1 Jon 5:3 - Label

³ Dala mang sur e God mange: Dalar longor ana nuna na warkuraila. Pa anuna na warkuraila bel la ngangaten sur dalar mur la.

1 Jon 5:3 Referans Kwoze

Jon 14:15

“Ning mulo mang sur iau, mulor mur anuk na warkuraila.

Jon 15:10

Ning mulo longor ana nuk na warkuraila, mulor laun ana nuk a marmaris, larning a longor ana warkuraila ane Tata, pa a laun ana nuna marmaris.

2 Jon 1:6

A marmaris i manglarne: Dalar mur a warkurai ane God. Anuna warkurai, ning nating mulo ka longor tari, i manglarne, mulor laun ana marmaris.

1 Jon 2:3

Ning dala longor ana nuna warkuraila, dala talapor mang dala tasman ot e God.

A Pas ane Pol tetek a tarai Rom 7:22

Ana nuknukik a mang kol sur a Warkuraila ane God.

Jon 15:14

Mulo na halalik ning mulo longor ana nuk na warkuraila.

Hibru 8:10

A Leklek i atongi larne: A kunubus ning ar toli taum ana tarai Israel, ana pukakiarla lamur, i mange: Ar suah tar anuka warkuraila ting na nuknukinla, pa ar tumus tari uting na balanla. Pa iau a God anunla, pa la anuka tarai.

A Pas ane Pol tetek a tarai Rom 7:12

I maining dala tasmani mang a warkurai i totoh, pa na puka warwara na warkuraila rop la totoh, la tostos, pa la wakak.

Matiu 23:4

La saran tar a mamahat a utnala sur a tarai lar losi, ika la ot, bel la harnangai ono.