1 Jon 4:4 - Label

⁴ Na natnatukla, mulo ane God, pa mulo ka tolsot pas a propet asasongola, anasa a Talngan Tabu ning kaning o mulo, i leklek kol ta e Satan ning i kes te na rakrakan hanua.

1 Jon 4:4 Referans Kwoze

A Pas ane Pol tetek a tarai Rom 8:31

I maining, asaning dalar atongi ana ututnala ne? Ning e God i kes taum ondala, esining ir tolsot pas dala? Bel tik.

1 Jon 5:4

Anasa la ning na natnat e God, la ka tolsot pas a rakrakan hanua. A rakrakai ning dala tolsot pas a rakrakan hanua onoi mange: anundala tortorot.

A Pas ane Pol tetek a tarai Rom 8:37

Bel. Anasa o e Karisito ning i maris kol dala, dala tolsot rop pas a ututnala ne.

1 Jon 4:16

Pa dala ot dala tasman a marmaris ane God tetek dala pa dala tortorot onoi. E God a marmaris, pa esining i laun taum ana marmaris, i laun o e God, pa e God i laun onoi.

1 Korin 2:12

Pa mila, bel mila kibas a ingun mite na rakrakan hanua. E God i tabar mila ana Talngan Tabu, sur milar tasman lalan na artabarla rop ning i tabar oros tar mila ka onoi.

1 Jon 5:19

Dala tasmani mang dala na natnat e God, pa a rakrakan hanua rop i kaning nahai a warkurai ane Satan.

1 Jon 4:13

Dala tasmani mang dala laun o e God, pa i laun ondala, anasa i ka saran tar a Talngan Tabu tetek dala.

Epeses 6:10

Anuka ararop a warwara i mange: Mulor tur rakrakai ona tnan rakrakai ana Leklek.

Epeses 3:17

sur e Karisito ir kes uting na balamulo, ning mulo tortorot onoi. Pa a nunung mang a wakwakirim mulo ir tong kes ana marmaris pa mulo tur rakrakai onoi,

Tatatai 12:11

Na tastasindala la ka tolsot pasi ana suluk a Nat a Sipsip pa ana nunla na warwara talapor. Bel la mangan alar anunla a lalaun kusun a minat.

1 Jon 3:24

Esining i longor ana nuna na warkuraila, i laun o e God, pa e God i laun onoi. Pa dala tasmani mang e God i laun ondala, anasa a Talngan Tabu ning i tabar dala ono, i laun ondala.

Jon 12:31

Onone ka taem sur dir warkurai a rakrakan hanua, pa dir alulu sen e Satan, a ningnigo tagun a rakrakan hanua.

Jon 17:23

Iau kaning onla, pa u kane hok, sur lar takai kama, sur a taraila te na rakrakan hanua lar tasmani mang u sune iau ute, pa u mang sur la larning u mang sur iau.

1 Jon 4:6

Dala tagun e God, pa esining i tasman e God i longor dala. Ika esining bel tagun e God bel i longor tan dala. Larning dala oroi lalan a Talngan Tabu ning i momol, pa a laulau a inguna ning a tena asasongo.

2 Korin 6:16

A asasongo na godla pa rumai a artabar ane God diar malmaling taum mangasa? Anasa dala ot a rumai a artabar ane God ning i laun. Larning e God ka atong tari mange, “Ar kes taum onla, pa ar han arpotor tanla. Pa iau anunla a God, pa la anuka taraila.” Liwai 26:12

1 Jon 2:13

A tumtumus tetek mulo a tatatnan tarai, anasa mulo ka tasman esining i laun tagun nating ot. A tumtumus tetek mulo a barmanla, anasa mulo ka tolsot pas e Satan. A tumtumus tetek mulo a kakakla, anasa mulo ka tasman e Tamandala.

1 Korin 6:13

Sakana tik ir atongi otleng larne, “A utna na hangan sur a balandala, pa a balandala sur a utna na hangan.” Ika e God ir kamar sen diau rop. A palaondala bel sur dir tol a pamuk a toltolla. A palaondala sur a Leklek ot, pa a Leklek sur a palaondala.

Epeses 2:2

Mulo mur a toltolla mite na rakrakan hanua, pa mulo longor tetek e Satan, a ningnigo ana matanitu saot na puka solsolna, pa onone a inguna i titol onla ning la tabun longor tetek e God.

Jon 16:11

Pa ir asangan la otleng ana warkurai ane God anasa e God ka warkurai tar a ningnigo ana rakrakan hanua.

2 Korin 4:4

E Satan, a god mite na rakrakan hanua, i san akut pas a nuknuk a tarai ning bel la tortorot, sur bel lar oroi a talapor ana Wakak a Warwara ning i apuasa a matatar ane Karisito, i ot a manar e God.

Jon 14:30

“Bel ma ar awara kol mulo, anasa e Satan, a ningnigo ana rakrakan hanua, milau ir hanot. Belal rakrakaina sur ir tol ta utna hok,

1 Jon 2:1

Na natnatukla, a tumus a ututnala ne tetek mulo sur gong mulo tol a toltol laulau. Ika ning tik ir tol a toltol laulau, anundala a tena harnangai, e Iesu Karisito a Tena Tostos, ir atalapori tetek e Tamana.

1 Jon 3:20

Ning a nuknukindala i arup dala, e God i leklek tana ararup ting na nuknukindala, pa i tasman a ututnala rop.