3 Jon 1:12 - Label

¹² A taraila rop la warwara talapor o e Demitrius, mang a wakak a barsan, pa anuna momol a asasaerla otleng i warwara talapor onoi. Mila otleng mila warwara talapor onoi, pa u tasmani mang anumila na warwara i momol.

3 Jon 1:12 Referans Kwoze

1 Timoti 3:7

A ningnigo ana lotu a ngas a barsan ning a tarai masik otleng ning bel la lotlotu, la hanrawai onoi. Ning bel, lar atong kumnani, pa ir hirua ana kun ane Satan.

Jon 21:24

A kaklik asasaer kane, i ning i warwara talapor ana ututnala ne, pa i tumus akesi. Pa dala tasmani mang anuna warwara talapor, i momol kol.

Aposel 22:12

“Ning a barsan, a risana e Ananias, a tena lotu momol ning i sira mur asot a Warkuraila, pa a tarai Juda rop ning la kes tingia, la hanrawai koli. I hanot tetek iau,

Aposel 10:22

Ditol kelesi mang, “E Konilius, a ningnigo anuna ning a mar a tarai a harum i sune mitol. E Konilius i ning a tena tostos pa a tena hanrawai tetek e God, pa a tarai Juda rop la hanrawai i. A angelo ane God i atai tari mang ir arsune pas u utumo ana nuna rumai, sur ir longor anum ta warwara.”

Jon 19:35

A kaklik asasaer ning i oroi a ututnala ne, i warwara talapor onoi sur mulo otleng mulor tortorot. A warwara talapor ne i momol, pa i ot i tasmani mang i momol.

1 Tesalonika 4:12

Ning mulor toli larning, a tarai ning bel la tortorot lar hanrawai mulo, pa bel mulor kapan sur ta utna.

Aposel 6:3

Na tastasimila, mulor aslang pas ir mais a wakak a barsan tagun mulo, ning la tastasman pa la bukus ana Talngan Tabu, sur milar saran tar a titol na artabar ne tanla.