3 Jon 1:11 - Label

¹¹ Halik, gong u oroi asasaer ana toltol laulau ne, ur mur a wakakna. Esining i tol a wakakna, ai anune God. Pa esining i tol a laulauna, bel i tasman e God.

3 Jon 1:11 Referans Kwoze

Epeses 5:1

Mulor laun arlar ana lalaun ane God, anasa mulo na natnat e God, pa i maris kol mulo.

1 Pita 3:11

Ir talingir kusun a laulauna pa ir tol a wakak a toltol. Ir tai sur a molmol pa ir rakrakai sur ir muri.

Jon 3:20

La rop ning la sira tol a toltol laulaula, la nget ka a talapor, pa bel la han tetek a talapor, sakana dir oroi puasa pas anunla na toltol laulaula.

1 Pita 3:13

Ning mulo rakrakai sur mulor tol a wakakna, esining ir alaulau mulo? Bel tik ir alaulau mulo.

2 Timoti 3:10

Ika u Timoti, u ka tasman rop anuka asasaerla, anuka toltol, a kamkamna momol anuka toltol, anuka tortorot, anuka bal molmol, anuka marmaris, anuka tuntunur rakrakai ana kankan,

1 Jon 2:29

Mulo tasmani mang e God a tena tostos, pa mulo tasmani otleng mang la rop ning la tol a tostos a toltol, la na natnat e God.

1 Tesalonika 2:14

Na tastasimitol, i manglarning anasa mulo arlar ana tarai a lotu ane God ning la kaning o e Karisito e Iesu, ning la kes to na papar Judia. Pa mulo otleng mulo kilang kankan ana kuna taraila ting na numulo a hanua, arlar ana tarai a lotu to e Judia la kilangi ana kuna nunla na tarai ot, a tarai Juda,

1 Tesalonika 1:6

Mulo ka mur pas a ginimitol pa a ginina Leklek. A tarai la alaulau mulo, ika mulo tong akes a warwara ana gasgas, ning a Talngan Tabu i sarani ta mulo.

Jon 12:26

Esining ir titol tetek iau, i wakak ning ir mur iau, pa i anuka tena titol pa ir kes taum hok ting na pukna ning ar kes ia. Esining ir titol tetek iau, e Tata ir aleklek pasi.

Jon 10:27

Anuk a sipsipla la longor a elngek, pa tasman la, pa la sira mur iau.

Hibru 6:12

Bel mila mang sur mulor ngoro. Mila mang sur mulor arlar onla ning la tortorot pa la harnanai pa bel la ngoro, pa lar tong akes a ututnala ning e God ka lele tar ono.

1 Korin 11:1

Mulor mur a magirak, arlar larning a mur a magirana e Karisito.

1 Korin 4:16

I maining a arakrakai pas mulo sur mulor mur anuka toltol.

Pilipai 3:17

Na tastasik, mulor mur anuka ngas a toltol. Pa i wakak sur mulor tai murmur la ning la mur a ngas a lalaun ning mila ka asangan tari tamulo.

1 Jon 3:10

Dala oroi lalan na natnat e God pa na natnat e Satan otleng mange: Esining bel i tol a tostos a toltol, i bel a nat e God, mang otleng larning tetek esining bel i mang sur e tasnalik.

1 Jon 4:1

Na halalik, gong mulo tortorot ororos ka ana tik ning i atongi mang a Talngan Tabu i saran tar a warwara teteki. I wakak sur mulor tohi sur mulor tasman lalani mang i tagun e God o bel, anasa a galis a propet asasongola kane ma na rakrakan hanua.