Aposel 25:8 - Label

⁸ Pa e Pol i atalapori mange, “Bel a tol ta rongo ana warkurai anuna tarai Juda, pa ana rumai a artabar, pa tetek e Sisar.”

Aposel 25:8 Referans Kwoze

Aposel 28:17

Lamur ana natola pukakiar, e Pol i kabah taum a ningnigola anuna tarai Juda. Pa ning la hanot taum, i atai la mange, “Na tastasikla, bel a alaulau anundala na tarai, pa a toltol anuna tumtubundala tagun nating. Ika la tong akes pas iau, pa la saran tar iau tana tarai Rom saot e Jerusalem.

Aposel 24:12

Pa bel la oroi tar tik ning mia arlak taum ting na rumai a artabar, pa bel la oroi tar iau otleng mang a akamtur ta arsakai ting na rumai lotula, pa ting na tinine hanua.

2 Korin 1:12

Ine a utna ning mila iaunan mila ono, a nuknukimila bel i sira tiu mila ana ta utna, anasa mila tasmani mang, mila mur ot a tostos pa a totoh a toltol ta e God, ana numila na lalaun te lapiu, pa anumila na keskes taum o mulo. Bel ma mila mur a tastasmai anuna tarai, mila titol murmur ot a marmaris ane God.

Aposel 28:21

Pa la kelesi mange, “Bel ta pas mitimo e Judia i hanot tetek mila hom, pa bel ta tasimila mitimo ning i hanot te i ususrai hom pa i warwara talapor hom anal laulauna ning u tol tari.

Aposel 25:10

Pa e Pol i kelesi mange, “Onone a tur ana warkurai ane Sisar, pa i tostos ning dir warkurai iau ot te. Bel a tol ta rongo tetek a tarai Juda, pa u otleng u tasmani.

Aposel 24:6

Pa i mang sur ir tol adur a rumai a artabar sur ir dur ana matana e God. Ika mila tong akes pasi. Ning u ot ur tikini, ur tasman a momolna ana sa ne mila arupi ono.”

Aposel 23:1

E Pol i tai tostos sur a tarai a kiwung, pa i atai la mange, “Na tastasik, tuk onone ia ka han tostos namatana e God, pa a balak bel i arup iau ana ta utna.”

Aposel 24:14

“Ar atai talapor u mang, iau a mur a Ngas ane Karisito, ning la atongi ana asasongo na lotu. Ika ana lotu ne, a lotu ot tetek e God anuna tumtubumila tagun nating, pa a tortorot ana ututnala rop ning di ka tumus tari ana Warkuraila pa ana bukla anuna propetla.