Yohane 21:15 - Chipangano Chabwangu

¹⁵ Panuma yakulya Yesu asosele kuli Petulo ati, “Simoni mwana Yohane, napo walintemwa ukuchila mba?” Simoni alyasukile ati, “Ina Bashikulu, mwebo mwalishiba ati nalimutemwa.” Elo Yesu amwebele ati, “Lisha twana twambelele shanji.”

Yohane 21:15 Referans Kwoze

Loma 15:1

Nomba fwebo abakosa muchichetekelo tulingile ukwafwilisha abanaka. Twiisekeshapo fwenka.

1 Yohane 4:19

Twalitemwa pakuti Lesa ewatatikile ukututemwa.

1 Petulo 1:8

Ngulya tamwamubwenepo, kuntu mukomutemwa. Nangu tamukomubonapo nduno, mukomuchetekela, elo mulasekelela ukwinekantu uko amashiwi tangasosapo.

Efeso 6:24

Lesa abakwatile ubwanshi bonse abatemwa Bashikulu wesu Yesu Klistu nokutemwa ukutashilapo.

Imilimo ya batumwa 20:28

Echo mulokuyisunga mwebene nomukuni onse uyo Umupashi Wabuta wamupela ukwangalila. Mube bachembela bamukuni waku Lesa uyo umwine apulwishe mumfwa ya Mwana wakwe.

1 Yohane 5:1

Umuntu onse uuchetekela ukuti Yesu e Wasubwa waku Lesa, mwana waku Lesa. Na ye watemwa Bawishi alitemwa no Mwana wabo.

Yohane 16:27

pantu Bata benka balimutemwa. Balimutemwa pakuti mwalintemwa nokunchetekela ukuti nafumine kuli Bo.

1 Petulo 2:25

Pakuba mwali kubati imbelele ishalubile, kuntu nomba mwabwelela kuli chembela uukosunga ubumi bwenu.

Hebele 4:13

Tapapo akantu akafisamika pamenso yaku Lesa, kuntu fyonse fyabafye palwalala nokufisuluka kuli Ye. Elo kuli Ye tulingile ukuebelela ifyo twachitile.

Luka 22:32

Nomba we Simoni nakulombela ukwebati ukuchetekela kobe kwibwelelapo kunuma. Ulo wakubwelela kuli nebo, ulingile ukukosha bawenu.”

Hebele 13:20

Lesa upela umutende, alibushishe Bashikulu Yesu kubafwa, Ye ali ni Chembela mukulu wambelele pamulandu wamfwa yakwe ili chishibilo ichachipangano ichitapwa.

Loma 14:1

Pokeleleni umuntu uwanaka muchichetekelo, kuntu mwichitapo ifikansa pamalangulushi akwe.

Mateyo 16:17

Pakwasuka Yesu amwebele ati, “Walishuka Simoni mwana Yona, pantu temuntupo uwakufisulwila nchi iyowo, kuntu ni Bata bakumulu.

Ukufisulula 2:23

Nakulofya abana bakwe. Elo ifilonganino fyonse fyakwishiba ukuti ninebo uwayishiba ifyamumitima namalangulushi yabantu. Echo nkalambula umuntu nomuntu pamilimo yakwe.

1 Petulo 2:2

Kubati tucheche utukofunga ibele, namwebo mufunge ibele ilinenene ukwebati umukushe nokumufikisha kuchipulusho.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

Yohane 21:12

Yesu asosele kuli bo ati, “Iseni mwikule.” Takupo nangu umo uwabakusambila uwafumbile ati, “Niwe nani?” Pantu balishibile ati ni Bashikulu.

Yohane 21:7

Penkapo uwakusambila uwo Yesu atemenwe asosele kuli Petulo ati, “Ni Bashikulu!” Ulo Petulo aumfwile ati ni Bashikulu, abulile ilaya lyakwe nokufwala. (Pakuba alifulile amalaya pamulandu wamulimo.) Ulo ashilile ukufwala, achilukile mumenshi.

Mateyo 18:10

“Chenjeleni ukuti mwisulapo umo uwabana mba abanini. Nachine nkomweba ati, abangelo babo abakumulu baba pantanshi yaku Bata abali kumulu inshita shonse. [

Efeso 4:14

Tatwakabepo abana aboluulwa kuchipupu chakusambisha ichabufi nakambi abachenjeshi abalufya abantu mubuchenjeshi bwabo.

1 Kolinto 8:11

Echo umuntu ngu uwanaka, wenu, akuloba pamulandu wakwishiba kobe. Wachita mfi kuli wobe uwo Yesu afwilile pamulandu wabuntungwa bobe.

Yohane 8:42

Yesu abasukile ati, “Nachine nga Lesa aaba ni Nshinwe, nga mwalintemwa pakuti nafuma kuli Lesa. Tanshayishilepo munsambu shanji iyowo, kuntu Lesa ewantumine.

Maliko 14:29

Petulo ayasukile Yesu ati, “Nangu bambi bakubutuka, kuntu nebo iyowo!”

Luka 12:32

“We kabumba kanini kambelele, witina pantu ba Nshinwe balasekelela pakumupela ubu bufumu.

Mateyo 10:37

“Umuntu uwatemwesha bawishi nangula banyina ukuchila nebo talingilepo ukuba umuntu wanji. Elo na uyo onse uwatemwesha umwana wakwe umwalalume nangula umwanakashi ukuchila nebo, talingilepo ukuba umuntu wanji.

Yohane 13:37

Elo Petulo alimufumbile ati, “Bashikulu, mba nindo ntangamukonkelapo nomba? Nebo ndiyiteyenye ukufwila mwebo!”

Yohane 1:42

Elo bayile pamo kuli Yesu. Yesu alimuloleshe nokuti, “Ishina lyobe niwe Simoni mwana Yohane, kuntu nomba wakwitwa Kefasi.” (Ndi shina elimo na Petulo lyaalula ukuti, “Ibwe.”)

Mateyo 26:35

Petulo asosele ati, “Nangu kati kufwa, nkofwa nawe. Tekuti nkukanepo iyowo!” Nabakusambila bambi nabo basosele fimo fyenka.

Mateyo 26:33

Elo Petulo ayasukile Yesu ati, “Nangu bambi bakubutuka, kuntu nebo iyowo!”

Imilimo ya batumwa 20:29

Ukuba ndishibile ukwebati nga naya, imimbulu iikali yakumwinjilila nokutapa umukuni waku Klistu.