1 Korin 5:9 - Label

⁹ Ting na ning a pas nating, ning ia ka tumus tari tetek mulo, ia ka atai tar mulo mang, gong mulo lasan taum ana tarai ning la tol na pamuk a toltol.

1 Korin 5:9 Referans Kwoze

Epeses 5:11

Gong mulo tol a toltolla ning a tarai a mormorom la sira toli ning bel ta wana. Ika mulor apuasa anunla toltolla.

2 Tesalonika 3:14

Ning tik bel i longor ana numitol a warwara ana pas ne, mulor nuk akesi. Gong mulo lasan taum onoi, sur ir oroi lalan anuna lalaun pa ir meme onoi.

2 Tesalonika 3:6

Na tastasimitol, mitol nunung mulo ana risana Leklek e Iesu Karisito, sur mulor han masik kusun na tastasindala ning la ngoro pa bel la mur a asasaerla ning mitol atai mulo onoi.

2 Korin 6:14

Gong mulo bal taum onla ning bel la tortorot, anasa a tostos a toltol ir bal taum mangasa ana toltol laulau? A talapor ir kes taum mangasa ana mormorom?

1 Korin 5:7

Mulor kepsen a turai a is, sur mulor arlar ana tona palawa ning bel al is onoi. I momol ot, bel al is o mulo. Anasa di ka saran tar e Karisito sur anundala na artabar tetek e God, arlar ana sipsip ning di artabar onoi te na tnan pukakiar a lotu na Hanlakai.

1 Korin 5:2

Ika mulo, mulo aitna pas mulo onoi! I mangasa ning bel mulo tangis onoi? Pa i mangasa ning bel mulo kepsen a barsan ning kusun mulo?

2 Korin 6:17

Pa Leklek i atongi otleng mang, “Mulor purum kusun la, pa mulor kes masik kusun la. Pa gong mulo tuk a dur a ututnala. Pa iau ar gas pas mulo.” Ais 52:11

1 Korin 5:10

Belsur a kamkamna mang, gong mulo lasan taum ana tarai mite na rakrakan hanua, ning la sira tol na pamuk a toltol, o la sira mang sur na utna ning lar tena gongon onoi, o la sira ras oros a utna ning belsur anunla, o la ning la sira lotu tetek a asasongo na godla. Ning mulo mang sur mulor han kusun a ngas a tarai larning, mulor han kusun a rakrakan hanua.