1 Timoti 2:15 - Label

¹⁵ Dir alaun a gurarala kamkamna ana agon. Dir alaun la ning la tur rakrakai ana tortorot, a marmaris, a totoh a toltol pa ana wakak a nuknuk.

1 Timoti 2:15 Referans Kwoze

Taitus 2:12

A marmaris ne i asaer dala, sur dalar han masik kusun na toltol ning bel i sot ana nuknuk e God, pa kusun a nuknuk sur a ututnala mite na rakrakan hanua. Dalar warkurai tostos anundala a lalaun, dalar tostos, pa dalar laun murmur a nuknuk e God ana lalaun onone,

1 Pita 4:7

A ararop ana ututnala rop ka milau. I maining mulor nuknuk wakak pa mulor warkurai tostos anumulo a lalaun, sur mulor tol sot sur mulor nunung.

1 Timoti 1:5

A atongi manglarning, sur a marmaris ir itna artalai na arpotor in dala. A marmaris ning i han miting na totoh na balandala, pa a nuknukindala ning bel ta rongo namata e God, pa tortorot momol.

1 Timoti 2:9

A mang otleng sur a gurarala lar mermer ana kaen ning i sot ana minmar anuna gurarala. Lar mermer ana minmar i apuasa a hanrawai taum ana wakak a nuknuk. Gong la iris a hih na pukulunla, gong la mermer taum ana wanarakai ning di toli ana gol o ning a matana i abit, pa gong otleng la mermer taum ana kaen ning a matana i abit.

Luk 2:7

pa i agon pas a ningnigo na natnalik, a kaklik barsan. Pa i poroi i ana kaenla na kakakla, pa i aborbori ana bok ning a inagoila la sira hangan onoi, anasa a rumai a wasira ka bukus pas kusun ditol.

1 Timoti 1:14

Anundala Leklek i pek anuna tnan marmaris hok, pa i tabar iau ana tortorot pa a ginina ning ar mang sur a tarai. A artabar ne i kamkamna o e Karisito Iesu.

1 Korin 12:23

Pa a didiah palaondala ning dala nuki mang bel la tatatai wakak, dala amermer wakak la. Pa a didiah palaondala ning dala meme onla, dala pipis alar la.