Yuda 1:20 - Chipangano Chabwangu

²⁰ Nomba mwebo mwe bananji, mutwalilileni ukuyimaka mwenka muchichetekelo chenu ichabuta. Lombeni mufiso ifyaku Mupashi Wabuta.

Yuda 1:20 Referans Kwoze

Efeso 6:18

Inshita shonse lombeni mukutungululwa no Mupashi Wabuta ukuti Lesa amwafwilishe. Mulombe nokulomba ukupusene-pusene. Mube abayiluka mukulombela abantu baku Lesa, mwilekapo iyowo.

1 Kolinto 14:15

Nomba nkochita shani? Nakulomba nomutima wanji, elo namano anji. Nakwimba nomutima wanji, elo namano anji.

Kolose 2:7

Mwandemo imishu nokwimaka ubumi bwenu muli Ye. Mwimakane ndi apo muli mwe bashindayikwa muchichetekelo chenu ukubati nimulya mwasambilile. Nakambi mulokumutotela lonse.

1 Tesalonika 5:11

Nomba mulokukoseleshanya nokwafwana umo nomunakwe nga mfilya mukochita kale.

1 Kolinto 14:26

Findo nakusosa bawesu? Ulo mulongana pamo, umbi ali nolwimbo, umbi neshiwi alefwaya ati asambilishe, umbi ali nakantu kambi ako Lesa amufisulwila, umbi naye akusosa mundimi ishitayishibikwapo, elo umbi naye wakwalula. Nomba fyonse mfi fichitwe mukukoselesha ichilonganino.

Loma 8:15

Umupashi Wabuta uwo mwapokelele taumulengapo ukuti mube abasha nakambi iyowo, kuntu ukuba abana. Nakambi eulenga ukuti tulokulomba ati, “Abba, Bata.”

Galatiya 4:6

Pakuti tushininkishe ukwebati tuli bana bakwe, Lesa alitumine Umupashi wa Mwana wakwe mumitima yesu. Elo Umupashi ngu watulenga ukuti tusose ati, “Abba! Bata!”

Efeso 4:29

Mukanwa kenu mwilafumapo amashiwi aali onse aabi, kuntu musose amashiwi aaweme afwilisha ukuti bonse abayomfwa bapindulemo akantu.

Imilimo ya batumwa 9:31

Kunshita njilya ifilonganino ifyabena Klistu mumiputulwa yonse iyamu Yudeya, Galili namu Samaliya mwali umutende. Ukupitila mufiso fya Mupashi Wabuta, ifilonganino fyalikosele nempendwa yabantu yalikukula. Bonse balikunakila Bashikulu.

Efeso 4:16

uutungulula umubili onse, nokulundanya pamo ifilewa fyonse. Elo ichilewa chonse chalikwata umulimo wachiko. Echo umubili onse ulakula nokukosa mukutemwa.

Efeso 4:12

Achitile mfi ukuti apekanishishe kabela abantu baku Lesa ukuti babombe umulimo nokwimaka ichilonganino icho ichili mubili waku Klistu.

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

1 Yohane 5:4

Pakuba umwana waku Lesa onse alachimfya ifyamuno chalo. Icho tuchimfishako ifyapanonse chichetekelo.

Yemusi 2:22

Boneni ukuti ichichetekelo chakwe nemilimo fyalibombele pamo. Ukupitila mumulimo wakwe, ichichetekelo chakwe chalifikilepo.

Taitasi 1:1

Nine Paulo umupyungi waku Lesa, nakambi umutumwa waku Yesu Klistu. Nalisalilwe ukutangilila abasalwa ukuti bachetekele nokwishiba ichine, ichingabafikisha kubumi ubwakuchinshika Lesa

1 Kolinto 10:23

Kuli insosele iyakuti, “Ifintu fyonse fyalisuminishiwa,” nomba te fyonsepo ifiweme. Nakambi, “Ifintu fyonse fyalisuminishiwa,” nomba te fyonsepo ifyafwa.

Loma 15:2

Echo tulingile ukusekesha umo nomunakwe mukwafwilishanya ukuti ichichetekelo chikose.

Imilimo ya batumwa 15:9

Lesa talangilepo akapatulula pakati kesu nabenafyalo. Alungamikile imitima yabo pantu balichetekele.

2 Timoti 1:5

Inshita shonse ndalanguluka nechichetekelo chobe ichinenene. Ichichetekelo nchilya ichali muli bambuya bobe ba Loisi namuli banoko ba Yunisi. Elo nkochetekela ukuti nawebo uli nacho.

1 Timoti 1:4

Ubebe ukuti baleke ukukonka utufuto twakale utuleta bwaka ukutalikana nokusunga amashina ayamikowa aatashilapo. Mfi tafitwalapo kubufwayo bwaku Lesa ubukochitika ukupitila muchichetekelo.

1 Kolinto 1:8

Ye akumukosha ukufika nakumupwilo, ukwebati mwikabapo abamulandu pakasuba kaku Bashikulu Yesu Klistu.

Ukufisulula 13:10

Onse uulingile ukupintwa mubwankole, nachine mubwankole bakumupinta. Na onse uulingile ukwipayiwa kumwele, nachine kumwele bakumwipaya. Echo abantu bakwe balingile ukushipikisha nokwikalilila muchichetekelo.”

Yuda 1:3

Mwe batemwekwa, nafwayisha ukumulembela kalata ukuti mulondolwele ifyakupuluka kwesu bonse. Nomba nabona ukuti ichalikufwayikwa bwangu-bwangu kumulembela nokumukoseleshako, ukuti mutwalilile ukulwila ichichetekelo icho Lesa apelele bwaka kubantu bakwe abapatulika.

2 Petulo 1:1

Nine Simoni Petulo, umupyungi nomutumwa waku Yesu Klistu. Nkolembela kuli bo abapokelele ichichetekelo icho nafwebo twapokelele ukupitila mubulungami bwaku Lesa no Mupulushi wesu Yesu Klistu.

Imilimo ya batumwa 6:7

Elo amashiwi aku Lesa afikile konse-konse, nempendwa yabena Klistu yalikukulilako mu Yelusalemu. Nabo bachipupila abenji balichetekele.