1 Timoti 6:16 - Label

¹⁶ Anunai ka a lalaun tikin, pa i kes ana tnan talapor ning bel tik ir han milau. Belot tik i oroi tari pa bel tik ir oroi lar pasi. Dir saran tar a tnan hanrawai teteki, pa i tong akes a tnan rakrakai ning ir kes tikin. Amen.

1 Timoti 6:16 Referans Kwoze

1 Timoti 1:17

Dalar saran a hanrawai pa dalar atong aleklek pas a King ning i laun tikin, esaning bel dala oroi, ning i ka i God. A aleklek ne bel ir rarop pa bel ir rarop. Amen.

Jon 1:18

Bel tik i oroi tar e God tuk onone. Ika e Natnalik ka, takai sot ka, i kes taum o e Tamana, i asangan e God tetek dala. Pa i ot e God.

1 Jon 1:5

A warwara talapor ne, mila longori ta e Iesu Karisito, pa mila atalapori tetek mulo mange: E God a talapor momol, pa bel ta mormorom i kes onoi.

Kolosi 1:15

Bel dala oroi tar e God, ika e Karisito a manar e God. I a ningnigo na Nat e God pa i leklek kol tana akakesla rop.

Jon 6:46

Bel tik i oroi e Tata. Esan kaning i han pas tagun e God, i oroi tar e Tamana.

Tatatai 22:5

Bel ulak ma ta morom. Bel lar kapan sur a talapor ana lam pa talapor ana kamis, anasa a Leklek e God ot ir saran a talapor tanla. Pa lar warkurai arlar ana king, bel ir rop pa bel ir rop.

Tatatai 4:11

“Anumila a Leklek pa anumila a God, i tostos kol sur dir aitna pas u pa dir hanrawai u, pa i tostos kol ning ur tong akes a rakrakai, anasa u, u akes a ututnala rop. U akes la ana nuknukim ot, pa la laun ka hom.”

Tatatai 1:6

pa i akes dala sur dalar warkurai taum onoi pa sur dala na tena artabar tetek e Tamana, esining anuna God. Dala na tena artabar sur dalar titol tetek e God. A matatar pa a rakrakai rop i kes o e Iesu Karisito, bel ir rop pa bel ir rop. Amen.

A Pas ane Jut 1:25

Takai ka a God pa i anundala a Tena Alaun, anasa ana minat e Iesu Karisito anundala a Leklek. Anunai ot a matatar, a keskes a leklek, a rakrakai pa a warkurai, tagun na raula ning ka rop, pa onone, pa bel ir rarop. Amen.

Epeses 3:21

Dala taum ana tarai lamur, dalar atong leklek pasi, bel ir rop pa bel ir rop ana tnan ututnala i ka tol tari ana tarai a lotu, pa o e Karisito Iesu. Amen.

Tatatai 7:12

la atongi mang, “Amen! Dalar atong aitna pas e God anundalai, dalar aitna pasi, dalar atong wakak teteki pa dalar hanrawai i. I tong akes a tastasmai, pa warkurai pa rakrakai, bel ir rop, pa bel ir rop. Amen!”

Hibru 13:8

E Iesu Karisito bel ir ries. Nating, onone pa lamur pa bel ir rarop, e Iesu Karisito i arlar ka.

Tatatai 21:3

Pa a longor a tnan elngen takai misaot ana keskes a king i atongi mang, “Oroi, a hanua ane God ka kes taum ona tarai. I ot ir kes taum on la, pa lar hanot anuna tarai. E God ir kes taum on la, pa ir hanot anunla God.

Jon 14:9

E Iesu i kelesi mange, “Pilip, ia ka kes kol taum o mulo, pa belot u tasman iau? Esining ka oroi iau, ka oroi tar e Tata. Sur asa u atongi mang ar asangan tar e Tata tetek mulo?

Tatatai 1:8

A Leklek e God i atongi mang, “Iau a Alpa pa Omega, esaning i laun nigo, i laun onone pa ir hanot lamur, esaning i rakrakai kol.”

Jon 8:58

E Iesu i keles la mange, “A atong momoli ta mulo, ning belot di agon e Abaram nating, ia ka laun nigo tar.”

Pilipai 4:20

Dalar aleklek pas anundala a God a Tamandala. Dalar alekleki a pukakiarla rop, bel ir rop pa bel ir rop. Amen.

Jems 1:17

Na wakak a artabar rop, ning la tostos, la han purum misaot na langit. La hanot ta e Tata, esaning i akes a kamis, a kalang pa a nangnangla. Ika e Tata bel i arkeles pa bel i ries a magirana lar a kamis, ning i sasai ana kabakiar pa morom bel.

1 Jon 1:7

Ning dala laun ana talapor, arlar o e God i kes ana talapor, dalar bal artalai dala, pa suluk e Iesu, e Natnalik, ir atotoh dala kusun a toltol laulaula rop.

1 Jon 4:12

Belot tik i oroi tar e God. Ika ning dala mang artalai sur dala, e God i laun ondala, pa anuna marmaris i kes kidol ondala.