Yohane 8:15 - Chipangano Chabwangu

¹⁵ Mwebo mupingula ukulingana nobuntunse bwenu, kuntu nshikopingulapo umuntu nangu umo.

Yohane 8:15 Referans Kwoze

Yohane 12:47

Kati umuntu aumfwa amashiwi anji nokutayanakila, tanshayise kumulengululapo. Nalisa, te mukupingulapo ichalo iyowo, kuntu nimukuchipulusha.

Yohane 7:24

Lekeni ukupingula abantu mumibwenekele yabo, kuntu mulokupingula mumibelo iyakwebesha.”

Yohane 3:17

Pakuti Lesa tatuminepo Umwana wakwe muchalo ukuti apingule abantu, kuntu ukuti abapulushe.

Yohane 18:36

Yesu alyasukile ati, “Ubufumu bwanji tabuli bwamuli nchino chalo. Abuba bwapanonshi, abalumbwana banji nga balimine mukulwa pakuti nintwalwa kubakulu ba Bayuda. Nomba ubufumu bwanji tabuli bwapanonshi iyowo.”

1 Kolinto 2:15

Umuntu uukwete Mupashi Wabuta angeshiba ukuwama nokubipa kwafintu fyonse, elo tapapo uungamutalikapo.

Loma 2:1

Webo we upingula bambi, nangu chibe ati niwe nani, taukwetepo akabepesho. Pakuba ulo upingula abanobe, ulayipingula wemwine wenka, pakuti nawe ulachita fimo fyenka.

Yohane 8:11

Naye aasukile ati, “Tapapo nangu umo mwe Bashikulu.” Naye Yesu asosele ati, “Chiweme, nandibo nshakupelepo umulandu. Koya, kuntu wibifyapo nakambi.”]

Yemusi 2:4

napo pakuchita mfi tamwishibilepo ukwebati mukoyikwatila akapatulula mwenka nokwipingula namalangulushi aabi?

Luka 12:14

Yesu amwasukile ati, “We munanji, mba ninani uwampela ubupingushi, nangula ifiso ifyakwabanya ububoni bwenu babili?”

2 Kolinto 5:16

Echo ukufuma nduno fwebo tatulangulukilapo ifya muntu uuli onse pamano ayabuntunse. Nangu akale twalikulanguluka ifyaku Klistu mumano yabuntunse, nomba nduno tatulangulukapo ifyaku ye munshila nji.