Yohane 8:23 - Chipangano Chabwangu

²³ Nomba Yesu alibasukile ati, “Mwebo muli bapanonshi, kuntu nebo ndiwakumulu. Mwebo muli bamuchalo nchino, kuntu nebo nshili wamuno chalo iyowo.

Yohane 8:23 Referans Kwoze

Yohane 3:31

Uyo uwafuma kumulu emukulu ukuchila bonse. Uyo uwafuma muno chalo, epela wamuno chalo nakambi asosa nefyamuno chalo. Nomba uyo uwafuma kumulu ewaba uwapamulu pali fyonse.

Yohane 17:16

Tabali bamuchalo, ukubati nimfilya nandibo tanshilipo uwamuchalo.

Yohane 17:14

Nalibasambisha amashiwi enu, elo ichalo chalibapatile pakuti tabalipo bamwibumba lyabo, ukubati nimfilya nandibo tanshilipo wamuli bo.

Yemusi 4:4

Mwe bantu abatachetekelwapo! Napo tamwishibilepo ukwebati buchibusa nefintu ifyapanonshi kupatana na Lesa? Echo umuntu uufwaya ifyabuntunse kapondo kaku Lesa.

Yohane 3:13

Elo takupo umuntu uwanina kumulu, kuntu Umwana wa Muntu, uyo uwafumineko.”

Yohane 1:14

Elo Ishiwi lyaalukile umuntu, ayishile kwikala mukati kesu uwayiwulamo ubwanshi nokwebesha. Nafwebo twabwene umuchinshi wakwe, umuchinshi wachana chimo chaku Wishi.