Aposel 28:15 - Label

¹⁵ La ning la tas ana tortorot tingia, la longor a warwara omila, pa la han barat mila tumo na hanua na sisiurai di atongi e Apius, pa tumo ana hanua di atongi Natol a Rumai a Borbor. Ning e Pol i oroi pas la, i atong wakak tetek e God, pa a ututnala ning i arakrakai anuna lalaun.

Aposel 28:15 Referans Kwoze

Hibru 13:3

Mulor nuk pas la ning la kes ting na rumai a dodot, arlar larning mulo dodot taum otleng onla. Mulor nuk pas la otleng ning di alaulau la, arlar larning di alaulau mulo otleng.

A Pas ane Pol tetek a tarai Rom 15:24

Pa ning ar han utumo e Spen, a nuki mang ar kes siklik pas napirimulo pa dalar gas taum pas. Lamur ar kamtur ulak sur ar han utumo e Spen. Pa mang sur mulor nangan iau ana nuka tinan utumo.

Galesia 4:14

Anuka tinsaman i amatmataut mulo, ika bel mulo bilbilor iau, pa bel mulo kepsen iau. Mulo gasgas pas iau arlar ana angelo ane God, o arlar o e Karisito Iesu ot.

Aposel 21:5

Ika ning ka rop anumila na pukakiar na keskes tingia, mila ulak, pa a tarai a asasaer rop taum ana nunla na gurarala pa na natnatunla la tur tulan mila miting na hanua utumo latasi. Lamur mila tur ana bokona hamila, pa mila nunung.

Aposel 10:25

Ning e Pita i kas, e Konilius i han barati, pa i punga purum ana hanrawai ting na naur a hana.

Jon 12:13

La los pas a paka baibaila pa la han sur lar barat e Iesu. La kukuk mange, “Hosana! Esaning i hanot ana risan a Leklek i angis.’ Buk Song 118:25-26 A King anuna tarai Israel i angis!”

1 Tesalonika 3:7

Na tastasimitol, ning mitol kes na arpotor ana mamahatla ning mitol kilangi pa akadikla, anumulo a tortorot i arakrakai mitol.

2 Korin 2:14

Ika a atong wakak tetek e God, anasa e Karisito i nigon mila arlar ana king ning ka tolsot pas a hiruala pa i nangan mila sur milar warwara puasa ting na hananuala rop ana Wakak a Warwara o e Karisito. A Wakak a Warwara i arlar ana tomtoboh tetek la ning la longori.

Aposel 1:15

Ona ning a pukakiar na arpotor tana pukakiarla ning, a tena tortorotla la kes taum, la rop la arlar ana takai amar pa pisir naur a bonot. E Pita i tur pa i atongi mang,

Aposel 10:23

E Pita i ben kas ditol sur ditol ar borbor pas. Ning i kabakiar ot, e Pita i tur pa la han, pa dingla na tarai ning la tas ana tortorot misaot e Jopa la armuri.

Aposel 11:1

A aposella pa la ning la tas ana tortorot ning la kes tumo e Judia, la longori mang a tarai otleng ning bel a tarai Juda la ka tortorot ana warwara ane God.

Aposel 11:12

Pa a Talngan Tabu i atai iau sur ar han taum on ditol, pa gong a nuknuk kol. Diono na barsan otleng ne, ning mila tas ana tortorot, mila han taum on ditol utumo e Sisaria pa mila kas uting na rumai ane Konilius.

Aposel 12:17

Pa i sairas la ana kuna, sur lar kes longoroi, pa i atai la mang a Leklek i ben purum mangmangasa pasi kusun a rumai a dodot. Pa i atai la mang, “Mulor atai e Jems pa na tastasindala ana tortorot ana utna ne.” Pa i han kusun la sur ning a hanua masik.

Aposel 28:14

Mila pastetek pas dingla na tastasimila ana tortorot tingia, pa la ben mila sur milar kes pas ta wik napirin la. Lamur, mila han utumo e Rom.