1 Pita 5:8 - Label

⁸ Mulor tumarang pa mulor warkurai tostos anumulo a lalaun, anasa anumulo a hirua, e Satan, i han taltal arlar ana laion, ning i kukukuk, pa i tai sur al tarai sur ir ien la.

1 Pita 5:8 Referans Kwoze

Epeses 6:11

Mulor mermer rop taum ana mermer na harum anun e God, sur mulor sairas a larlarla ane Satan.

Jems 4:7

Mulor anatarna pas mulo, pa mulor mur e God. Mulor tur na harum rakrakai o e Satan, pa ir han kusun mulo.

Epeses 4:27

pa gong mulo saran tar ta kolo ta e Satan.

1 Pita 1:13

I maining mulor sang a nuknukimulo sur anumulo a titol, mulor warkurai tostos anumulo a lalaun, pa mulor harnanai ana tortorot momol sur a utna ning dir tabar mulo onoi ning e Iesu Karisito ir hanot puasa.

1 Pita 4:7

A ararop ana ututnala rop ka milau. I maining mulor nuknuk wakak pa mulor warkurai tostos anumulo a lalaun, sur mulor tol sot sur mulor nunung.

Luk 21:36

Mulor tai alar mulo ana pukakiarla rop, mulor nunung sur mulor rakrakai sur mulor alah kusun a ututnala ne, ning milau lar hanot, pa mulor nunung otleng sur mulor tolsot pasi sur mulor tur ana matana Nat a Barsan.”

Luk 22:31

E Iesu i atongi mang, “Saimon, Saimon, oroi i, e Satan ka nunung pas sur ir lar mulo, arlar ana tena omomai ning i tang sauran a wit kusun a palpalna.

Taitus 2:12

A marmaris ne i asaer dala, sur dalar han masik kusun na toltol ning bel i sot ana nuknuk e God, pa kusun a nuknuk sur a ututnala mite na rakrakan hanua. Dalar warkurai tostos anundala a lalaun, dalar tostos, pa dalar laun murmur a nuknuk e God ana lalaun onone,

Tatatai 12:12

Manglarning, a langit pa mulo ning mulo kes onoi, mulor gas. Ika ir laulau tetek a rakrakan hanua pa a puka tasi otleng, anasa a tena artitiu ka han purum tar tetek mu! Anun a balakut i irnga kol, anasa i tasmani mang bel ma i bongnani.”

Jon 8:44

E tamamulo e Satan, pa mulo mang ot sur mulor mur na nuknukna. Tagun nating ot, i a tena umkol a taraila, pa bel i tasman a momolna, anasa bel ta momolna i kes onoi. Ning i asasongo, i warwara ana nuna warwara momol ot, anasa i ot a tena asasongo pa a tamana asasongo.

Matiu 13:39

pa a hirua ning i sapran la, i e Satan. A kalang a sol, i a ararop ana rakrakan hanua, pa na tena sol, a angelola.

Tatatai 12:9

Di minggen purum sen a tnan dregon, a soi tagun nating, ning di atongi a tena artitiu, pa e Satan, esaning i ben rongon a rakrakan hanua rop. Di minggen purumi taum ana nuna angelola ute lapiu.

Matiu 24:42

“Mulor tumarang mulo, anasa bel mulo tasman a pukakiar ning anumulo a Leklek ir hanot ono.

Tatatai 20:10

Pa dir minggen purum sen e Satan, esaning i asongo pas la. Ir kes ting na tnan tung a iah pa salfa, ning di ka minggen purum tar kaba a rokoio a inagoi pa asasongo na propet ia. Tingia dir akadik ditol ana kamisla pa na morom, bel ir rop pa bel ir rop.

Luk 21:34

“Mulor tai alar mulo, sakana mulor molot ana tol ngasa pa sipak, pa nuknuk kol ana ututnala ana lalaun te lapiu, pa pukakiar ning ir hanot tetek mulo arlar ana kun ning ir akulkulan mulo.

Taitus 1:8

Ir sira gas pas a tarai ting na nuna rumai, pa ir mang sur a wakak a toltol, ir warkurai tostos anuna lalaun, ir tena tostos, ir totoh namatana e God, pa ir tai alar a nuknukna.

2 Timoti 4:17

Ika a Leklek i nangan iau, pa i arakrakai iau sur ar tolsot pas a warawai ana Wakak a Warwara, pa a taraila rop ning bel na tarai Juda lar longori. Pa ning la mang sur lar umkol iau, a Leklek i alaun pas iau.

Taitus 2:6

Larne, ur arakrakai a barmanla, sur lar warkurai tostos anunla a lalaun.

Taitus 2:2

Ur asaer a barsanla ning di agon nigon la tam, sur lar tai alar wakak anunla na toltol, lar kibas a ngas a lalaun ning a tarai lar hanrawai la ono, lar warkurai tostos anunla lalaun, lar momol ana nunla na tortorot, anunla a marmaris pa anunla na tuntunur rakrakai ning la pastetek a mamahat.

1 Timoti 2:15

Dir alaun a gurarala kamkamna ana agon. Dir alaun la ning la tur rakrakai ana tortorot, a marmaris, a totoh a toltol pa ana wakak a nuknuk.

Tatatai 20:2

I tong akes pas a dregon, a soi tagun nating, ning di atongi mang a tena artitiu, e Satan. I sen akes tari tuk ot ning takai a rip a rau ir rop.

Taitus 2:4

Lar toli larne, sur lar asaer a gurarala ning di agon murmur la tanla, sur lar mang sur anunla na barsan pa na natnatunla,

1 Timoti 3:11

Tetek anunla na gurarala otleng ir manglarning, la a ngas a gurarala ning a tarai la hanrawai la, gong la warwara kumkumna, lar tai alar wakak anunla lalaun, pa lar momol ana titolla rop.

1 Timoti 2:9

A mang otleng sur a gurarala lar mermer ana kaen ning i sot ana minmar anuna gurarala. Lar mermer ana minmar i apuasa a hanrawai taum ana wakak a nuknuk. Gong la iris a hih na pukulunla, gong la mermer taum ana wanarakai ning di toli ana gol o ning a matana i abit, pa gong otleng la mermer taum ana kaen ning a matana i abit.

Matiu 4:1

Lamur a Talngan Tabu i nigon e Iesu uting na hanua bel sur e Satan ir lari.

1 Timoti 3:2

Pa ning tik i mang sur ir ningnigo ana lotu i wakak sur a ginina ir manglarne: gong ta ararup i kes onoi, ir taulai ka takai a hane, ir tai alar anuna lalaun, ir tai alar anuna nemnemla, i a ngas a barsan ning a taraila la hanrawai i, ir sira gas pas a taraila uting na nuna rumai, pa i a wakak a tena asaer.

Matiu 25:41

“Lamur ir atai la otleng ning na kair a kuna mang, ‘Mulor han masik kusun iau. A rakrakai a warkurai a arkeles ka kes o mulo. Mulor han uting na tnan iah ning bel i sira mat, ning di ka sang tari sur e Satan pa nuna angelola.

Matiu 4:11

Lamur e Satan i han pas kusuni, pa a angelola la han teteki, pa la nangani.

A Wakak a Warwara o e Iesu Karisito i tumusi 4:15

A pat a witla ning la punga ting na ngas, la arlar ana tarai ning la longor a warwara, pa e Satan i hanot, pa i kepsen a warwara miting na balanla.

2 Korin 2:11

sur gong e Satan ir apungan pas dala, anasa dala ka tasman a nuknukna.

Tatatai 12:10

Pa a longor a tnan elngen takai saot na langit i atongi mang, “Onone e God anundala ka alaun pas a tarai, i asangan a rakrakaina, pa anuna matanitu ka hanot, pa a warkurai anuna Karisito anunai ka hanot. Anasa a tena artitiu ning i sira tiu na tastasindala, esaning i sira tiu la namatana e God ana kamisla pa moromla, di ka minggen purum seni.