1 Pita 1:20 - Label

²⁰ E God ka aslang pasi nating ot ning belot i akes a rakrakan hanua, pa ana ararop a pukakiarla ne, ka hanot sur mulo.

1 Pita 1:20 Referans Kwoze

Epeses 1:4

E God ka aslang pas dala, ning dala ane Karisito, nating ot ning belot i akes a rakrakan hanua, sur dala totoh, pa bel dir arup sot pas dala on ta rongo namatana.

Hibru 9:26

Ngandek ning ir manglarning, e Karisito kar hirua a galis a taem, turpasi ot ana kamkama a rakrakan hanua. Ika ana ararop a pukakiarla i hanot muntakai tar ka. I saran tar i ot sur a artabar tetek e God sur ir kamar sen a toltol laulaula.

Tatatai 13:8

Pa la rop te na rakrakan hanua, ning a risanla bel i kes ting na buk a lalaun, lar lotu tetek a rokoio a inagoi. A buk a lalaun ne, anuna Nat a Sipsip, ning di um kol seni, di ka tumus tari ning e God belot i akes a rakrakan hanua.

Hibru 1:2

Ika ana ararop a pukakiarla ne, i warwara ana elgena e Natnalik tetek dala. E Natnalik ning i aslang pasi sur ir kibas a ututnala rop. Pa ana kuna e Natnalik, e God i akes a rakrakan hanua rop.

Kolosi 1:26

A warwara ne, a utna ning nating i mumun tar kusun a tarai tagun nating, ika onone e God ka apuasa i tetek anuna tarai.

Epeses 3:11

Tagun nating ot e God i tasmani ting na nuknukna mang ir toli larne. Pa onone, ka tolsot pasi o e Karisito Iesu anundala Leklek.

Epeses 3:9

E God ning i akes a ututnala rop, i saran tar a titol tak sur ar atalapor a taraila rop ana ngas ning ir tolsot pas a utna ning nating i mumun ting na nuknukna.

Galesia 4:4

Ika, ning a taem ka sot, e God i sune Natnalik ute. A hane i agon pasi, pa i kes nahai a warkurai ana tarai Juda,

1 Jon 1:2

Pa a Warwara na Lalaun i hanot talapor. Mila ka oroi tari, pa onone mila atalapori tetek mulo mang, i ning a lalaun tikin ning nating i kes taum o e Tamana, pa i hanot talapor tetek dala.

Epeses 1:10

A nuknukna i mange: Ir dat taum a ututnala rop saot na langit pa te na rakrakan hanua, sur la rop lar kes nahai a warkurai ane Karisito. Tagun nating ot e God ka tasman a utna ne ir toli o e Karisito, pa ning a pukakiar ir sot ir tolsot pasi ot.

A Pas ane Pol tetek a tarai Rom 3:25

E God i saran tar e Natnalik, sur ir mat pa a sulukna ir kepsen a toltol laulaula anuna taraila rop ning la tortorot onoi. Pa a sulukna ir arop sen a balakut ane God ning nating kaning onla. I toli larne sur ir asangan anuna tostos a toltol. Nating e God i noren tar ka toltol laulaula anuna tarai, pa bel i warkurai la onoi, anasa i wowon taum onla.

1 Jon 3:8

Pa esining i tol a toltol laulau, i ane Satan, anasa e Satan i tol a laulauna turpasi ot ana turturkamna. Pa a Nat e God i hanot sur ir kamar sen a titolla ane Satan.

1 Jon 3:5

Pa mulo tasmani mang e Karisito i hanot sur ir kepsen anundala na toltol laulau, pa i ot bel anuna ta toltol laulau.

Matiu 25:34

A king ir atai la ning kaning na sot a kuna mang, ‘Mulo han ute, mulo ning e Tata ka angis tar mulo. Mulor kibas pas a matanitu ning ka sang tari sur anumulo, tagun nating ot na kamkama rakrakan hanua.

Aposel 2:23

Di saran tar e Iesu ta mulo, pa mulo taum ana laulau a taraila mulo sai ahati saot na rakai kutus. E God ka tasman nigon tari mang a ututnala ne ir hanot arlar ana nuknukna.

A Pas ane Pol tetek a tarai Rom 8:29

Lanigo ot e God ka tasman tar la ning anuna tarai. Pa ka aslang pas la otleng nating ot, sur lar hanot arlar o e Natnalik, sur i a ningnigo tana galis a tastasnala.

1 Timoti 3:16

Dala tasman momoli mang, a asasaer ning dala tortorot onoi i itna kol. I mange: E Karisito i hanot a barsan, a Talngan Tabu i apuasa i mang e Karisito i tostos na mata e God, a angelola la oroi, di atatai onoi pa a warwara ne i han sarara tetek a taraila miting na matanitu rop, pa a galis te na rakrakan hanua la tortorot onoi, i han kas pa i kes ana matatar.

Hibru 2:14

A kakakla ne, a momolinla ot, a palaonla pa sulukinla ot. Pa e Iesu otleng i hanot a barsan, arlar onla, a palaona pa sulukna ot. I toli larning sur ana nuna minat ir alaulau sen e Satan, esaning i tong akes a rakrakai ana minat.

1 Pita 1:2

E God a Tamandala ka aslang pas mulo ning ka tasman nigon tar mulo, pa a Talngan Tabu i atotoh mulo, sur mulor longor tetek e Iesu Karisito, pa dir lamir mulo ana sulukna. A marmaris pa bal molmol ir kes tetek mulo, pa ir itna bolos.