Yuda 1:19 - Chipangano Chabwangu

¹⁹ Abantu abali mfi ebalenga pali mwebo ukulekanya. Elo bakonkela bwaka mufyabuntunse. Tabakwetepo Umupashi Wabuta.

Yuda 1:19 Referans Kwoze

1 Kolinto 2:14

Umuntu uutakwetepo Umupashi Wabuta tomfwapo ififuma ku Mupashi ngu. Kuli ye fipuneme. Elo tekuti afyumfwikishepo pakuti fishibikwa bwaka kumuntu uukwete Umupashi Wabuta.

Loma 8:9

Nomba mwebo tamwikalapo kubati bantunse pakuti mulatungululwa no Mupashi waku Lesa, kati Umupashi ngu uli muli mwebo ichine-chine. Elo umuntu onse uutakwatapo Umupashi waku Klistu talipo mwina Klistu.

Yemusi 3:15

Umulangwe wamusango ngu tawufumapo kumulu iyowo, kuntu wapanonshi, wabuntunse uufumu kumupashi uubi.

Hebele 10:25

Twilekapo ukulongana pamo kubati nimfilya ifikochita bambi. Nomba fwebo tulokukoseleshanya pakuti akasuba kaku Bashikulu kakopalamina.

1 Kolinto 6:19

Napo tamwishibilepo ukuti umubili wenu ninanda ya Mupashi Wabuta? Lesa amupela Umupashi ngu ukwebati wikale muli mwe. Echo ubumi mukwete tebwenupo.