Yohane 7:36 - Chipangano Chabwangu

³⁶ Ali kusosa ati tukamufwaya, kuntu tatwakamusangepo. Nakambi akoti uko akoya tekuti tufikeko. Chindo icho akososa?”

Yohane 7:36 Referans Kwoze

Yohane 3:9

Nikodemasi alimufumbile ati, “Nga nchi kuti chaba shani?”

Yohane 7:34

Kunshita iyo mwakwisa kumfwayilisha, kuntu tamwakambonepo, noko nkaya tamwakafikeko.”

1 Kolinto 2:14

Umuntu uutakwetepo Umupashi Wabuta tomfwapo ififuma ku Mupashi ngu. Kuli ye fipuneme. Elo tekuti afyumfwikishepo pakuti fishibikwa bwaka kumuntu uukwete Umupashi Wabuta.

Yohane 12:34

Elo ibumba lyabantu lyalyasukile ati, “Mumafunde akwa Mosesi mwalilembwa ati, ‘Uwasubwa waku Lesa akwisa kwikalilila.’ Mba nishani nomba ukusosa ati, ‘Umwana wa Muntu akowamina ukusumbulwa pamutashi? Ninani uyo Mwana wa Muntu?’”

Yohane 6:60

Abenji abamubakusambila bakwe ulo baumfwile nga mashiwi, basosele ati, “Nku kusambisha kwakosa ukwinekantu. Mba ninani uwingakumfwa?”

Yohane 6:52

Penkapo abakulu ba Bayuda batatikile ukutalikishanya bati, “Ngoyu muntu kuti atupela shani umubili wakwe ukuti tulye?”

Yohane 6:41

Ulo baumfwile mfi abakulu ba Bayuda batatikile ukuyilishanya pamulandu wamashiwi awo Yesu asosele ati, “Nine mufuba wafuma kumulu.”

Yohane 3:4

Nikodemasi alimufumbile ati, “Mba muntu umukulu kuti afyalwa shani libili? Nachine tekuti enjilepo mwifumo lyakubanyina nokufyalwa nakambi!”

Yohane 8:21

Panuma Yesu asosele ku Bafalisi ati, “Nebo nkoya. Nangu kati mwakwisa kumfwaya-mfwaya, tamwakansangepo. Mwakwisa kufwila mumabifyo enu bwaka. Mwebo tekuti muyepo uko nebo nkoya.”

Yohane 13:33

Mwe bana banji, tanshayikalepo nenu inshita iitali. Mwakwisa kumfwayilila, kuntu nkomweba nomba ifyo na ebele intanjishi sha Bayuda ati, ‘Mwebo tekuti muyeko uko nebo nkoya.’