Yohane 7:1 - Chipangano Chabwangu

¹ Panuma yaku mfi, Yesu apitene muchalo cha Galili. Tafwayilepo ukwenda muchalo cha Yudeya, pakuti abakulu ba Bayuda balikufwaya ukumwipaya.

Yohane 7:1 Referans Kwoze

Yohane 4:3

Ulo Yesu aumfwile ifyalikusoswa, alifumine ku Yudeya nokubwelela ku Galili.

Mateyo 21:38

Nomba ulo abalimi bamubwene, balisoshenye abati, ‘Tenjilya impyani yakwe ikoyisa. Iseni tumwipaye pakuti ibala libe lyesu.’

Yohane 7:19

Mosesi alimupele Amafunde, kuntu tapapo nangu umo uwakumwebo uualama. Mba mulandu ndo mukofwayila ukunjipaya?”

Mateyo 10:23

Nomba nga bamuchusha mumushi umo, butukileni kuli umbi. Nachine nkomweba ati, ulo mutalapwilisha imishi yonse iyamu Isilaeli, Umwana wa Muntu alikwishile kale.

Imilimo ya batumwa 10:38

Mwalishiba nefyaku Yesu waku Nasaleti, ifyo Lesa amusubile no Mupashi Wabuta nokumupela fiso. Pakuti Lesa ali naye aendele konse-konse, alikuchita imilimo iiweme nokuposha bonse abali kuchunshiwa kuli Satana.

Yohane 4:54

Nchi echafiso ichikulu ichalenga bubili icho Yesu achitile ulo afumine ku Yudeya nokuya ku Galili.

Yohane 1:19

Elo bachilolo ba Bayuda abamu Yelusalemu batumine bachipupila naba Lefi mukumufumba Yohane ati, “Kanshi webo niwe nani?”

Yohane 8:40

Fyonse ifyo nchita fyakwebesha pantu efyo naumfwile kuli Lesa, sembi mwebo mukofwaya ukunjipaya. Abulahamu tachitilepo mfi!

Yohane 8:37

Nalishiba ukuti muli bana bamulupwa lwakwa Abulahamu. Nomba mwebo mukofwaya ukunjipaya pakuti tamukosuminapo ukusambisha kwanji.

Yohane 7:25

Abantu bamo abamu Yelusalemu batatikile ukusosa ati, “Napo ngu tewo bakofwaya ukwipaya?

Maliko 11:18

Ulo intungulushi shabachipupila nabasambishi ba Mafunde baumfwile, balikufwayilisha inshila yakumwipayilamo Yesu. Nomba balikutina, pantu abantu bonse balishimbilwe pakusambisha kwakwe.

Yohane 6:1

Panuma, Yesu ayile kwishilya lyaku bemba wa Galili, (nangula bemba wa Tibeliyasi.)

Yohane 7:11

Munshita yanku kulya, abakulu ba Bayuda balikumufwayilisha. Balikufumbashanya ati, “Nikwisa ali?”

Yohane 7:13

Nomba takwalipo nangu umo uwasosele apabuta pakuti bonse balikutina abakulu ba Bayuda.

Yohane 7:35

Epo abakulu ba Bayuda batatikile ukufumbashanya ati, “Nikwisa uko engaya uko fwebo tatungamusanga? Napo kuti aya kumushi waba Giliki ukwikala abantu besu nokuya kubasambisha?