Yohane 4:3 - Chipangano Chabwangu

³ Ulo Yesu aumfwile ifyalikusoswa, alifumine ku Yudeya nokubwelela ku Galili.

Yohane 4:3 Referans Kwoze

Mateyo 10:23

Nomba nga bamuchusha mumushi umo, butukileni kuli umbi. Nachine nkomweba ati, ulo mutalapwilisha imishi yonse iyamu Isilaeli, Umwana wa Muntu alikwishile kale.

Yohane 11:54

Pamulandu ngu, Yesu talikwendapo ichende-ende muchalo cha Yudeya, kuntu alifumineko nokuya kuchifulo ichali mupepi namuchiswebebe, kumushi wa Efulaimu, uko ayikele nabakusambila bakwe.

Yohane 10:40

Elo Yesu alibwelelemo nakambi kwishilya lyamulonga wa Yodani, apo Yohane alikubatishisha pakwamba. Eko ayile kwikala.

Yohane 3:22

Panuma yaku mfi, Yesu nabakusambila bakwe bayile kuchalo cha Yudeya uko ayikele nabo nokubatisha.

Yohane 2:11

Yesu achitile nchi ichafiso ifikulu ichakwamba mu Kana, muchalo cha Galili. Uko aafisulwile ubuleme bwakwe, nabakusambila bakwe balimuchetekele.

Yohane 1:43

Akasuba kakonkelepo Yesu alangulukile ukuya kuchalo cha Galili. Elo asangile umwalalume uwitwa Filipo nokuti kuli Ye, “Nkonka!” (

Maliko 3:7

Yesu na bakusambila bakwe balifumineko, bayile kuli Bemba wa Galili. Nebumba ilikulu lyalimukonkele. Abo bantu bafumine ku Galili, naku Yudeya,

Yohane 3:32

Asosa ifyo abwene nokumfwa, kuntu takupo umuntu nangu umo upokelela amashiwi akwe.

Luka 17:11

Ulo Yesu ali palwendo ukuya ku Yelusalemu, ayilekupita kumupaka waku Samaliya na Galili.

Yohane 4:47

Ulo aumfwile ati Yesu alishile ukufuma ku Yudeya ukuya ku Galili, alileko kuli Ye nokumufumba ukuti aye akaposhe umwana wakwe uwali apepi nokufwa.

Yohane 7:1

Panuma yaku mfi, Yesu apitene muchalo cha Galili. Tafwayilepo ukwenda muchalo cha Yudeya, pakuti abakulu ba Bayuda balikufwaya ukumwipaya.