Aposel 1:13 - Label

¹³ Ning la hanot saot e Jerusalem, la kas usaot na tuka rumai, ning la borborbor pa la keskes ia. La ne, ning la kes taum tingia: E Pita, Jon, Jems, Endru, Pilip, Tomas, Batolomiu, Matiu, Jems a nat e Alpius, e Saimon takai tagun a kunum a Silot, pa e Judas, a nat a maskan na Jems.

Aposel 1:13 Referans Kwoze

Aposel 20:8

Ana tuka rumai tisaot ning mila kes taum ono a galis a lam kol tingia.

Luk 22:12

Pa ir asangan tar mu ana tnan tuk a rumai saot, ning di ka sang tari, pa mur sang a ututnala ting ia.”

A Wakak a Warwara o e Iesu Karisito i tumusi 14:15

Pa ir asangan tar mu ana tnan tuka rumai tisaot, ning di ka sang tari, pa mur sang a utna na hangan ano.”

A Wakak a Warwara o e Iesu Karisito i tumusi 2:14

Ning i han amon, i oroi tetek e Liwai, a nat e Alpius, i kes ting na rumai a los totokom, pa e Iesu i atongi tana mang, “Ur mur iau.” Pa e Liwai i kamtur pa i muri.

Jems 1:1

Iau e Jems, a tena titol oros ane God pa a Leklek e Iesu Karisito, a tumus a pas ne tetek mulo, ning a bonot pa naur a mangis a tarai Israel, ning mulo kes sarara arpotor tana tarai miting na matanitula. A marmaris tetek mulo.

Aposel 12:17

Pa i sairas la ana kuna, sur lar kes longoroi, pa i atai la mang a Leklek i ben purum mangmangasa pasi kusun a rumai a dodot. Pa i atai la mang, “Mulor atai e Jems pa na tastasindala ana tortorot ana utna ne.” Pa i han kusun la sur ning a hanua masik.

Aposel 2:38

E Pita i keles la mang, “Mulo rop taktakai mulor lingir a nuknukim mulo, pa dir baptais mulo ana risana e Iesu Karisito, sur dir kepsen anumulo na toltol laulaula, pa mulor kibas a Talngan Tabu.

A Pas ane Jut 1:1

Iau e Jut, a tena titol oros ane Iesu Karisito pa a tas e Jems. A tumus a pas ne tetek mulo, ning e God a Tamandala ka kabah pas mulo, pa i maris mulo, pa mulo kes ting na tatatai alar ane Iesu Karisito.

Galesia 2:9

E Jems, Pita pa e Jon, ning a tarai la tasmani mang natola a ningnigo, ditol oroi lalan a marmaris ning e God i tabar iau ono, pa ditol sikan miau ma e Barnabas sur miar titol. Ditol malmaling sur miar han tetek a taraila ning bel a tarai Juda, pa ditol, ditol ar han tetek a tarai Juda.

Galesia 1:19

Bel a oroi ta aposel otleng, e Jems ka a tas a Leklek.

Aposel 15:13

Ning dia manah na warwara, e Jems i atongi mang, “Na tastasikla, mulor longor iau.

Aposel 4:19

Ika e Pita pa e Jon dia keles la mang, “Mangasa, i tostos ana matana e God ning miar longor tetek mulo, pa tetek e God gong? Mulo ot mulor oroi sursuri.

Aposel 4:13

La tasmani mang e Pita pa e Jon naur a barsan oros ka, bel dia asasaer pas on ta tnan asasaer. Pa la kulkulan kol on diau ning dia warwara pa bel dia matmataut. Pa la tasmani mang nating ditol ararmuri taum ma e Iesu.

Aposel 2:14

Lamur e Pita i tur taum ana ning a bonot pa pisir takai aposella, pa i warwara kol tetek a taraila mange, “Mulo a tarai Juda, pa mulo rop ning mulo kes te Jerusalem, ar atalapor a utna ne ta mulo, pa mulor longor wakaki.

Jon 21:2

E Saimon Pita pa e Tomas, di atongi otleng mang a Kasang, pa e Natanael a te Kana miting na papar Galili, pa naur a nat e Sebedi, pa ning naur otleng tagun a kakak a asaerla, la kes taum.

Jon 18:17

A basbas ning i deken e Pita mange, “U otleng tagun a kakak a asaerla anuna barsan ne, gepi?” E Pita i kelesi mange, “Iau bel.”

Jon 11:16

E Tomas, ning di atongi otleng mang a Kasang, i atai a kakak a asaerla mange, “Dalar han taum sur dala otleng dalar mat taum onoi.”

A Wakak a Warwara o e Iesu Karisito i tumusi 14:33

Pa i ben e Pita, e Jems pa e Jon. Ana mais a pukakiar ning i kilang a tnan balmamahat pa i nuknuk kol.

A Wakak a Warwara o e Iesu Karisito i tumusi 9:2

Lamur tana diono na pukakiar, e Iesu i ben pas e Pita, Jems pa e Jon, pa i ben maskan pas ditol usaot na mangir ning i tur kas. Tisaotia ditol oroi a palaona e Iesu i ries.

A Wakak a Warwara o e Iesu Karisito i tumusi 5:37

Bel i malmaling pas tik sur ir muri, ika i ben pas e Pita, e Jems ditas ma e Jon.

Matiu 9:9

Ning e Iesu i han miting ia, i oroi pas ning a barsan, a risana e Matiu, i kes ting na rumai a los totokom. E Iesu i atai i mang, “Ur mur iau.” Pa e Matiu i kamtur pa i muri.

2 Jon 1:1

Iau e Jon, a ningnigo, a tumtumus tetek u, a hane ning e God i aslang pas u, pa na natnatum, ning a mang kol sur mulo ana momolna. Pa bel ia ka, mila rop otleng ning mila tasman a momolna.

1 Korin 15:7

Pa lamur i hanot tetek e Jems, pa lamur tetek na aposel rop.

Jon 14:22

E Judas (bel e Judas Iskariot) i deken e Iesu mange, “Leklek, sur asa ning ur asangan tar u ta mila ka, pa bel tana taraila ana rakrakan hanua?”