1 Jon 2:5 - Label

⁵ Ning tik ir longor ana warwara ane God, ir mang momol sur e God. Dala tasmani dala ane God mange:

1 Jon 2:5 Referans Kwoze

Jon 14:23

E Iesu i kelesi mange, “Ning tik ir mang sur iau, ir longor ana nuk na asasaer. Pa e Tata ir mang suri, pa miar han teteki, pa miar kes taum onoi.

Jon 14:21

Esining i tong akes anuk na warkuraila pa i muri, i ning i mang sur iau. Pa e Tata ir mang suri, pa iau otleng ar mang suri, pa ar asangan iau tana.”

Luk 11:28

Ika e Iesu i kelesi mang, “La ning la longor a warwara ane God pa la muri, la angis.”

1 Jon 3:24

Esining i longor ana nuna na warkuraila, i laun o e God, pa e God i laun onoi. Pa dala tasmani mang e God i laun ondala, anasa a Talngan Tabu ning i tabar dala ono, i laun ondala.

Tatatai 14:12

Larne, ir wakak sur a tarai ane God, lar tur rakrakai, la ning la sira longor ana warkurai ane God pa anunla a tortorot i tur rakrakai o e Iesu.

1 Jon 5:2

Dala tasmani mang dala mang sur na natnat e God mange: Dala mang sur e God, pa dala longor ana nuna warkuraila.

Jon 15:5

“Iau ot a rakai a wain, pa mulo a rakrakanala. Esining i patap hok, pa a patap onoi, ir wai kol. Ika ning mulo laun masik kusun iau, bel mulor tolsot pas ta utna.

1 Jon 4:18

Belal matmataut i kes ana marmaris. Ika a kidol a marmaris i kepsen a matmataut. Ning tik i matmataut anasa i nuki mang ir hirua ana warkurai na arkeles teteki, anuna marmaris bel i kidol.

2 Korin 5:17

Ning tik ir laun o e Karisito, i a tona akakes. Anuna toltol tagun nating ka rop. Oroi, a tona lalaun ka hanot.

Tatatai 12:17

Pa dregon i balakut kol tetek hane ning, pa i han suir harum taum dingla na natnatna a hane otleng ning. La ning la sira longor ana warkurai ane God, pa la sira mur a warwara talapor o e Iesu.

1 Jon 5:20

Dala tasmani otleng mang a Nat e God ka hanot, pa ka tabar tar dala ana tastasman, sur dalar tasman a momol a God. Dala laun ana momol a God, anasa dala laun ana Natnalik e Iesu Karisito. I a momol a God, pa lalaun tikin.

1 Korin 1:30

E God ot ka tol tar a ngas sur mulor laun taum o e Karisito Iesu, pa i saran tari sur i a kamkama anundala na tastasim ta e God. O e Karisito, e God i atong dala mang dala tostos namatana, pa dala totoh namatana. Pa ana titol ane Karisito, e God i lou alangolango pas dala kusun anundala na toltol laulau.

A Pas ane Pol tetek a tarai Rom 8:1

I maining la ning la laun o e Karisito Iesu, bel ma ta warkurai na arkeles ane God tetek la.

Jems 2:22

Ur oroi i, anuna tortorot i han taum ana nuna wakak a titolla. Pa ana nuna titol, a tortorot anunai i bot kidol.

2 Korin 5:21

E Karisito bel i tol ta toltol laulau, ika e God i suah tar anundala na toltol laulau saot ono, sur ning dala laun o e Karisito, dalar tostos namatana e God.

Jon 6:56

Esining ir ien a palaok pa ir gang a sulukik, ir laun hok, pa iau ar laun onoi.

1 Jon 4:17

Ana ngas ne, anuna marmaris i kes kidol ondala, sur bel dalar matmataut ana pukakiar a warkurai, anasa te na rakrakan hanua dala laun arlar o e Karisito.

2 Jon 1:6

A marmaris i manglarne: Dalar mur a warkurai ane God. Anuna warkurai, ning nating mulo ka longor tari, i manglarne, mulor laun ana marmaris.