2 Korin 12:9 - Label

⁹ Ika i atongi tak mange, “Anuk a marmaris tetek u ka sot, pa bel ur kapan sur ta utna masik. Anasa dir oroi puasa a rakrakaik hom ning belal rakrakaim.” I maining a gas sur ar iaunan pas iau mang, belal rakrakaik, sur a rakrakai e Karisito ir kes hok.

2 Korin 12:9 Referans Kwoze

Pilipai 4:13

A tolsot pas a ututnala rop anasa o e Karisito ning i arakrakai iau.

2 Korin 12:10

I maining a gas kol mang belal rakrakaik, pa ning di atong laulau iau, pa ana mamahatla, pa ning a taraila la akadik iau, pa ning a kilang a rakrakai a bal maris, anasa a tortorot o e Karisito. A gas, anasa ning belal rakrakaik, a rakrakai.

Epeses 3:16

E God anuna gongon i bukus ana matatar. Pa a nunung mang, miting na nuna gongon, ir arakrakai mulo ana rakrakai a Talngan Tabu ting na ingumulo,

1 Korin 10:13

Na arlam ning mulo ka pastek tari, bel mulo ka mulo pasteki, a galis a tarai otleng la pasteki. E God i sira tolsot pas anuna warwara, pa bel ir noren sen mulo sur ta arlam ir hanot tetek mulo, ning ir itna tana rakrakaimulo. Ning ta arlam ir hanot, e God ot ir sang pas ta ngas, sur mulor han masik kusuni pa mulor tolsot pasi.

Hibru 4:16

I maining dalar han tetek e God, anundala King, a tena marmaris, pa gong dala matmataut. Dalar han teteki sur dalar tong akes anuna marmaris, ning ir nangan dala ana nundala na mamahat.

2 Korin 12:5

Ar iaunan pas a barsan ne, ika bel ar iaunan pas iau ot, ika ar iaunan pas iau ot ana ututnala ka ning i apuasa i mang belal rakrakaik.

1 Korin 15:10

Ika, e God i saran tar a lalaun ne a laun onoi, anasa ana nuna marmaris. Pa bel i arop oros tari ka anuna marmaris hok. A titol rakrakai kol tanla rop. Ika, belsur iau ot a titol, a marmaris ane God, ning i kes taum hok, i ning i titol.

1 Korin 2:5

sur anumulo a tortorot o e Karisito bel ir kamna pas ana tastasim anuna tarai, ika ana rakrakai ot ane God.

Kolosi 1:11

Pa e God ir arakrakai mulo ana rakrakaila rop, ning i bukus ana matatar, sur mulor kes wowon pa mulor tur rakrakai ana mamahatla rop ning ir pastek mulo. Pa mulor gas,

Luk 21:15

Anasa iau ot, ar anuknuk tar a warwara pa tastasmai otleng ting na nuknukimulo, pa anumulo a hiruala rop bel lar keles sot pasi, pa bel lar puain seni.

2 Korin 11:30

Ning ar iaunan pas iau, ar iaunan pas iau ka ana ututnala ning i apuasa i mang, belal rakrakaik.

1 Timoti 1:14

Anundala Leklek i pek anuna tnan marmaris hok, pa i tabar iau ana tortorot pa a ginina ning ar mang sur a tarai. A artabar ne i kamkamna o e Karisito Iesu.

Hibru 11:34

La umkol a irnga na iah, pa la laun ot kusun a liwan na harum. La ning bel la rakrakai, e God i arakrakai la, la kibas rakrakai sur a harum pa la alulu a tarai a harum miting na matanitula masik.

Matiu 28:20

Pa mulor asaer la sur lar mur a warwarala rop ning ia ka atong tari ta mulo. Pa oroi, iau ar kes taum o mulo tuk ana araropna.”

Matiu 28:18

E Iesu i han milau tetek la, pa i atongi tanla mang, “E God ka saran arop tar a rakrakai tak, sur ar warkurai a ututnala rop saot na langit pa te otleng lapiu.

2 Korin 12:15

A gas ka sur ar saran tar anuk a ututnala rop tetek mulo, pa ar saran tar anuk a lalaun otleng. Ning anuk a marmaris tetek mulo ir itna kol, mangmangasa, anumulo a marmaris tetek iau ir natarna ka?

1 Korin 2:3

Ning a hanot tetek mulo, bel ta rakrakaik, a matmataut pa a koloron kol.

2 Korin 12:1

Ar iaunan pas iau ot. Ar iaunan pas iau ot ona tatataila pa a reresala ning a Leklek ot i ka asangan tar iau ono, ika anuk a warwara ne bel i gas on ta utna.