Yohane 3:16 - Chipangano Chabwangu

¹⁶ Pakuti Lesa atemenwe abantu bonse muchalo. Echo apele Umwana wakwe uwafyalwa enka, ukuti onse uwamuchetekela efwa iyowo, kuntu abe nobumi butapwa.

Yohane 3:16 Referans Kwoze

Loma 5:8

Nomba Lesa alitulanga ifyo atutemwa ichakuti ulo twali mbifi Klistu atufwilile.

Yohane 3:15

ukuti onse uwamuchetekela abe nobumi butapwa.

Loma 8:32

Lesa alitupele Umwana wakwe umwine. Elo alimupele pamulandu wesu! Nomba kuti afilwa shani ukutupela ifintu fyonse pamo na Ye?

Yohane 6:40

Pakuti icho Bata bafwaya chakuti uyo onse uwabona Mwana nokumuchetekela abe nobumi butashila. Elo nebo nakumubusha pakasuba kakumupwilo.”

Yohane 3:36

Uyo onse uuchetekela mu Mwana aliba nobumi ubutapwa, kuntu onse uutachetekelapo Umwana tayise kuba nobumi, kuntu ubukali bwaku Lesa bwakwikalililapo pali ye.

1 Yohane 4:19

Twalitemwa pakuti Lesa ewatatikile ukututemwa.

Yohane 10:28

Elo ndashipela ubumi butashila. Tashakafwepo nakambi takupo uwingashipokolola kuli ne.

Loma 5:10

Fwebo twali utupondo utwaku Lesa, kuntu atulengele ifibusa fyakwe pamulandu wamfwa ya Mwana wakwe. Nomba ifi atulengele buchibusa na Lesa, twapulushiwa nobumi bwaku Klistu!

Yohane 1:29

Pakasuba kakonkelepo, Yohane Mubatishi abwene Yesu akoyisa kuli Ye. Elo asosele ati, “Boneni, ngulya e Mwana Wambelele waku Lesa uupinta amabifyo abantu bonse!

2 Tesalonika 2:16

Nomba Bashikulu Yesu Klistu abene benka na Lesa Bata abatutemenwe, abatutalalike nokutupela ukulolela mubwanshi bwabo,

Efeso 2:4

Nomba Lesa wankumbu ukwinekantu nakambi alitutemwa ukuchilapo.

Mateyo 9:13

Kamuya mukasambilile ifyo asosa Amalembo aku Lesa ati, ‘Nkofwaya ichisa, te chipupopo chanama iyowo.’ Tanshayisapo mukwita abaololoka imitima, sembi imbifi.”

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.

Yohane 1:14

Elo Ishiwi lyaalukile umuntu, ayishile kwikala mukati kesu uwayiwulamo ubwanshi nokwebesha. Nafwebo twabwene umuchinshi wakwe, umuchinshi wachana chimo chaku Wishi.

Taitasi 3:4

Nomba ulo ichisa nokutemwa kwaku Lesa Mupulushi wesu kwafisulwilwe,

Yohane 1:18

Takupo umuntu nangu umo uwabona Lesa, kuntu Umwana uwafyalwa enka uwatemwekwa, uuli ni Lesa, ewatwishibishe ifyaku Lesa.

Maliko 12:6

Nowashelepo ukutuma mwana wakwe umwalalume uyo atemenwe ukwinekantu. Pakulekelesha eye atumineko kuli bo nokusosa ati, ‘Nachine Umwana wanji bakoya kumuchinshika.’

Luka 2:14

“Umuchinshi ube kuli Lesa mumulu mwine, epo nomutende panonshi mubantu abo atemwa!”

Yohane 3:18

Uyo onse uwakuchetekela mu Mwana takopingulwapo, kuntu uyo onse uutachetekela ye apingulwa kale, pantu tachetekelapo mu Mwana umo enka waku Lesa.

Hebele 2:9

Nomba uyo tukobona bwaka ni Yesu, Ye pakashita kanini bamuchefyeshe ukuchila abangelo, alipokelele ingala yamuchinshi pamulandu wamfwa iyo achulile. Chali mfi pakuti mubwanshi bwaku Lesa afwayile ukuti Yesu afwile abantu bonse.

1 Yohane 3:1

Boneni ifyo Bata batutemenwe ukwinekantu! Batutemenwe ichakuti nomba tukoyitwa abana baku Lesa. Nachine efyo tuli. Abantu tabatwishibapo ifwe pantu tabayishibilepo na Lesa.