Yuda 1:21 - Chipangano Chabwangu

²¹ Ikaleni mukutemwa kwaku Lesa ulo mukolindila ubumi butapwa ubo Bashikulu wesu Yesu Klistu akaya kupela muchisa chakwe.

Yuda 1:21 Referans Kwoze

1 Yohane 4:16

Nafwe bene twalishiba nokuchetekela ukutemwa akwata muli fwebo. Lesa kutemwa. Umuntu onse uwakwata ukutemwa ali muli Lesa na Lesa muli ye.

2 Petulo 3:12

Mukolindila akasuba akakubwela kwaku Lesa ulo mupyunga mukwangufyanya akasuba nkalya. Pali nka kasuba ifyakumulu fyakupya nokonaulwa kumulilo, elo ifintu fyonse fyakusungulika kumulilo.

Hebele 9:28

Mwenkamo Klistu aliipele nge chipupo limo ukwebati apinte nokufuta amabifyo abantu abenji. Akuboneka nakambi inshita yalenga chibili. Temukufutapo amabifyo iyowo, kuntu nimukupulusha bo abakomulindila.

Ukufisulula 12:11

Bawesu balichimfishe nomulopa wa Mwana wambelele, namashiwi ayachine ayo balikubilisha. Bo baliyipele ukufikapo, ichakwebati tabali kutinapo nokufwa.

2 Tesalonika 3:5

Bashikulu batungulule imitima yenu ukuti mwishibe ukutemwa nokufuka umutima kuli Klistu.

Loma 6:23

Pakuti amalipilo abubi, nimfwa kuntu ichabupe chaku Lesa bumi butapwa muli Bashikulu Yesu Klistu.

Yohane 14:21

“Uyo onse uupokelela amafunde anji nokualama, ewantemwa. Bata bakumutemwa umuntu onse uwantemwa, nandibo nakumutemwa nakambi nokuyifisulula nemwine kuli ye.”

2 Timoti 4:8

Ichisheleko nomba kupokelela ingala ilanga ukulungama uko Bashikulu, kapingula uwalungama, bakumpela pakasuba nkalya. Elo ichabupe nchi tabakapeleko nebo nenka iyowo, kuntu nambalya bonse abakolindilila ukwisa kwakwe.

2 Timoti 1:2

Nkolembela webo Timoti, mwana wanji uwatemwekwa. Lesa Bata na Klistu Bashikulu wesu bakukwatile ubwanshi, inkumbu nomutende.

Loma 8:39

nangu ichalo chamumulu nangu ichapanonshi, nangu ichabumbwa ichili chonse. Takupo ichintu nangu chimo ichakutulekanya kuchitemwiko chaku Lesa icho tukwete muli Klistu Yesu Imfumu yesu.

Loma 5:21

Kubati nimfilya ububi bwaletele imfwa pano chalo, munshila imo yenka ubwanshi bwachimfishe ukupitila mubulungami, nokuleta ubumi butapwa kubantu bonse ukupitila muli Bashikulu Yesu Klistu.

1 Yohane 5:18

Twalishiba ukuti Umwana waku Lesa tatwalililapo ukubifya. Pakuba Yesu, Mwana waku Lesa, alamulama bwino, no Mubi tekuti amuchitepo kantu.

Loma 5:5

Ukulindila nako kulatukoselesha pantu twalishiba ukuti Lesa aatutemwa ukwinekantu ukupitila mu Mupashi Wabuta uwo atupela.

Imilimo ya batumwa 11:23

Ulo afikile nokubona ifyo Lesa ashukishe abantu mba, iyowo mwandi alisansamwike nokubakoselesha ukuti bekatishe nokwikalilila muli Bashikulu nemitima yabo yonse.

Yuda 1:24

Ubuleme bube kuli Ye uwaba nefiso fyakumusunga ukuti mwiwa. Ye uwaba nefiso ifyakumulenga abalungama nakambi abasekelela pachinso chakwe ichabuleme.

1 Yohane 5:21

Mwe bana banji, mutalukeko kuli tungosa wakubasa.

2 Timoti 1:18

Bashikulu bamusuminishe ukuti apokelele inkumbu kuli Lesa pabushiku bwabupingushi. Walishiba bwino ukuti alingafwilishe ukwinekantu ku Efeso.

Yohane 1:17

Lesa apele Amafunde ukupitila muli Mosesi, kuntu ubwanshi nokwebesha fyayishile muli Yesu Klistu.

1 Timoti 1:2

Nkokulembela webo Timoti mwana wanji uwakwebesha muchichetekelo. Lesa Bata na Klistu Yesu Bashikulu wesu bakupele ubwanshi, inkumbu, elo nomutende.

2 Timoti 1:16

Bashikulu bakwatile inkumbu ulupwa lwa Onesifolasi, pakuti inshita ishinji alensansamusha. Tabelepo nanebo insoni nangu nali muchifungo.

Yuda 1:1

Nine Yuda umupyungi waku Yesu Klistu, nakambi nine wabo wakwa Yemusi. Nalemba kalata nji kuli mwebo mwe bayitwa nakambi abatemweka na Lesa Bata, mwebo Yesu Klistu asunga.

Yuda 1:22

Mulokukwatila ichisa bo abachili mukukayika muchichetekelo chabo.