Yuda 1:4 - Chipangano Chabwangu

⁴ Pantu abantu bambi abatomfwilapo Lesa balinjile mubumfinshi mukati kenu. Mba bakofwaya ukonaula ubwanshi bwaku Lesa wesu ubo twakwata mukuchita ifintu ifyabipisha. Bakokana Yesu Klistu, Imfumu na Kalonga wesu enka. Nakukale Amalembo aku Lesa alisosele ukuti bakupaminwapo.

Yuda 1:4 Referans Kwoze

Galatiya 2:4

Elo bamo balikufwaya ukuti ashilimunwe. Balikuyilanga ukuba bawesu, kuntu bayishile ukulengulula ubwanalale ubo twakwata muli Klistu Yesu. Balikufwaya ukutuchita abasha.

2 Petulo 2:10

Ukuchilapo akupela umulandu abafunga ifibi ifyabuntunse nokusuula bakateka. Mba basambishi ababufi baba abashipa nakambi bankalwe, abatachinshikapo abansambu abakumulu. Elo balabatuka. Nangu bangelo abafiso ukuchila mba pachinso chaku Lesa.

1 Yohane 2:22

Mba uwabufi ninani? Ningulya onse uusosa ukuti Yesu talipo Uwasubwa waku Lesa. Umuntu uukana Bata no Mwana echipondo chaku Klistu.

1 Petulo 2:16

Ikaleni kubati bantu ababwanalale, kuntu mwiyalula ubwanalale bwenu ichakufimba pafibi fyenu. Ikaleni nga abapyungi baku Lesa.

1 Petulo 2:8

Amalembo asosa nakambi ati, “Elyayishile kuba libwe lyakuyitutulako, ilyakuwisha abantu.” Balayitutulako pantu tabomfwila Amashiwi aku Lesa nga mfilya Lesa umwine apingwile kabela.

2 Timoti 3:6

Bambi baku bo balenjila munanda yabantu nokuchenjeleka abanakashi abanaka kufibi, nakambi abatungululwa nolunkumbwa ulupusene-pusene.

Galatiya 5:13

Mwe bawesu, Lesa alimwita ukuti mukwate ubwanalale. Nomba muchenjele ukuti ubwanalele bwenu mbu, bwimutwalapo kulunkumbwa ulubi ulwakuchita ifyabuntunse bwenu. Echo mupyungilane mukutemwa.

2 Petulo 3:7

Nomba Lesa namashiwi enka nga, asunga iwulu nechalo ifyo tubona nduno ukwebati akafyoche kumulilo. Alifisunga ukufikila pakasuba ako akupingula nokonaula abantu abatachetekela.

Yuda 1:15

Akwisa kupingula nokubachinka panshi bonse abatomfwila Lesa pamulandu wabubi bonse ubo bachitile. Akwisa kubachinka panshi napamashiwi onse amisula awo imbifi shalikusalula Lesa.”

1 Petulo 4:18

Amalembo asosa ati, “Nga chakuti abalungama bakupuluka mukuchuchutika, mba kumbifi ishitomfwilapo ifyaku Lesa chakuba shani?”

Efeso 4:14

Tatwakabepo abana aboluulwa kuchipupu chakusambisha ichabufi nakambi abachenjeshi abalufya abantu mubuchenjeshi bwabo.

Imilimo ya batumwa 15:24

Twalyumfwile ukuti abalalume bambi abamuli fwe balishile uko ukumusakamika nokumufulunganya imitima kufyo balikusosa. Mwandi mba bantu tefwepo twabatumine iyowo.

Imilimo ya batumwa 11:23

Ulo afikile nokubona ifyo Lesa ashukishe abantu mba, iyowo mwandi alisansamwike nokubakoselesha ukuti bekatishe nokwikalilila muli Bashikulu nemitima yabo yonse.

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

Mateyo 13:25

Nomba inshita abantu bali mutulo, alishile umulwani wakwe nokuminsamo ulunsekwe muli tiligu nokuya kaya.

Ukufisulula 15:4

Bashikulu, mba ninani ushingamutinapo, nokuchinshika ishina lyenu? Pakuti nimwebo mwenka mwe babuta. Imitundu yakwisa ukuti imulombe pakuti imilimo yenu ililungeme, nabantu bonse balibwene.”

1 Timoti 5:8

Nomba umuntu nga takosakamanapo abamukowa wakwe, ukuchilapo abamulupwa lwakwe umwine, ngu muntu aliposa ichichetekelo chakwe nakambi mubi ukuchilapo noutachetekela.

2 Timoti 2:12

Nga twashipa, twakutungulula pamo nakwe. Nga fwebo twamukana, na Ye akutukana.

2 Petulo 2:7

Nomba apulwishe Loti umuntu uyo alungamikile, uwachulile mumutima pabwikashi bwabusali ubwabantu abatomfwila Lesa.

Yuda 1:18

ati, “Kunshita yakumupwilo kwakuba abantu abali kusalula Lesa nabantu bakwe, balikukonkela bwaka mulunkumbwa lwabo ulubi.”