Aposel 2:30 - Label

³⁰ Ika e Dewit i a propet, pa i tasmani mang e God ka lele tar teteki mang i ot ir akes tar tik miting na mangis a tarai anunai, sur ir kelesi ana nuna keskes a king.

Aposel 2:30 Referans Kwoze

2 Pita 1:21

Anasa bel ta warwara na propet i hanot miting na nuknukin ta barsan. A Talngan Tabu ot i nigon a taraila ning la warwara ana warwara miting ta e God.

2 Timoti 2:8

Ur nuk pas e Iesu Karisito, esaning tagun a mangis a tarai ane Dewit pa i kamtur ulak kusun a minat. A Wakak a Warwara ning a warawai onoi ine.

A Pas ane Pol tetek a tarai Rom 1:3

A Wakak a Warwara i atai dala o e Natnalik, ning di agon pasi miting na mangis a tarai ane king Dewit.

A Wakak a Warwara o e Iesu Karisito i tumusi 12:36

A Talngan Tabu i nigon e Dewit pa i atongi mange, ‘A Leklek i atongi tetek anuka Leklek, “Ur kes te na sot a kuk, tuk ning ar tolsot pas anum na hiruala sur lar kes nahaim.” ’ Buk Song 110:1

Tatatai 19:16

Ting na nuna kaen pa ting na kinwar a hana, di ka tumus tar a risana larne, A King anuna kingla pa Leklek anuna leklekla.

Tatatai 17:14

Lar harum taum ana Nat a Sipsip, ika a Nat a Sipsip ir tolsot pas la, anasa i a Leklek anuna leklekla, pa a King anuna kingla. Pa la ning ka aslang pas la pa ka kabah pas la pa la tortorot momol teteki, lar tolsot taum onoi.”

Hibru 7:21

Ika ning e Iesu i kibas a titol na tena artabar, e God i lele mange, “A Leklek ka lele tar, pa bel ir lingir a nuknukna. ‘U a tena artabar tetek e God, pa num a titol ir kes tikin.’” Buk Song 110:4

Hibru 6:17

Pa e God otleng, i arakrakai anuna lele ana risana ot, sur ir apuasa i tetek anuna tarai, la ning i tol tar anuna lele tetek la, mang bel ir lingir ulak a nuknukna.

Hibru 4:7

I talapor larning, anasa a galis a rau lamur tanla ning bel la mur anuna warwara, e God i warwara ot ana nuna hanua na manah. I warwara ana pahana e Dewit larne, “Onone, ning mulo longor a elngena e God, gong mulo arakrakai a balamulo.” Buk Song 95:7-8 Ning e God i atongi “onone” i kamkamna mang ka suah tar takai a pukakiar ulak sur a tarai lar kas ting na nuna hanua na manah.

Hibru 3:7

Dala a tarai ane God, dalar mur a warwara ana Talngan Tabu ning i atongi larne, “Onone ning mulo longor a elngena e God,

A Pas ane Pol tetek a tarai Rom 15:12

E Aisaia otleng i warwara na propet o e Karisito mange, “Takai ir hanot miting na kaba tarai e Jesi arlar ana sibul ning i gomo miting na wakir a rakai. Ir king pa ir nigon a tarai miting na matanitula, pa a tarai ning bel a tarai Juda lar tortorot onoi, pa lar harnanai ana tortorot sur a wakakna ning ir toli.” Ais 11:10

Aposel 1:16

“Na tastasikla, a warwara anuna Talngan Tabu, ning e Dewit i warwara tar onoi nating ot ting na Buk Tabu, onone di ka tolsot pasi. I warwara o e Judas esaning i nigon la ning la tong pas e Iesu.

Luk 24:44

Pa i atongi tanla, “Ning a kes ot taum mulo, ia ka atong tar a warwara ne tetek mulo mang: A ututnala rop ning di ka tumus tari hok, ana warkuraila ane Moses, ana warwara anuna propetla pa ana Saksakla dir tolsot pasi.”

Matiu 27:35

Ning la ka sai ahat tari saot na rakai kutus, la pilai laki sur lar asalar anuna kaenla tetek la taktakai.

Matiu 22:43

E Iesu i atai la mang, “Manglarning, i mangasa a Talngan Tabu i nigon e Dewit pa i atong e Karisito mang ‘anuka Leklek’? Anasa e Dewit i atongi mang,

Hibru 1:1

Nating ot e God i warwara ana elgen a propetla tetek na tumtubundala. I warwara larning ana galis a taem ana urmatana ngas.