2 Korin 1:8 - Label

⁸ Na tastasimila, mila mang sur mulor tasman a kankanla ning mila kilangi ting na hananuala tumo na papar Esia. Mila kilang a tnan mamahat kol. Bel ma mila rakrakai pa bel ma mila nuki mang milar laun.

2 Korin 1:8 Referans Kwoze

1 Korin 15:32

Ngandek ning a harum taum ana rokoio na tarai te e Epeses sur ar tol sot pas a nuknukik ka, i nangan mangmangasa iau? Ning na minat bel lar kamtur ulak kusun a minat, dalar mur a warwara anunla ning la sira atongi larne, “Dalar hangan pa dalar gang, anasa latu dalar mat.” Ais 22:13

1 Korin 4:8

Ngandek mulo ka tong akes a ututnala rop ning mulo mang? Ngandek mulo ka tena gongonla? Mulo nuki mang mulo kes arlar ana king, pa mila bel. A mang sur mulor kes na king momol, sur mila otleng milar kes na king taum o mulo. Ika bel.

1 Korin 16:9

anasa a ngas ka sapang sur anuka titol ir gomo pa ir wai, pa galis a tarai otleng la mang sur lar sairasi.

Aposel 2:9

Dala na te Partiala, a te Midiala, a te Elamla, pa dala mitimo na paparla ne Mesopotemia, Judia, Kapadosia, Pontus, Esia,

Aposel 16:6

A Talngan Tabu i sairas ditol sur gong kaba ditol warawai ana Wakak a Warwara tumo na papar Esia. Ditol han taltal ka utumo na naur a papar Prigia pa e Galesia.

A Pas ane Pol tetek a tarai Rom 1:13

Na tastasikla, a mang sur mulor tasmani mang, a galis a taem, a mang sur ar oroi mulo, sur ar nangan mulo par oroi a wana nuka titol ting na numulo a lalaun, larning a oroi ting na lalaun ana maskan a tarai, ning la otleng bel na tarai Juda. Ika, tuk onone, bel a han lar pas.

2 Korin 1:9

A momolna, mila nuki mang mila kar mat. A utna ne i hanot sur gong mila tortorot ana rakrakaimila ot, milar tortorot ka o e God, esaning i sira akamtur a minatla.

2 Korin 6:9

Dingla na tarai la puai mang belal risamila, ika a risamila i itna ot. Mila milau tar a minat, ika kanet mila laun. Di um mila, ika bel di umkol mila.

Aposel 19:41

Ning ka atong tari larning, i sune sarara a taraila kusun a kiwung.