Aposel 3:19 - Label

¹⁹ Mulor lingir a nuknukim mulo, pa mulor han tetek e God, sur ir kepsen anumulo na toltol laulaula.

Aposel 3:19 Referans Kwoze

Aposel 2:38

E Pita i keles la mang, “Mulo rop taktakai mulor lingir a nuknukim mulo, pa dir baptais mulo ana risana e Iesu Karisito, sur dir kepsen anumulo na toltol laulaula, pa mulor kibas a Talngan Tabu.

Matiu 18:3

pa i atongi mang, “A atong momoli ta mulo, ning bel mulor lingir a nuknukimulo sur mulor arlar ana kakakla, bel mulor tolsot pasi sur mulor kas ana matanitu misaot na langit.

Matiu 13:15

Anasa a tarai ne na balanla i rakrakai, na taltalnganla i kutkut, pa na matmatanla i kut. Ngandek ning lar ororoi lalan ana matmatanla, pa lar longlongor lalan ana taltalnganla, pa lar tastasmai ana nuknukinla, pa lar talingir, pa ar alaun pas la.’ Ais 6:9-10

2 Tesalonika 1:7

pa ir saran a manmanah tetek mulo ning mulo kilang kankan, pa tetek mitol otleng. E God ir toli larning, ning a Leklek e Iesu ir hanot misaot ana langit taum ana irnga na iah pa anuna na rakrakai a angelola.

Aposel 11:21

A rakrakai ana Leklek i kes onla ning la warwara talapor, pa galis kol la tortorot pa la lingir a nuknukinla tetek a Leklek.

2 Pita 3:8

Na halalik, gong mulo duman ning a utna ne: Ning a pukakiar i arlar ana ning a rip a rau tetek a Leklek, pa ning a rip a rau i arlar ka ana ning a pukakiar teteki.

Aposel 28:27

Anasa a taraila ne a balanla i rakrakai a talnganla i kutkut, pa a matanla i kut. Sakana lar oroi lalani ana matanla, pa lar longor lalani ana talnganla, pa lar tastasman ana nuknukinla, pa lar ulak tetek iau, ar alaun la.’ Ais 6:9-10

1 Pita 2:25

Anasa nating mulo han rongo arlar ana sipsipla, ika onone mulo ka han ulak tetek anumulo Tena tai alar anuna sipsipla, pa Tena tai alar ana ingumulo.

2 Tesalonika 1:10

A warkurai ne ir hanot ana pukakiar ning a Leklek ir hanot sur anuna totoh na tarai lar aitna pasi pa la rop ning la tortorot onoi lar hanrawai i. Mulo otleng taum onla, anasa mulo tortorot ana warwarala ning mitol ka atai tar mulo onoi.

Aposel 11:18

Ning la longor a warwara ne, la tuk ana warwara, pa la atong leklek e God mange, “E God ka tol tar a ngas sur la ning bel a tarai Juda lar lingir a nuknukinla pa lar laun.”

Luk 1:16

Pa ir ben ulak a galis a tarai Israel tetek a Leklek a God anunla.

A Pas ane Pol tetek a tarai Rom 11:25

Na tastasikla, a mang sur mulor tastasim ana utna ning nating i mumun, sur gong mulo aitna pas mulo. I manglarne: Dingla na tarai Israel, ir rakrakai a balanla, tuk ning a wawas ana tarai masik ning la tortorot, ir arlar ana nuknuk e God.

Aposel 17:26

E God i akes tar a ningnigo na barsan. Pa tarai tagun a matanitula rop la hanot taguni, pa la kes ana rakrakan hanua rop. Ana nuknukna e God i nuki mang lar kes tahaia pa nangse lar hanot pa nangse lar rop ulak.

Aposel 15:3

A tarai a lotu la tur tulan la, pa la han potor naur a papar e Ponika pa e Samaria. Ning la han, la warwara amon tetek a tarai a lotu ting na hananuala, mang a tarai ning bel a tarai Juda la lingir a nuknukinla. Pa la ning la tas ana tortorot, la gas kol ning la longori.

Aposel 3:21

Ir kes saot na langit, tuk ana pukakiar ning e God ir atona ulak a ututnala rop, ning ka lele nigo tar onoi ana warwara ana nuna tostos a propetla.

Aposel 1:6

Ning a aposella la kes taum o e Iesu, la dekeni mang, “Leklek, onone ur saran ulak a matanitu tetek mila, a tarai Israel, sur milar kes langolango kusun a matanitu Rom?’

Tatatai 21:4

Pa ir sah sen a luru matanla rop. Bel ta minat ulak ma, bel ta bal maris, bel ta tinangis pa bel ta kankan ma, anasa a ututnala tagun nating la ka rorom.”

2 Timoti 2:25

La ning bel la mang sur anuna asasaer, ir atostos la ana molmol, sakana e God ir atalapor a matanla sur lar lingir a nuknukinla, pa lar tasman a momol a asasaer,

Aposel 3:20

Pa mulor kilang a wakak a lalaun tana Leklek, pa ir sune e Karisito tetek mulo, e Iesu ning e God ka aslang tari.

Hibru 4:1

E God ka lele tar tetek dala mang dalar kas ting na nuna hanua na manah. Anuna lele ning kanet. I maining dalar atumarang dala, sakana al tarai o mulo bel lar tolsot pasi sur lar kas.

Luk 22:57

Ika e Pita i puai mang, “Lak, bel a tasman e Iesu.”