Yohane 21:7 - Chipangano Chabwangu

⁷ Penkapo uwakusambila uwo Yesu atemenwe asosele kuli Petulo ati, “Ni Bashikulu!” Ulo Petulo aumfwile ati ni Bashikulu, abulile ilaya lyakwe nokufwala. (Pakuba alifulile amalaya pamulandu wamulimo.) Ulo ashilile ukufwala, achilukile mumenshi.

Yohane 21:7 Referans Kwoze

Yohane 13:23

Umo uwabakusambila bakwe uwo Yesu atemenwe, ayikele apepi na Yesu.

Yohane 20:2

Alibutukile ulubilo nokwisa kuli Simoni Petulo nowakusambila umbi uwo Yesu atemenwe. Asosele kuli bo ati, “Balibafumishemo Bashikulu mumanda. Elo tatwishibilepo uko bababikile.”

Yohane 19:26

Ulo Yesu abwene banyina nowakusambila uwo atemenwe balimakene, asosele kuli banyina ati, “We mwanakashi, bona umwana obe ngu!”

2 Kolinto 5:14

Chitemweko chaku Klistu echikotutungulula. Pakuba tulachetekela ukwebati umo alitufwilile bonse, echo bonse balifwa.

Yohane 21:24

Uwakusambila ngu ewapele bukamboni kuli mfi fintu, nakambi nokufilemba ewafilembele. Epo twalishiba ukuti bukamboni bwakwe bwakwebesha.

Yohane 21:20

Petulo alyalukile nokubona uwakusambila umbi uwo Yesu atemenwe akomukonka. Engulya uwapalamine kuli Yesu ulo bali pakulya umulalilo uwakumupwilo, nokumufumba ati, “Bashikulu, mba niwisa uukoyisa kumwembula?”

Imilimo ya batumwa 10:36

Mwebo mwalishiba amashiwi awo Lesa atumine kubena Isilaeli, ayakushimika Ubutumi Bwawama ubuleta umutende muli Yesu Klistu Shikulu wabantu bonse.

Imilimo ya batumwa 2:36

“Kanshi mwe bena Isilaeli bonse mwishibe nchi ichakuti ngu Yesu uwo mwebo mwasamikile pamutashi, eye Lesa achita Imfumu no Wasubwa!”

Luka 7:47

Epo nkokweba ukuti pamulandu wakuti alintemenwe ukwinekantu, amabifyo akwe nangu apakile shani, anakililwa. Nomba umuntu uyo banakilila apanini, eukotemwa panini.”

Luka 2:11

Pakuti kwafyalikwa kuli mwebo muli nkano kasuba mumushi wakwa Davide, Umupulushi, eye Klistu Bashikulu!

Maliko 11:3

Kati umuntu akumufumba ati, ‘Mba nindo mukokakwila mwana punda?’ Musose mwati, ‘Ni Bashikulu bakomufwaya, nokubwesha bakomubwesha bwangu-bwangu.’”

Yemusi 2:1

Mwe bawesu, pakuti mulachetekela muli Bashikulu Yesu Klistu ababuleme, mwikwatapo akapatulula.

1 Kolinto 15:47

Umuntu wakwamba ngulya afumine kwiloba. Umuntu wachibili afumine kumulu.

Yohane 20:28

Tomasi alimwasukile ati, “Mwe Shikulu wanji, na Lesa wanji!”

Yohane 20:20

Pakusosa mfi, alibalangile amaboko akwe nechitumba chakwe. Elo abakusambila balisekelele pakubona Bashikulu.

Luka 12:35

“Mube abayibukila muli fyonse ifyakumwishila. Mufwalile kukulwa nokusanika inyali shenu lonse

Yohane 21:8

Abakusambila bambi bayishile kumulundu mubwato uku balekula isumbu umwayiwile inswi. Bali bwaka apepi nakumulundu nangula amatabi umwanda umo.