1 Jon 3:22 - Label

²² Pa ututnala rop ning dala nunungi tana, i sarani tan dala, anasa dala longor ana nuna na warkuraila, pa dala tol a utna ning i gas onoi.

1 Jon 3:22 Referans Kwoze

Jon 15:7

Ning mulo patap hok, pa anuka warwara ir laun o mulo, mulor nunung sur ta utna mulo mang suri, pa dir sarani ot ta mulo.

Jon 9:31

Dala tasmani mang e God bel ir longor a nunung anuna tena laulaula, ir longor ka esining i hanrawai i pa i sira mur a nuknukna.

Matiu 21:22

Ning mulo tortorot, a ututnala rop ning mulo nunung suri, mulor kibasi.”

1 Jon 5:14

Dala tasman momoli ning dala nunung tetek e God, sur ta utna arlar ana nuna nemnem, ir longor dala.

A Wakak a Warwara o e Iesu Karisito i tumusi 11:24

Manglarning a atongi ta mulo a ututnala rop ning mulo nunung suri, mulor tortorot ka mang di ka saran tari ta mulo, pa dir saran tari ot.

Jon 14:13

Pa ututnala rop ning mulo nunungi ana risak, ar tolsot pasi, sur e Natnalik ir saran a matatar o e Tamana.

Jems 1:5

Ning tik o mulo i kapan sur a mananos, i wakak ning ir nunung e God suri. Pa e God ir tabari onoi, anasa i sira tamtabar dala rop, pa bel i sira san alar ta utna. Pa bel i sira balakut tetek tik ning i nunungi.

Jon 8:29

Esaning i sune iau i kes taum hok, bel i han kusun iau, anasa a sira tol asaning i gas onoi.”

Kolosi 1:10

Mia nunung larne sur anumulo a lalaun ir arlar ana toltol anuna Leklek, pa mulor sira tol asaning ir gas onoi. Larning anumulo a lalaun ir suah a waimulo ana wakak a titol rop ning mulor toli, pa mulor gomo ana numulo a tastasman o e God.

Jems 5:16

Mulor warwara puasa artalai tetek mulo ana numulo na toltol laulaula, pa mulor nunung sur mulo artalai, sur a Leklek ir alangolango pas mulo. A nunung anuna tena tostos i rakrakai kol, pa i wai otnan a wana.

Hibru 13:21

A nunung e God sur ir tabar mulo ana wakak a ututnala rop, sur mulor mur a nuknukna. A nunung otleng, mang ana titol ane Iesu Karisito, e God ir awakak dala arlar ot ana nuknukna. Dalar atong leklek pas e Iesu Karisito, bel ir rarop pa bel ir rarop. Amen.

Jon 6:29

E Iesu i keles la mange, “A titolla ne, ning e God i mang suri, mulor tortorot o esaning i sune i ute.”

Pilipai 4:18

Ia ka kibas pas a ututnala rop pa i itna kol, i itna tana nuk a kapan. Bel ma a kapan sur ta utna, anasa a ututnala ning mulo saran seni, ia ka kibas pasi ta e Epaproditus. I arlar ana artabar tetek e God ning i tomtoboh wakak, ning e God i gas onoi pa i mang kol suri.

Aposel 17:30

Ana raula nating, e God i noren a taraila ning bel la nuk pasi, ika onone, i atai a taraila rop ana hananuala sur lar lingir a nuknukinla.

Jon 15:10

Ning mulo longor ana nuk na warkuraila, mulor laun ana nuk a marmaris, larning a longor ana warkuraila ane Tata, pa a laun ana nuna marmaris.

Matiu 17:5

Ning kaning ot i warwara, a laukap ning i talapor kol i poroi alar pas la. Pa a elngen takai misaot na laukap, i atongi mang, “Ine a Natuklik, a katnan koli, a gas kol onoi. Mulor longor tana.”

Aposel 20:21

A warawai tetek a taraila rop, a tarai Juda taum ana tarai masik otleng, sur lar lingir a nuknukinla tetek e God pa lar tortorot ana nundala Leklek e Iesu.

Jems 4:3

Ning mulo nunung, bel mulo kibas asaning mulo nunung suri, anasa a nuknukimulo bel i tostos. Mulor nunung ka sur a utna ning ir agasgas mulo ot.

1 Jon 2:3

Ning dala longor ana nuna warkuraila, dala talapor mang dala tasman ot e God.