1 Pita 3:1 - Label

¹ Mang otleng larning mulo na tinaulai a gurara, mulor anatarna pas mulo tetek anumulo na barsan, sur ning dingla onla bel la tortorot ana warwara ane God, anumulo na wakak a toltol ka ir warwara tetek la. Anumulo na toltol ir ben pas la tetek e God,

1 Pita 3:1 Referans Kwoze

Kolosi 3:18

Mulo na tinaulai a gurara, i wakak ning mulor anatarna pas mulo tetek anumulo na tarai, anasa a toltol ning, i tostos sur mulo, a tarai ana Leklek.

Epeses 5:33

Pa i wakak otleng ning taktakai o mulo ir mang sur anuna hane larning i mang suri ot. Pa i wakak sur na gurara lar hanrawai tetek anunla na taraila.

1 Korin 11:3

Ika, a mang sur mulor tasmani mang, e Karisito a pukul na barsan rop, pa a barsan a pukul a hane, pa e God a pukul e Karisito.

1 Korin 7:16

U a hane, bel u tasmani ning ur nangan anuma barsan sur ir tena tortorot o bel. Pa u otleng a barsan, bel u tasmani ning ur nangan anuma hane sur ir tena tortorot o bel.

1 Pita 3:7

Mang otleng larning mulo na tinaulai a barsan, ana numulo a keskes a taulai, mulor mur a wakak a nuknuk tetek anumulo na gurarala pa mulor hanrawai tetek la, anasa mulo tasmani mang, a rakrakainla bel i arlar ana rakrakaimulo, pa la otleng lar kibas a lalaun ning e God ir sarani tamulo. Mulor toli larning, sur gong ta utna i sairas anumulo na nunung.

A Pas ane Pol tetek a tarai Rom 7:2

Manglarning ar warwara larlar ana warkurai a tinaulai: Ning ta hane i taulai, a warkurai a tinaulai i dot taum diau mana nuna barsan, ning a barsan kaning ot i laun. Ika ning anuna barsan ka mat, a hane ning i langolango kusun a warkurai a tinaulai.

Matiu 18:15

“Ning e tasimlik i tol a toltol laulau tetek u, ur han teteki, pa mu ka mur kes. Pa ur apuasa anuna rongo teteki. Ning ir longor u, u ka amoro ulak pasi.

Kolosi 4:5

Mulor titol taum ana tastasman tetek a tarai ning bel la tortorot, pa ana pukakiarla rop, ning i langolango sur mulor atatai tetek la, mulor toli.

Hibru 11:8

Ana tortorot, e Abaram i longor tetek e God ning i kabah pasi sur ir han uting na pukna ning lamur ir hanot a hanua ngasna. I han, ika bel i tasman a pukna ning i han suri.

2 Tesalonika 1:8

Ir saran a warkurai na arkeles tetek la ning bel la tasman e God, pa bel la longor ana Wakak a Warwara ana nundala Leklek e Iesu.

A Pas ane Pol tetek a tarai Rom 6:17

A atong wakak tetek e God, anasa lanigo mulo na tena titol oros ana toltol laulau, ika onone mulo longor ana balamulo rop ana asasaerla ning di saran tari ta mulo.

1 Pita 4:17

A taem ning e God ir warkurai ka hanot. Dir warkurai nigon dala a tarai ane God. Ning dir warkurai nigon dala, ir mangmangasa a warkurai tetek la ning bel la mur a Wakak a Warwara ane God?

1 Pita 1:22

Pa onone, ning mulo ka longor ana momol a warwara, mulo ka totoh, sur mulor mang momol sur na tastasimulo ana tortorot. Larning mulor mang artalai sur mulo ana marmaris momol ting na balamulo.

Hibru 5:9

Ning e God ka tol sot pas a titol ning o e Natnalik, e Natnalik i hanot a kama titol na alaun tikin tetek la rop ning la mur anuna warwara.

A Pas ane Pol tetek a tarai Rom 10:16

Ika bel a taraila rop la kibas a Wakak a Warwara. Larning a propet Aisaia ka atong tari mang, “Leklek, mila warwara talapor, pa bel tik i tortorot ana numila warwara.” Ais 53:1

1 Pita 3:2

ning la oroi lalan anumulo na totoh a toltol pa hanrawai.