Aposel 20:19 - Label

¹⁹ A tarai Juda la warwara taum sur lar alaulau iau, pa a kilang a mamahat onoi. Ika, a titol ot tetek a Leklek, a atarna pas iau pa a luru matak i punga.

Aposel 20:19 Referans Kwoze

Kolosi 3:24

Anasa mulo tasmani mang, a Leklek ir saran a arlou tetek mulo, i a wakak a keskes ning mulor kibasi lamur. Mulo a tena titol oros ana Leklek e Karisito, pa i ot anumulo a ningnigo momol.

2 Korin 2:4

A tumtumus tetek mulo ana bal maris, pa a nuknukik i mamahat kol pa a luru matak i punga. Bel a tumtumus sur ar saran a bal maris tetek mulo, a mang sur mulor tasmani mang a mang kol sur mulo.

A Pas ane Pol tetek a tarai Rom 12:11

Mulor titol rakrakai, pa gong mulo ngoro. Mulor titol tetek a Leklek ana tnan gasgas ting na balamulo.

Aposel 20:3

I kes tingia natol a kalang. Ning i sang sur ir kas ana sip utumo na papar Siria, i tasmani mang a te Judala la pinpidaiwol sur lar umkoli. Pa i nuki mang i wakak sur ir han potor ana papar Makedonia ana nuna tinan ulak.

2 Korin 7:5

Ning mila hanot tumo na papar Masedonia, bel mila manah lar pas, anasa mila barat a galis a mamahat. Mila barat a warwara na balakut anuna tarai tetek mila, pa ana balamila, mila kilang a matmataut.

Jems 1:2

Na tastasikla, ning al ngas a mamahat ir hanot tetek mulo, mulor gas,

Pilipai 3:18

Anasa a galis la lalaun arlar ana hiruala ana rakai kutus ane Karisito, larning ia ka atai tar mulo a galis a pukakiar, pa onone a tangis ning a atong ulaki tamulo.

Epeses 6:7

Ur titol taum ana gasgas tetek anuma ningnigo, larning u titol ot tetek a Leklek, pa bel tetek a tarai.

Galesia 1:10

Bel a mang sur a tarai lar agasgas pas iau, a mang ka sur e God ot ir gas hok. Bel a mang sur ar agasgas ka a tarai. Ning ar agasgas ka a taraila, iau bel a tena titol oros ane Karisito.

2 Korin 3:5

Mila tasmani mang, mila ot bel mila tolsot sur milar tol a titol ne, ika e God ot i nangan mila sur milar toli.

Aposel 20:31

Mulor tumarang mulo! Pa mulor nuk pas natol a rau ning a kes taum o mulo. Bel a manah ana warwara na atumarang tetek mulo, ana moromla pa a kabakiarla, pa a luru matak i punga ono.

2 Pita 1:1

Iau e Saimon Pita, a tena titol oros pa aposel ane Iesu Karisito. A tumtumus tetek mulo ning e God ka tabar tar mulo ana tortorot, anasa ana tostos a toltol ane Iesu Karisito, anundala a God pa nundala a Tena Alaun. A tortorot ning, i wakak kol arlar ana anumila a tortorot.

1 Pita 1:6

A utna ne ir agasgas kol mulo. I momol ot, a urmatana mamahat ning mulo kilangi onone ir saran a bal maris ta mulo, ika bel ir bongnan la.

1 Tesalonika 1:9

Anasa la ot la warwara talapor ana numulo a wakak a toltol ning mulo gas pas mitol. Pa la atatai otleng o mulo, ning mulo ka talingir tar tetek e God, pa bel mulo lotu ma tetek a asasongo na godla. Mulo titol ma tetek e God, esaning a momolna pa a lalauna.

A Pas ane Pol tetek a tarai Rom 1:9

A titol tetek e God ana nuka lalaun rop, ning a warawai ana Wakak a Warwara o e Natnalik, pa e God ot i tasmani mang a sira nuk pas mulo

A Pas ane Pol tetek a tarai Rom 1:1

Iau e Pol, a tena titol oros ane Iesu Karisito, a tumus a pas ne tetek mulo. E God i kabah pas iau, sur ar aposel, pa i aslang pas iau sur ar warawai ana nuna Wakak a Warwara tetek a taraila.

Aposel 27:23

Nangana morom, ning a angelo ane God i hanot tetek iau, a God ning a titol teteki, pa iau anunai.

Aposel 17:13

Ning a tarai Juda mitimo e Tesalonika la longori mang e Pol i warawai ana warwara ane God tumo e Beria, la han utumo pa la akutkut a balan a kunum a tarai pa la akamtur a balanla.

Jon 12:26

Esining ir titol tetek iau, i wakak ning ir mur iau, pa i anuka tena titol pa ir kes taum hok ting na pukna ning ar kes ia. Esining ir titol tetek iau, e Tata ir aleklek pasi.

Luk 19:41

Ning e Iesu i milau e Jerusalem pa i oroi i, i tangis ono, pa i atongi,

Tatatai 7:15

Manglarning, la tur salanigo na keskes a king ane God, la titol teteki ting na nuna rumai a artabar ana kamisla pa moromla. Pa esaning i kes ana keskes a king ir pol alar la sur lar kes taum onoi.

2 Timoti 1:4

A nuk pas u kale ning u domos iau, pa a mang kol mang ar oroi u sur ar bukus ana gas.

Aposel 17:5

Ika, dingla na tarai Juda la nuknuk laulau on diau, pa la ben pas a tarai laulaula miting na tinine hanua. La han taum, pa la tol a tnan mamahat ting na hanua. La dun kas uting na rumai ane Jeson, la seren e Pol pa e Sailas sur lar ben purum diau tetek a taraila.

Aposel 21:27

Ning a mais a pukakiar na atotoh milau ir rarop, dingla na tarai Juda mitimo na papar Esia, la oroi e Pol ting na rumai a artabar. Pa la angangas a tarai sur lar balakut e Pol pa la tong akesi.