Yohane 21:16 - Chipangano Chabwangu

¹⁶ Inshita iyachibili Yesu amufumbile ati, “Simoni, mwana Yohane, napo walintemwa?” Naye alimwasukile ati, “Ina Bashikulu, mwebo mwalishiba ati nalimutemwa.” Yesu amweba ati, “Lisha imbelele shanji.”

Yohane 21:16 Referans Kwoze

Imilimo ya batumwa 20:28

Echo mulokuyisunga mwebene nomukuni onse uyo Umupashi Wabuta wamupela ukwangalila. Mube bachembela bamukuni waku Lesa uyo umwine apulwishe mumfwa ya Mwana wakwe.

1 Petulo 5:2

Beni bachembela bambelele shaku Lesa isho amupela. Tekumupatikishapo iyowo, kuntu mukutemwa kwenu, ngomo Lesa afwayila. Mwilokupyunga ngu mulimo pamulandu wakunonkelamo ububoni, kuntu nomutima uufwayilisha ukupyunga.

1 Petulo 2:25

Pakuba mwali kubati imbelele ishalubile, kuntu nomba mwabwelela kuli chembela uukosunga ubumi bwenu.

Hebele 13:20

Lesa upela umutende, alibushishe Bashikulu Yesu kubafwa, Ye ali ni Chembela mukulu wambelele pamulandu wamfwa yakwe ili chishibilo ichachipangano ichitapwa.

Yohane 18:25

Ulo Simoni Petulo ayimakene akoonta umulilo, bambi balimufumbile ati, “Napo tewepo umo uwabakusambila bakwe?” Nomba alikene nokuti, “Tenepo iyowo.”

Yohane 18:17

Umwanansungu ngulya, uwali pamulyango asosele na Petulo ati, “Napo webo taulipo umo uwa bakusambila baku ngu muntu?” Petulo asosele ati, “Tenepo.”

Luka 19:10

Pakuti Umwana wa Muntu ayishile mukufwaya nokupulusha abaluba.”

Mateyo 26:72

Nakambi Petulo alikene ati, “Nalapa, uyo muntu nshimwishibilepo.”

Mateyo 25:32

Imitundu yonse iyabantu ikalonganikwa kuli Ye. Elo akupatula abantu ukubati nimfilya chembela apatula imbelele kumbushi.

Mateyo 2:6

“We Betelehemu wamuchalo cha Yudeya, taulipo umuche nangu panini pakati kamishi ya Yudeya. Pakuba nimuli we emwakufuma impalume, iikoyisa kuba nga chembela kubantu banji Abaisilaeli.”

Ukufisulula 7:17

Pakuti Umwana wambelele uuli pakati kamupando wabufumu, akuba chembela wabo nokubatungulula kutumfuku-mfuku twamenshi ayapela ubumi. Lesa akubasumuna iminsoshi yonse kumenso yabo.”

Yohane 21:17

Inshita iyachitatu, Yesu amufumba nakambi ati, “Simoni, mwana Yohane, napo walintemwa?” Petulo abele nechikonko pantu Yesu amufumbile nomba umuku wabutatu ati, “Napo walintemwa?” Epo naye aasukile ati, “Bashikulu, mwebo mwayishiba ifintu fyonse. Mwalishiba ukuti nalimutemwa!” Yesu amwebele ati, “Lisha imbelele shanji.