Yohane 3:13 - Chipangano Chabwangu

¹³ Elo takupo umuntu uwanina kumulu, kuntu Umwana wa Muntu, uyo uwafumineko.”

Yohane 3:13 Referans Kwoze

Yohane 6:38

Pantu tanshayisapo ukufuma kumulu mukuchita ukufwaya kwanji iyowo, kuntu ukwaku Ye uwantumine.

Imilimo ya batumwa 2:34

Nomba Pantu Davide umwine takwelelepo kumulu iyowo, kuntu alisosele ati, ‘Bashikulu Lesa basosele kuli Bashikulu banji, Ikala kumulyo kwanji,

Yohane 1:18

Takupo umuntu nangu umo uwabona Lesa, kuntu Umwana uwafyalwa enka uwatemwekwa, uuli ni Lesa, ewatwishibishe ifyaku Lesa.

1 Kolinto 15:47

Umuntu wakwamba ngulya afumine kwiloba. Umuntu wachibili afumine kumulu.

Yohane 13:3

Yesu alishibile ati Bawishi balimupele ifiso pafintu fyonse. Alishibile ukuti Ye afumine kuli Lesa nakambi akubwelela kuli Ye.

Loma 10:6

Nomba ifisosa Amalembo ukulingana nefyo Lesa alungamikilamo abantu kupitila muchichetekelo nimfi ifikoti, “Wilokuyifumba wenka ati, ‘Mba ninani wingakwela kumulu?’ (Ekwebati ukuleta Klistu panonshi.)

Yohane 6:62

Nga chingaba shani ukubona Umwana wa Muntu akobwelela kumulu uko afumine?

Yohane 3:31

Uyo uwafuma kumulu emukulu ukuchila bonse. Uyo uwafuma muno chalo, epela wamuno chalo nakambi asosa nefyamuno chalo. Nomba uyo uwafuma kumulu ewaba uwapamulu pali fyonse.

Yohane 6:46

Takupo nangu umuntu umo uwabona Bata iyowo, kuntu nebo newafuma kuli Lesa, ene namubona.

Yohane 6:42

Epo basosele ati, “Napo ngu te mwana Yosefe? Bawishi nabanyina twalibeshiba. Nga nishani nomba akoebela ati, ‘Nafuma kumulu?’”

Yohane 17:5

Nomba Bata namwe nchinshikeni nebo, nga mfilya nachinshikilwe ulo twali bonse, ichalo chitalatatikwa.

Yohane 8:42

Yesu abasukile ati, “Nachine nga Lesa aaba ni Nshinwe, nga mwalintemwa pakuti nafuma kuli Lesa. Tanshayishilepo munsambu shanji iyowo, kuntu Lesa ewantumine.

Yohane 6:51

Nine mufuba wabumi uwafuma kumulu. Kati muntu uuli onse aalya ngu mufuba, akwikalilila. Nakambi umufuba uyo nakumupela mubili wanji ukuti abantu bonse bamuchalo babe nobumi.”

Yohane 6:33

Pakuti umufuba waku Lesa, ningulya uwayika kumulu ukwisa kupela ubumi bwakwe kuchalo.”

Imilimo ya batumwa 20:28

Echo mulokuyisunga mwebene nomukuni onse uyo Umupashi Wabuta wamupela ukwangalila. Mube bachembela bamukuni waku Lesa uyo umwine apulwishe mumfwa ya Mwana wakwe.

Mateyo 28:20

Mukabasambishe ukulama fyonse ifyo namukonkobeshe. Nandibo nalikuba namwe inshita shonse ukufikila nakumupwilo wachalo.”

Efeso 1:23

Ichilonganino emubili waku Klistu, elo chayiula na Yesu uyo uwayiusha ifintu fyonse.

Mateyo 8:20

Elo Yesu amwasukile ati, “Bamumbwe balikwata imimba, nefyuni nafyo fyaliba nefinsa, kuntu Umwana wa Muntu takwatapo napakusamina umutwi.”

Yohane 3:12

Mwebo tamukochetekelapo ulo nkomweba fintu fyamuchalo, nga mwakuchetekela shani ulo ningamubusha ifintu fyakumulu?