Aposel 10:42 - Label

⁴² I sune mila, sur milar warawai pa milar warwara talapor tetek a tarai, mang i ot ning e God ka aslang pasi sur ir tena warkurai anunla ning la laun pa la ning la ka mat.

Aposel 10:42 Referans Kwoze

2 Korin 5:10

Anasa dala rop dalar tur salanigo na keskes na warkurai ane Karisito. Ning dalar tol a wakakna o a laulauna, dala rop taktakai dalar kibas a arlou ana ututnala ning dala ka tol tari ana nundala lalaun te lapiu.

1 Pita 4:5

Ika lamur lar tur namatana e God, pa lar warwara talapor ana asaning la ka tol tari. Anasa e God ka sang sur ir warkurai a tarai rop, la ning la laun pa la ning la ka mat.

2 Timoti 4:1

E Karisito Iesu ir hanot ute taum ana nuna matanitu. Ir warkurai la ning la laun, pa la ning la ka mat. Pa manglarning, a nunung u namatana e God pa e Karisito Iesu mang:

Aposel 17:31

Anasa ka kubus tar a pukakiar, sur ir warkurai a rakrakan hanua ana tostos a warkurai, pa ka aslang tar ning a mainla ning ir tol a warkurai, pa i amomol i tetek a taraila rop, ning i akamtur ulak pas a barsan ning kusun a minat.”

Tatatai 22:12

E Iesu i atongi mang, “Oroi, milau ma ar hanot! Ar hanot taum ana arlou, par tokom a tarai rop arlar ot ana nunla na titol taktakai.

Tatatai 1:7

Oroi, i han purum ana diah bakut, pa a matana tarai rop lar oroi i, pa la otleng ning la so tari, pa a mangis a tarai rop te na rakrakan hanua lar domos anasa onoi. Ir hanot lar otning. Amen.

2 Timoti 4:8

A nanan a harlou ning e God ka suah tari sur iau, anasa a tostos namatana. A Leklek, a tostos na Tena warkurai ir sarani tak ana pukakiar na warkurai. Pa bel tetek iau ka, ir saran a harlou ning tetek la rop ning la mang kol sur ir ulak.

Aposel 5:20

“Mulor han, pa mulor tur ting na rumai a artabar, pa mulor atai a taraila ana warwarala rop ana tona lalaun ne.”

Aposel 1:8

Ning a Talngan Tabu ir kes o mulo, mulor kibas a rakrakai, pa a ututnala ning mulo oroi tak mulor warwara talapor ono saot e Jerusalem, pa ting na hananuala rop tumo na naur a papar Judia pa e Samaria, pa ting na rakrakan hanua rop.”

Luk 16:28

Anasa dilima na tastasik barsan la kaning ia, pa ir atumarang tar la, sakana la otleng lar han ute na hanua na kankan ne.’

Luk 22:22

A Nat a Barsan ir mat arlar larning e God ka warkurai tari, ika ir laulau kol tetek a barsan ning ir asobori.”

Aposel 24:25

Ning e Pol i warwara ana tostos a toltol, pa a toltol ning tik ir warkurai tostos pas anuna lalaun, pa a pukakiar na warkurai ning ir hanot, e Feliks i matmataut, pa i atongi mange, “Pol, ur han kaba. Ning ar langolango, ar arsune ulak sur u.”

A Pas ane Pol tetek a tarai Rom 2:16

Ana pukakiar ning e God ir warkurai a taraila, ir saran tar a warkurai tetek e Karisito Iesu sur ir warkurai la ana ututnala ning i kes kumna ting na balanla. A sira warawai ana ututnala ne, ning a warawai ana Wakak a Warwara.