Yohane 3:5 - Chipangano Chabwangu

⁵ Yesu alimwasukile ati, “Nachine nkokweba ati, nga muntu tafyelwepo kumenshi naku Mupashi Wabuta tekuti enjilepo mu Bufumu bwaku Lesa.

Yohane 3:5 Referans Kwoze

Imilimo ya batumwa 2:38

Elo Petulo abebele ati, “Lapileni nokubatishiwa bonse mwishina lyaku Yesu Klistu ukuti munakililwe kumabifyo enu. Elo mwakupokelela Umupashi Wabuta, ubupe bwaku Lesa.”

Efeso 5:26

ukwebati achibutishe. Achibutishe pakuchisamfya namenshi, elo namashiwi aakwe.

1 Petulo 3:21

Amenshi ngalya alipalana nolubatisho ulo shino nshiku lukomupulusha pamulandu wakubuka kwaku Yesu Klistu. Ukubatishiwa nku tekusambapo ifiko ifyapamubili, kuntu ukuyipela kuli Lesa nomutima wachine. Lulamupulusha ukupitila mukubuka kwaku Yesu Klistu kubafwa.

1 Kolinto 6:11

Bambi muli mwe efyo bali kale. Nomba mwalisambwa kububi nokuba abana baku Lesa. Lesa alimulungamika ukupitila mwishina lyaku Bashikulu Yesu Klistu no Mupashi waku Lesa.

Mateyo 3:11

Nebo nkomubatisha namenshi ichishibilo chakulanga ukuti mwalapila, kuntu uyo uwakwisa panuma yanji, akumubatisha ku Mupashi Wabuta nakumulilo. Alinchililepo ifiso. Nebo tanshilingilepo nokupinta inkwanda shakwe.

Yohane 3:3

Yesu alimwasukile ati, “Nachine nkokweba ati, nga muntu tafyelwepo libili tekuti enjilepo mu Bufumu bwaku Lesa.”

Maliko 16:16

Uwasumina nokubatishiwa akupuluka, kuntu uwakukana ukusumina, akoyisa kupingulwa nokuya mukuchushiwa.

1 Kolinto 2:12

Fwebo tatwapokelelepo umupashi wapanonse iyowo, kuntu twapokele Umupashi Wabuta uwafuma kuli Lesa, ukwebati ese twafwilisheko ukumfwisha ifyo Lesa atupele bwaka.

Yohane 1:13

Ukuba abana baku Lesa takwafuminepo kubafyashi babo, nangula mukufwaya kwamuntu iyowo, kuntu bafyelwe mufiso fyaku Lesa.

1 Yohane 5:1

Umuntu onse uuchetekela ukuti Yesu e Wasubwa waku Lesa, mwana waku Lesa. Na ye watemwa Bawishi alitemwa no Mwana wabo.

1 Yohane 2:29

Kubati nimfilya mwishibile ukuti Klistu aba uwaololoka, ekuti onse uuchita ifyaololoka Mwana waku Lesa.

Galatiya 6:15

Temulandupo ukushilimunwa nangu ukutashilimunwa, ichikulu chakuti umuntu asanguke uwabwangu.

Loma 14:17

Pakuti ubufumu bwaku Lesa tekulyapo nokunwa bwaka, kuntu ukumusekesha, ukwikala umutende, elo nokusangalala. Mfi fyonse fifuma ku Mupashi Wabuta.

Mateyo 28:19

Echo kamuya kubantu bamitundu yonse, mukabasangule ukuba abakusambila banji. Mukababatishe mwishina lya Bata, nelya Mwana nelya Mupashi Wabuta.

Mateyo 18:3

nokuti, “Nachine nkomweba ati, nga tamuli kubati twana tunini, tamwakenjilemo mubufumu bwakumulu.

1 Petulo 1:2

Lesa Bata alimusala, ngefyo alangulukile pakutatika ukuti Umupashi Wabuta amuwamye ukwebati mumfwile Yesu Klistu nokuwamishiwa kumulopa wakwe. Lesa amukwatile ubwanshi nokumupela umutende ukuchilapo.

Imilimo ya batumwa 3:19

Kanshi nomba lapileni, mwalukile kuli Lesa ukuti afute amabifyo enu. Elo Lesa akumupa ifiso fyabwangu inshita nenshita.

Luka 13:3

Iyowo! Nakambi nkomweba nati, kati tamukolekapo ukuchita ububi, bonse mwakwisa kufwa kubati nimulya bafwilile.

Mateyo 5:20

Echo nkomweba ati, ukuchetekela kwenu kati takuchililepo ukwabasambishi ba Mafunde akwa Mosesi nokwa Bafalisi, tamwakenjilemo mubufumu bwakumulu.

Loma 8:2

Pakuti ifunde lya Mupashi Wabuta ilitupela ubumi muli Klistu Yesu, lyankakula kwifunde ilyabubi nemfwa.

Luka 13:24

“Esheni ukwinjila pamulyango uuche, pakuba mukasuba kakumupwilo abantu abenji bakafwaya ukwinjila, nomba bakwisa kufilwa.

Luka 13:5

Iyowo! Nomba nga tamwalapilepo, mwakwisa kufwa kubati nimulya bafwilile.”

Mateyo 19:24

Echo chaliba ichayanguka ingamila ukupula mulinso lyakashinje ukuchila umusambashi ukwinjila mu Bufumu bwaku Lesa.”

Mateyo 21:31

Nomba ninani pali mba bana uwachitile ifyalikufwaya wishi?” Nabo bayasukile ati, “Wakwamba.” Yesu epakubeba ati, “Nachine nkomweba ati, abamisonko nabachende bakumutanjilila pakwinjila mubufumu bwaku Lesa.

Maliko 9:47

Nakambi kati ilinso lyobe lilakulenga ukubifya, lilobolemo. Chawama ukwinjila mu Bufumu bwaku Lesa nelinso limo ukuchila ukuposwa mumulilo utashimapo namenso abili.

Maliko 10:14

Ulo Yesu abwene mfi, alikalipile nokuti kubakusambila bakwe, “Lekeni abana banini bese kuli nebo, mwibakanyapo, pakuti Ubufumu bwakumulu bwaku bo abali nga mba.

Yohane 3:4

Nikodemasi alimufumbile ati, “Mba muntu umukulu kuti afyalwa shani libili? Nachine tekuti enjilepo mwifumo lyakubanyina nokufyalwa nakambi!”

1 Kolinto 15:50

Icho nkomweba bawesu chakuti umuntu nomubili wakwe uwamunafi tangenjilamo mubufumu bwaku Lesa. Elo fyonse ifibola tekuti finjilepo uko ifintu fitabola.