2 Timoti 4:5 - Label

⁵ Ika u, ur nuknuk wakak ana pukakiar rop. Ning ur kilang a kankan, ur tur rakrakai ot. Ur rakrakai ona warawai ana Wakak a Warwara, pa ur tolsot pas anum na titol rop, ning e God ka saran tari tam.

2 Timoti 4:5 Referans Kwoze

2 Timoti 1:8

Pa gong u meme sur ur atatai ana Leklek anundala, pa gong u meme hok ning a kes te na rumai a dodot ana risana. Ika, ur sang sur u otleng ur kilang kankan ana Wakak a Warwara taum hok. Pa e God ot ir saran a rakrakai tetek u ning ur titol.

1 Pita 1:13

I maining mulor sang a nuknukimulo sur anumulo a titol, mulor warkurai tostos anumulo a lalaun, pa mulor harnanai ana tortorot momol sur a utna ning dir tabar mulo onoi ning e Iesu Karisito ir hanot puasa.

2 Timoti 2:3

Ur kilang a mamahat taum omila, arlar ana wakak a tena harum ane Karisito Iesu.

Kolosi 4:17

Mulor atai e Arkipus manglarne, ir tol arop tar a titol anuna Leklek ning di ka saran tari tana.

1 Timoti 4:12

Gong u noren tik ning ir oroi purpurum u anasa u barman. Ur tol a wakak a toltol tetek a tena tortorotla ana num a warwara, anuma toltol, anuma marmaris, anuma tortorot pa anuma totoh a lalaun, sur lar muri.

Aposel 21:8

Ana pukakiar lamur, mila han ulak, pa mila hanot to e Sisaria, pa mila kes ting na rumai ane Pilip, a tena warawai ana Wakak a Warwara, i ning tagun a mais a barsan, ning a aposella la ka aslang pas la.

1 Timoti 4:15

Ur titol rakrakai ana ututnala ne. Ur saran anuma lalaun sur a ututnala ne, sur a taraila rop lar oroi u mang u gomo ana lalaun ning e God i mang suri.

1 Tesalonika 5:6

Pa gong dala arlar ana dingla na tarai ning la borbor duman. Dalar tai alar dala pa dalar warkurai tostos anundala lalaun.

Tatatai 3:2

Mulor mata, pa mulor arakrakai anumulo na wakak a toltol ning i mang sur ir mat, anasa a oroi i mang, anumulo na titol belot i kidol namatana e God anuki.

Epeses 4:11

I ot ning i saran a artabarla ning tetek anuna taraila larne: a aposella, a propetla, na tena warwara talapor ana Wakak a Warwara, a tena tai alarla, pa a tena asaerla,

Hibru 13:17

Mulor longor tetek anumulo na ningnigola, pa mulor anatarna mulo nahai a nunla na warkurai, anasa la tai alar mulo, pa lamur lar warwara talapor namatana e God ana nunla titolla tetek mulo. Mulor longor tanla sur lar gas ana nunla titolla, pa bel lar titol taum ana bal mamahat. Anasa ning la titol taum ana bal mamahat bel ir nangan mulo.

2 Timoti 2:10

Pa kane ma a kilang kankan, ika a tur rakrakai ot, sur la ning e God ka aslang pas la. A tur rakrakai sur la otleng lar kibas a arlaun ning i kes o e Karisito Iesu, taum ana matatar tikin.

Luk 12:37

Ning a leklek ir hanot, pa anuna tena titolla la sang, lar angis. A momolna ot ne a atongi ta mulo, ir pas sen anuna kot pa ir akes la ting na logo na hangan pa ir tabar la.

A Wakak a Warwara o e Iesu Karisito i tumusi 13:37

Asa ning a atai mulo ono, ar atai a taraila otleng mang: Mulor tai alar mulo!”

Kolosi 1:25

E God i suah tar iau sur iau a tena titol anuna tarai a lotu. I saran tar a titol ne tak sur ar warawai ana nuna warwarala rop tetek mulo.

A Pas ane Pol tetek a tarai Rom 15:19

La oroi a rakrakai ana akinalangla pa a ututnala na kulkulan ning a toli ana rakrakai a Talngan Tabu. Manglarning misaot e Jerusalem tuk to e Ilirikum ia ka warawai rop pas tingia ana Wakak a Warwara ane Karisito.

A Wakak a Warwara o e Iesu Karisito i tumusi 13:34

“I arlar ana ning a barsan i sang sur ir han ana ning a tinan. I saran tar anuna rumai tetek anuna tena titol orosla, sur lar tai alari. I saran taktakai a titol tanla rop, pa i atai a barsan ning na taman sur ir tai alar, pa i han.

Epeses 4:12

sur lar sang a taraila ane God, sur lar titol teteki, sur a tarai a lotu lar agomo anunla lalaun ting o e Karisito. A tarai a lotu, la a palaona e Karisito.

2 Timoti 4:17

Ika a Leklek i nangan iau, pa i arakrakai iau sur ar tolsot pas a warawai ana Wakak a Warwara, pa a taraila rop ning bel na tarai Juda lar longori. Pa ning la mang sur lar umkol iau, a Leklek i alaun pas iau.

Matiu 25:16

Esaning di saran tar dilima na rip tana, ono otning i han pa i titol ono, pa i agomo ulak pas dilima na rip a mani taguni.