2 Jon 1:6 - Label

⁶ A marmaris i manglarne: Dalar mur a warkurai ane God. Anuna warkurai, ning nating mulo ka longor tari, i manglarne, mulor laun ana marmaris.

2 Jon 1:6 Referans Kwoze

1 Jon 5:3

Dala mang sur e God mange: Dalar longor ana nuna na warkuraila. Pa anuna na warkuraila bel la ngangaten sur dalar mur la.

1 Jon 2:24

I wakak ning a asasaerla rop ning mulo longor tari nating ot ir laun o mulo. Ning i laun o mulo, mulo otleng mulor laun o e Natnalik, pa o e Tamana.

1 Jon 2:5

Ning tik ir longor ana warwara ane God, ir mang momol sur e God. Dala tasmani dala ane God mange:

Jon 15:10

Ning mulo longor ana nuk na warkuraila, mulor laun ana nuk a marmaris, larning a longor ana warkuraila ane Tata, pa a laun ana nuna marmaris.

Jon 14:15

“Ning mulo mang sur iau, mulor mur anuk na warkuraila.

Jon 15:14

Mulo na halalik ning mulo longor ana nuk na warkuraila.

Jon 14:21

Esining i tong akes anuk na warkuraila pa i muri, i ning i mang sur iau. Pa e Tata ir mang suri, pa iau otleng ar mang suri, pa ar asangan iau tana.”

1 Jon 5:15

Pa ning dala tasmani mang ka longor dala, asa rop ning dala nunung suri, dala tasmani mang dalar kibasi tana.

2 Jon 1:5

Pa onone a nunung u, wan, sur dalar mang artalai sur dala. Bel a tumus ta tona warkurai tetek u. A warkurai ka ning dala longor tari nating ot.

Jon 14:23

E Iesu i kelesi mange, “Ning tik ir mang sur iau, ir longor ana nuk na asasaer. Pa e Tata ir mang suri, pa miar han teteki, pa miar kes taum onoi.

1 Jon 2:7

Na halalik, bel a tona warkurai ne a tumusi tetek mulo, a turaina, ning mulo ka longor tari tagun nating ot. A warkurai ne, mulor mang sur na tastasimulo.