Yuda 1:16 - Chipangano Chabwangu

¹⁶ Abantu mba lonse balayilishanya nokubepesha bambi. Bakonka bwaka mufyabipa ifyo bakofwaya benka. Balasosa ifyakuyisalula benka. Elo balapoka ububoni mubuchenjeshi.

Yuda 1:16 Referans Kwoze

2 Petulo 2:18

Mba bantu basosa amashiwi ayakuyitutumuna yapuneme aatakwetepo nakantu. Elo mukufunga ifibi ifyabuntunse, balachenjeleka abantu abapulwike bwangu pabanabo abekala mufibi.

2 Petulo 2:10

Ukuchilapo akupela umulandu abafunga ifibi ifyabuntunse nokusuula bakateka. Mba basambishi ababufi baba abashipa nakambi bankalwe, abatachinshikapo abansambu abakumulu. Elo balabatuka. Nangu bangelo abafiso ukuchila mba pachinso chaku Lesa.

Filipi 2:14

Chiteni fyonse ukwambula ukuyilishanya nangu ifitala,

1 Petulo 4:2

Echo ulo muchili nobumi panonshi, tamwakonkepo ukufwaya kwabuntunse, kuntu ukufwaya kwaku Lesa.

1 Timoti 6:5

nokulaka inshita shonse ukufuma kubantu abo amano abo alyonayika, abatangeshibapo ifyachine. Bena balanguluka ukuti ukulomba Lesa enshila yakusangilamo ububoni.

1 Kolinto 10:10

Mwilokuyilishanyapo ukubati nimfilya bambi balikuchita. Elo umungelo wabonaushi alibepeye.

Yuda 1:18

ati, “Kunshita yakumupwilo kwakuba abantu abali kusalula Lesa nabantu bakwe, balikukonkela bwaka mulunkumbwa lwabo ulubi.”

2 Petulo 3:3

Pakwamba mwishibe ukwebati panshiku shakulekelesha kwakwisa bamulengulwila, abakonka ifibi fyabo.

1 Petulo 2:11

Mwe batemwekwa, pakuti muli abalwendo panonshi, nkomupapata talamukeniko kufyalunkumbwa ulwamubili ifyo ifilwa namwe.

Yuda 1:15

Akwisa kupingula nokubachinka panshi bonse abatomfwila Lesa pamulandu wabubi bonse ubo bachitile. Akwisa kubachinka panshi napamashiwi onse amisula awo imbifi shalikusalula Lesa.”

1 Petulo 1:14

Mwikale nga abana bachumfwila. Mushe imibele iyo mwalikukonka kale mukuteshiba kwenu.

Galatiya 5:16

Icho nkososa chakuti lekeni Umupashi Wabuta ulemutungulula. Elo tamwakulakonkapo imibele yenu iyabuntunse.

Yohane 6:61

Ukwambula ukumweba, Yesu alishibile ukuti abakusambila bakwe balikuyilishanya pamashiwi aya. Elo asosele kuli bo ati, “Napo nga mashiwi akolenga ukuti munenuke?

2 Timoti 4:3

Pakuti inshita yakwisa ulo abantu bakukana ichisambisho chachine, kuntu bakukonka ifyamikalile yabo, nokuyifwayila abasambishi abakubeba ifyo bakabila ukumfwa.

1 Tesalonika 4:5

Teyalunkumbwapo kubati benafyalo abashamwishibapo Lesa.

Galatiya 5:24

Bonse ababa muli Klistu Yesu balisamika pamutashi imibele yabuntunse iibi pamo nolunkumbwa.

Yohane 6:41

Ulo baumfwile mfi abakulu ba Bayuda batatikile ukuyilishanya pamulandu wamashiwi awo Yesu asosele ati, “Nine mufuba wafuma kumulu.”

Luka 19:7

Ulo abantu bamubwene, batatikile ukuyilishanya bati, “Ngu muntu ayinjila munanda nokwikala pamo nembifi!”

Luka 15:2

Elo Abafalisi nabasambishi ba Mafunde batatikile ukuyilishanya bati, “Ngu muntu akopokelela nabantu ababa mfi nokulya nabo!”

Luka 5:30

Bambi Abafalisi nabasambishi ba Mafunde baliyilishenye kubakusambila bakwe ati, “Mba nindo mukolila nokunwena pamo nabakasonkesha nembifi?”