Yohane 7:19 - Chipangano Chabwangu

¹⁹ Mosesi alimupele Amafunde, kuntu tapapo nangu umo uwakumwebo uualama. Mba mulandu ndo mukofwayila ukunjipaya?”

Yohane 7:19 Referans Kwoze

Yohane 1:17

Lesa apele Amafunde ukupitila muli Mosesi, kuntu ubwanshi nokwebesha fyayishile muli Yesu Klistu.

Yohane 11:53

Ukufuma pali nkalaya kasuba, abakulu ba Bayuda bapingile ukwipaya Yesu.

Yohane 7:1

Panuma yaku mfi, Yesu apitene muchalo cha Galili. Tafwayilepo ukwenda muchalo cha Yudeya, pakuti abakulu ba Bayuda balikufwaya ukumwipaya.

Mateyo 12:14

Penkapo Abafalisi balifuminemo nokuya mukupangana umwakwipayila Yesu.

Galatiya 6:13

Nangu nimbalya abafwaya ukushilimunwa tabalamapo Amafunde. Bakofwaya bwaka ukuti mwebo mushilimunwe ukwebati bayitakishe pakushilimunwa kwenu.

Galatiya 3:19

Mulandu ndo Amafunde apelelwe? Lesa apele Amafunde ukwebati abantu beshibe bubi bwabo, ukufikila ulo yakwisa imbuto njilya yakwa Abulahamu iyo Lesa alayile. Lesa apele Amafunde mubangelo nowakuwikishanya.

Imilimo ya batumwa 7:38

Enka Mosesi ngu ewali pamo nefikolwe fyesu ulo balongene muchiswebebe. Ewali nomungelo uyo asosele nakwe pa Lupili lwa Sinai. Engu enka uwapokelele amashiwi abumi nokuyapela kuli fwebo.

Yohane 10:39

Apa nakambi bafwayile ukumwikata, kuntu alifumpumukile muminwe yabo.

Yohane 7:25

Abantu bamo abamu Yelusalemu batatikile ukusosa ati, “Napo ngu tewo bakofwaya ukwipaya?

Yohane 5:45

Mwilanguluka ukuti nebo nakwisa kumupela umulandu kuli Bata. Nomba Mosesi uwo mwabikamo ubuchetekelo, ewakumupela umulandu.

Yohane 5:18

Nga mashiwi eyalengele abakulu ba Bayuda ukuti bafwayishe ukwipaya Yesu. Temulandupo wakutoba ifunde lyakasuba ke Sabata lyenka iyowo, kuntu nipakulabila ati Lesa ebawishi. Muli nga mashiwi Yesu ayilingile kuba uwalingana na Lesa.

Yohane 5:16

Nomba batatikile ukuchusha Yesu pakuti aposeshe umuntu pakasuba ke Sabata.

Maliko 3:6

Nomba Abafalisi balifuminemo munanda yakulombelamo Lesa. Bwangu-bwangu pamo nabantu bakwa Helodi, balifumbene nokupanga ifyakuti bamwipaye Yesu.

Maliko 3:4

Epo afumbile abalimo ati, “Chindo ifunde lyatusuminisha ukuchita pakasuba ke Sabata? Ukwafwa nangula ukuchena? Ukupulusha ubumi bwamuntu nangula ukwipaya?” Nomba balikutumene bwaka.

Mateyo 21:38

Nomba ulo abalimi bamubwene, balisoshenye abati, ‘Tenjilya impyani yakwe ikoyisa. Iseni tumwipaye pakuti ibala libe lyesu.’

Maliko 11:18

Ulo intungulushi shabachipupila nabasambishi ba Mafunde baumfwile, balikufwayilisha inshila yakumwipayilamo Yesu. Nomba balikutina, pantu abantu bonse balishimbilwe pakusambisha kwakwe.