teteki.

1 Korin 14:12

Lar otleng ning tetek mulo. Mulo sira rakrakai sur na artabar anuna Talngan Tabu. I wakak sur mulor rakrakai sur na artabar ning ir arakrakai a tarai a lotu.

Hibru 13:17

Mulor longor tetek anumulo na ningnigola, pa mulor anatarna mulo nahai a nunla na warkurai, anasa la tai alar mulo, pa lamur lar warwara talapor namatana e God ana nunla titolla tetek mulo. Mulor longor tanla sur lar gas ana nunla titolla, pa bel lar titol taum ana bal mamahat. Anasa ning la titol taum ana bal mamahat bel ir nangan mulo.

Hibru 6:1

I maining dalar han usa lanigo sur dingla na asasaer kale ning ir arakrakai dala ana nundala tortorot. Gong dala asasaer ulak ana ningnigo na asasaerla o e Karisito ning dala ka asasaer pas ono. A ningnigo na asasaerla larne: dalar lingir a nuknukindala kusun a toltolla ning ir ben dala sur a minat, a tortorot o e God,

2 Korin 6:3

Bel mila mang sur milar tol ta utna ning ir san alar tik sur gong i tortorot, sakana a taraila lar atong laulau anumila a titol.

2 Korin 5:18

I hanot ot ta e God, esaning i amoro pas dala taum ono, anasa ana minat e Karisito. Pa ka saran tar a titol tetek mila, sur milar warawai ana titol ane God ning i amoro pas dala taum ono.

Luk 22:32

Ika ia ka nunung hom, Saimon, sur gong anuma tortorot i punga kol. Ning u ka nuklingir ulak, ur arakrakai na tastasimla.”

2 Timoti 4:5

Ika u, ur nuknuk wakak ana pukakiar rop. Ning ur kilang a kankan, ur tur rakrakai ot. Ur rakrakai ona warawai ana Wakak a Warwara, pa ur tolsot pas anum na titol rop, ning e God ka saran tari tam.

Kolosi 4:17

Mulor atai e Arkipus manglarne, ir tol arop tar a titol anuna Leklek ning di ka saran tari tana.

Kolosi 1:28

Mila warawai o e Karisito tetek a taraila rop. Mila atumarang la pa mila asaer la ana tastasman rop, sur milar saran tar la rop tetek e God, pa lar tostos rop, anasa la kaning o e Karisito.

Kolosi 1:24

Onone a gas ana mamahatla ning a kilangi sur ir nangan mulo. Ana mamahatla ning a kilangi ana palaok, a tolsot pas a mamahatla ane Karisito, sur ar nangan a tarai a lotu, la ning a palaona e Karisito.

Epeses 1:23

Pa a tarai a lotu la a palaona e Karisito. Pa e Karisito i bukus onla, pa i abukus a ututnala rop otleng ting na urmatana ngas.

2 Korin 12:19

Mangasa, mulo nuki mang mila warwara alar mila ka kusun mulo? Mila warwara ana momolna namatana e God arlar ana tena titolla ane Karisito. A ututnala rop ning mila toli, mila toli sur ir arakrakai mulo.

2 Korin 7:1

Na halalik, e God ka saran tar a lelela ne tetek dala, i maining dalar atotoh pas dala kusun a ututnala rop ning i adur a palaondala pa a ingundala. Pa dalar totoh arlar ana taraila ane God, anasa dala sira hanrawai teteki.

2 Korin 4:1

E God i maris mila pa i saran tar a titol ne tetek mila. I maining bel milar manah kusuni.

2 Korin 3:8

Ika, a tona kunubus ana Talngan Tabu, a matatarna i itna kol tana.

1 Korin 14:14

Ning a nunung ana urmatana ngas a warwara, a inguk i nunung, ika a nuknukik bel i nuk ta utna.

A Pas ane Pol tetek a tarai Rom 15:29

Pa a tasmani mang ning ar hanot tetek mulo, ar bukus ana angangis ning e Karisito ka saran tari tak, sur ir nangan mulo.

A Pas ane Pol tetek a tarai Rom 15:2

Dala rop taktakai dalar nuk pas otleng na halalindala, pa dalar tol a ututnala ning ir nangan la sur ir arakrakai anunla tortorot.

A Pas ane Pol tetek a tarai Rom 12:7

Ning tik, e God i saran tar a artabar na harnangai teteki, i wakak ning ir nangan wakak a tarai onoi. Ning tik, e God i saran tar a artabar na asaer teteki, i wakak ning ir asaer wakak a tarai.

Aposel 20:28

“Mulor tai alar wakak mulo ot, pa a kunum a sipsip otleng ning a Talngan Tabu ot i saran tari ta mulo sur mulor tai alar la. Mulor tai alar a tarai a lotu ane God, ning ka lou pas la ana sulukna ot.

Aposel 20:24

Ika bel a nuk pas anuka lalaun, pa bel a maris alari. A saran tari ka sur ar tolsot pas anuka tinan pa a titol, ning a Leklek e Iesu i saran tari tak, sur ar warwara talapor ana Wakak a Warwara ana marmaris ane God.

Aposel 11:23

E Barnabas i ning a wakak a barsan, i bukus ana Talngan Tabu taum ana tortorot. Ning i hanot pa i oroi a marmaris ane God ning i titol onla, i gas ono, pa i wunan la rop sur lar tur momol ana tortorot ana nunla lalaun tetek a Leklek. Pa galis a tarai la lingir a nuknukinla tetek a Leklek.

Aposel 9:31

Lamur a tarai a lotula ting na hananuala rop ana natol a papar Judia, e Galili pa e Samaria, la kes ana bal molmol. Pa a lotu i rakrakai, pa la kes na hanrawai tetek a Leklek, a Talngan Tabu i wunan la, pa a wawas ana tarai a lotula i han kas.

Aposel 1:25

sur ir kibas a titol na aposel, ning e Judas ka mat pas kusuni pa ka han uting na hanua ning i arlar taum ana nuna toltol laulau.”

Aposel 1:17

I ning a halimila, pa i harnangai ana titol ne.”

2 Timoti 4:11

E Luk kama kane miau. Ur ben pas e Mak pa mur han ute, anasa i tolsot pasi sur ir nangan iau ana nuka titol.

Epeses 4:29

Pa gong ta laulau a warwara i purum miting na pahamulo. Mulor atong ka a warwara ning i wakak sur ir arakrakai a tarai pa ir nangan la ana asaning la kapan suri, sur anumulo na warwara ir awakak la ning la longor mulo.

Epeses 4:4

Dala rop dala takai a palaona e Karisito, pa takai ka a Talngan Tabu i kes ondala rop. Pa e God i kabah pas dala sur dalar takai ka ting na keskes harnanai ana tortorot sur a ututnala ning ir angis dala onoi.

2 Korin 13:9

Ning mulo rakrakai pa mila bel mila rakrakai, mila gas ka. Pa mila nunung sur mulor tostos ana numulo a tortorot.

1 Korin 12:7

A titol ana Talngan Tabu i hanot puasa ting na lalaun anunla taktakai, sur lar nangan a taraila rop.

A Pas ane Pol tetek a tarai Rom 12:5

Mangotleng larning dala, dala galis, ika ting o e Karisito dala takai ka. Dala taktakai dala na halalna.

2 Korin 13:11

Anuk a ararop a warwara ne: Na tastasimila, mulor gas! Mulor atostos mulo, mulor mur anuk a warwara, ir takai ka a nuknukimulo, pa mulor kes na molmol artalai. Pa e God ning i sira saran a marmaris pa a bal molmol ir kes taum omulo.