Yohane 4:23 - Chipangano Chabwangu

²³ Nomba inshita ikoyisa, nanomba ilifikile kale, ulo abamulomba mukwebesha bakalomba Bata kufiso fyaku Mupashi Wabuta ukubati niumo afwayila. Ukulomba ukwinenene uko Bata bafwaya.

Yohane 4:23 Referans Kwoze

Filipi 3:3

Pakuba nifwebo abashilimunwa ukufikapo. Fwe abalomba Lesa pakutungululwa no Mupashi Wabuta. Tulayitutumuna pamulandu waku Klistu Yesu, temukuchetekelapo ifyabuntunse iyowo.

Yohane 5:25

Nachine nkomweba ati, inshita ikoyisa, nanomba ilifikile kale, ulo abafwa bakwisa kumfwa ishiwi lya Mwana waku Lesa, nambalya bonse abakolyumfwa bakubukila kubumi.

Galatiya 4:6

Pakuti tushininkishe ukwebati tuli bana bakwe, Lesa alitumine Umupashi wa Mwana wakwe mumitima yesu. Elo Umupashi ngu watulenga ukuti tusose ati, “Abba! Bata!”

Loma 8:26

Munshila imo yenka, Umupashi Wabuta ulatwafwako. Tuli abanaka, tatwishibilepo ifyo tulingile ukulomba. Echo Umupashi Wabuta ulatulombela kuli Lesa ifyo amashiwi tangasosapo.

Yohane 12:23

Naye Yesu alibasukile ati, “Inshita nomba yafika iyakuti Mwana wa Muntu apelwe ubuleme.

Efeso 6:18

Inshita shonse lombeni mukutungululwa no Mupashi Wabuta ukuti Lesa amwafwilishe. Mulombe nokulomba ukupusene-pusene. Mube abayiluka mukulombela abantu baku Lesa, mwilekapo iyowo.

Yohane 4:21

Yesu asosele ati, “We mwanakashi, nachine inshita yakwisa apo abantu tabayise kulombelapo Bata muli ndu lupili nangu mu Yelusalemu.

Yohane 1:17

Lesa apele Amafunde ukupitila muli Mosesi, kuntu ubwanshi nokwebesha fyayishile muli Yesu Klistu.

Loma 8:15

Umupashi Wabuta uwo mwapokelele taumulengapo ukuti mube abasha nakambi iyowo, kuntu ukuba abana. Nakambi eulenga ukuti tulokulomba ati, “Abba, Bata.”

1 Petulo 2:9

Pakuba mwebo muli umutundu uwasalwa, bachipupila ababufumu, umutundu wapatulika, abantu baku Lesa. Alimusalile ukuti mubilishe imilimo yakwe iiweme yaku ngulya uwamwitile ukufuma mumfishi nokwisa mukusanika kwakwe ukushimbwisha.

Yohane 16:32

Inshita ikoyisa, nanomba ilifikile kale, ulo mwakwisa kupalangana nokuya kumwenu-mwenu. Elo nakushala nenka. Nangu chakuba mfi, tanshakabepo nenka pakuti Bata bali nandibo.

Loma 1:9

Lesa uwo nebo mpyungila mukubilisha Ubutumi bwakwe Bwawama nomutima wanji onse, ekamboni wanji ukuti nebo ndamwibukisha.

Yohane 5:28

Mwilenga mushimbwe pali nchi, inshita ikoyisa ulo abafwa bonse bakwisa kumfwa ishiwi lyakwe.

Yohane 16:2

Bakumufutwila kunse yamananda yakulombelamo Lesa. Mwandi inshita ikoyisa iyakuti abantu bakamwipaya nokulanguluka ukuti emo bakobombela Lesa imilimo iiweme.